వివేకా హత్యకేసు:తీర్పు రిజర్వు చేసిన హైకోర్టు

అమరావతి: మాజీ మంత్రి వైఎస్‌ వివేకానందరెడ్డి హత్య కేసుపై హైకోర్టులో విచారణ పూర్తయింది. విచారణలో భాగంగా సేకరించిన శవపరీక్ష నివేదిక, జనరల్‌ కేసు డైరీని పోలీసులు కోర్టుకు సమర్పించారు. మరోవైపు ప్రతిపక్ష నేతగా ఉన్న సమయంలో కేసును సీబీఐకి అప్పగించాలంటూ జగన్‌ దాఖలు చేసిన పిటిషన్‌ను వెనక్కి తీసుకునేందుకు మెమో దాఖలు చేయడంపై వివేకా కుమార్తె సునీత తరఫు న్యాయవాది అభ్యంతరం తెలిపారు. పిటిషన్‌ ఉపసంహరణపై జగన్‌ తరఫు న్యాయవాది కోర్టులో వాదనలు వినిపించారు. పిటిషనర్ల వాదనలు విన్న ఉన్నత న్యాయస్థానం తీర్పును రిజర్వులో ఉంచింది. త్వరలో ఈ కేసుపై తుది తీర్పు వెలువరించే అవకాశముంది.