TS News: రిజిస్ట్రేష‌న్ల‌కు ప్ర‌భుత్వం అనుమ‌తి

హైద‌రాబాద్‌: తెలంగాణ రాష్ట్రంలో లాక్‌డౌన్ సడ‌లింపు నిబంధ‌న‌లు పొడిగించిన నేప‌థ్యంలో రిజిస్ట్రేష‌న్ల‌పై కేబినెట్ నిర్ణ‌యం తీసుకుంది. స‌డ‌లింపు నిబంధ‌న‌ల‌కు అనుగుణంగా భూములు, ఆస్తులతో పాటు వాహ‌నాల రిజిస్ట్రేష‌న్ల‌కు అనుమ‌తివ్వాల‌ని నిర్ణ‌యించింది. రాష్ట్రంలో మ‌రో ప‌ది రోజుల పాటు లాక్‌డౌన్‌ను పొడిగించిన ప్ర‌భుత్వం.. క‌ర్ఫ్యూ స‌డ‌లింపును ఉద‌యం 6 నుంచి ఒంటి గంట వ‌ర‌కు పెంచింది. ఇప్పటి వరకు ఉద‌యం 10 గంట‌ల వ‌ర‌కే స‌డ‌లింపు ఉండ‌టంతో రిజిస్ట్రేష‌న్ల‌కు అవ‌కాశం లేకుండా పోయింది. తాజా నిర్ణ‌యంతో రేప‌టి నుంచి రిజిస్ట్రేష‌న్లు తిరిగి ప్రారంభం కానున్నాయి.