2018 movie telugu review: రివ్యూ: 2018
2018 telugu movie review: మలయాళంలో ఘన విజయం సాధించిన ‘2018’ తెలుగులోనూ ప్రేక్షకుల ముందుకు వచ్చింది. మరి ఈ సినిమా ఎలా ఉంది?ఇక్కడ వారికీ కనెక్ట్ అయిందా?
2018 movie review: చిత్రం: 2018; నటీనటులు: టోవినో థామస్, కున్చకో బొబన్, అపర్ణా బాలమురళి, లాల్, అసిఫ్ అలీ, వినీత్ శ్రీనివాసన్, తన్వి రామ్, అజు వర్గీస్, నరైన్, కలైయారసన్ తదితరులు; ఛాయాగ్రహణం: అఖిల్ జార్జ్; సంగీతం: నోబిన్ పాల్; నిర్మాతలు: వేణు కున్నప్పిళ్లై, సీకే పద్మ కుమార్, ఆంటో జోసెఫ్; రచన, దర్శకత్వం: జూడ్ ఆంథనీ జోసెఫ్; సమర్పణ: బన్నీ వాస్; విడుదల తేదీ: 26-05-2023
మలయాళంలో సంచలనాలు సృష్టిస్తున్న సినిమా ‘2018’. సాధారణ సినిమాగా మొదలై... వంద కోట్ల మైలురాయిని అధిగమించి విజయవంతంగా ప్రదర్శితమవుతోంది. కేరళ వరదల నేపథ్యంలో రూపొందడం.. అక్కడి ప్రజలందరికీ కనెక్ట్ కావడమే అందుకు కారణం. భాషల మధ్య హద్దులు చెరిగిపోవడంతో ఏ భాషలో మంచి సినిమా వచ్చినా... వెంటనే అవి తెలుగులోనూ విడుదలవుతుంటాయి. అలా విడుదలై నెల రోజుల తిరగకముందే తెలుగు ప్రేక్షకుల ముందుకొస్తున్న మరో అనువాద చిత్రమే ఇది. తెలుగులో బన్నీ వాస్ విడుదల చేస్తున్నారు. ఇంతకీ ఈ సినిమాలో ఏముంది?(2018 telugu movie review) ఎందుకంతగా ప్రేక్షకుల్ని ఆకట్టుకొంటోంది?
కథేంటంటే: ఆర్మీలో ఉద్యోగం మానేసి దుబాయ్ వెళ్లే ప్రయత్నాల్లో ఉన్న ఓ యువకుడు అనూప్ (టోవినో థామస్). ఓ పెద్ద మోడల్ కావడమే లక్ష్యంగా శ్రమిస్తున్న మత్య్సకార కుటుంబానికి చెందిన మరో యువకుడు నిక్సన్ (అసిఫ్ అలీ). టూరిస్ట్లకి తలలో నాలుకలా ఉంటూ కుటుంబాన్ని పోషిస్తున్న టాక్సీ డ్రైవర్ కోషి (అజు వర్ఘీస్), కేరళ సరిహద్దుల్లో ఉండే తమిళనాడు గ్రామానికి చెందిన ఓ లారీ డ్రైవర్ సేతు (కలైయారసన్). ప్రభుత్వ కార్యాలయంలో పనిచేసే ఓ అధికారి (కుంచకో బొబన్).. ఇలా ఎవరి జీవితాలు వారివి, ఎవరి పనులతో వాళ్లు సతమతమవుతూ ఉంటారు. కానీ కొన్ని రోజుల వ్యవధిలోనే వాళ్ల జీవితాలు అనూహ్యమైన ఆటుపోట్లకి గురవుతాయని ఎవ్వరూ ఊహించి ఉండరు. భారీ వర్షాలతో కేరళని వరదలు ముంచెత్తుతాయి. (2018 telugu movie review) అనూహ్యమైన ఆ పరిణామంతో ఎవరి జీవితాలు ఎలా మారాయి? ప్రాణాలు నిలుపుకొంటే చాలనుకునే పరిస్థితుల్లో ఒకరికోసం మరొకరు ఎలా నిలబడ్డారనేది తెరపైన చూసి ఆస్వాదించాల్సిందే.
ఎలా ఉందంటే: ‘ఎవ్రీవన్ ఈజ్ ఎ హీరో’ అనేది ఈ సినిమాకి ఉపశీర్షిక. ఆపత్కాలంలో ప్రతి ఒక్కరూ ఓ హీరోగా మారితే ఎలా ఉంటుందనేదే ఈ చిత్ర కథ కూడా. వందేళ్ల కిందట కేరళని ముంచేసిన వరదల్ని పరిచయం చేస్తూ ప్రేక్షకుడిని కథలోకి తీసుకెళుతుందీ చిత్రం. ప్రథమార్ధం మొత్తం ఆయా పాత్రల్ని, వాటి నేపథ్యాల్ని పరిచయం చేస్తూ వాళ్ల ప్రపంచంలోకి తీసుకెళుతుంది. ప్రతి ఒక్కపాత్రతో ప్రేక్షకుడికి కనెక్షన్ ఏర్పడేలా చేస్తుంది. ప్రథమార్ధం వరకూ ఇదొక సాధారణ సినిమానే. (2018 telugu movie review) ఓ దశలో వచ్చిపోయే బోలెడన్ని పాత్రలతో ఇంతకీ ఇది ఎవరి కథ?ఇందులో ఏం చూపిస్తున్నారు?అనే సందేహాలు తలెత్తుతాయి. ఒక్కసారి ఆ పాత్రలు... వాటి ప్రపంచాల్ని ప్రేక్షకుడి మనసుకి దగ్గర చేశాక... అసలు కథకి గేట్లెత్తాడు దర్శకుడు. అనూహ్యంగా వెల్లువెత్తిన ఆ భావోద్వేగాల సంద్రంలో ఉక్కిరిబిక్కిరి కావడం తప్ప ప్రేక్షకులుగా మనం చేసేదేమీ ఉండదు. వరదల్లో మనమే చిక్కుకుపోయామా అనుకునేంత పకడ్బందీగా దర్శకుడు సన్నివేశాల్ని మలిచాడు.
అప్పటిదాకా ఎక్కడెక్కడో ఉన్న ఆయా పాత్రల్ని ఒకదానితో మరొకటి కనెక్ట్ చేస్తూ వెళ్లాడు దర్శకుడు. ఒక్కో పాత్ర వరదల్లో చిక్కుకుని నిస్సహాయ స్థితిలో ఉండటం చూసి హృదయాలు బరువెక్కిపోతాయి. ప్రకృతి విపత్తులు ఎంత అనూహ్యమో, అదే తరహాలో సన్నివేశాల్ని మలిచాడు దర్శకుడు. సాంకేతిక బృందం చక్కటి సహకారం అందించింది. (2018 telugu movie review) కథ, కథనాల్లో మలుపులు ప్రేక్షకుల్ని మరింతగా సినిమాలో లీనం చేస్తాయి. తోటి జవాన్లు మరణిస్తుంటే భయపడి ఆర్మీ నుంచి పారిపోయి వచ్చిన కథానాయకుడు.. విపత్తు సమయంలో తన ప్రాణాల్ని లెక్క చేయకుండా పోరాడటం వంటి సన్నివేశాలు దర్శకుడి పనితనానికి అద్దం పడతాయి. ఆపత్కాలంలో అందరూ సమానమే అంటూ మానవత్వం గురించి చెప్పిన సందేశం బాగుంది. (2018 telugu movie review) వందల మంది ప్రాణాల్ని హరించిన 2018 వరదల్ని తలచుకుంటే కేరళ ప్రజలు ఇప్పటికీ ఉలిక్కిపడతారు. వాళ్లందరికీ కనెక్ట్ అయ్యేలా సినిమా తీయడమే ఈ సినిమా విజయానికి కారణం. వరదలనేవి ఆ ఒక్క రాష్ట్రానికే కాదు, ప్రతి వర్షాకాలంలోనూ ఏదో ఒక రాష్ట్రం తీవ్ర ఇబ్బందుల్ని ఎదుర్కొంటూ ఉంటుంది. ఆ కోణంలో చూసినా ఇది అందరికీ కనెక్ట్ అయ్యే అంశమే.
ఎవరెలా చేశారంటే: పాత్రలు తప్ప నటులెవరూ ఇందులో కనిపించరు. అంతగా ఆయా పాత్రల్లో ఒదిగిపోయారు నటులు. పైగా లాల్ మినహా మిగిలినవాళ్లంతా తెలుగు ప్రేక్షకులకు పరిచయం లేని నటులే. ‘ఆకాశమే హద్దురా’లో కనిపించిన అపర్ణా బాలమురళి.. ఇందులో పూర్తి భిన్నంగా ఓ కొత్త నటిలాగే కనిపించారు. (2018 telugu movie review) దాంతో కొన్ని జీవితాల్ని దగ్గర నుంచి చూసిన అనుభూతే కలుగుతుంది. సహజత్వం ఉట్టిపడేలా సన్నివేశాల్ని తీర్చిదిద్దారు దర్శకుడు. సాంకేతికంగా సినిమా ఉన్నతంగా ఉంది. సంగీతం, కెమెరా విభాగాలు సినిమాకి ప్రాణం పోశాయి. కూర్పు కూడా బాగుంది. వరదల నేపథ్యంలో సన్నివేశాలు కెమెరా పనితనానికి అద్దం పడతాయి. (2018 telugu movie review) సంగీతం సినిమాకి మరింత బలాన్నిచ్చింది. దర్శకుడు కథ, కథనాలపై మంచి పట్టుని ప్రదర్శించారు. ద్వితీయార్ధంలో హృదయాల్ని కదిలించేలా సన్నివేశాల్ని మలచడం ఆకట్టుకుంటుంది. నిర్మాణం ఉన్నతంగా ఉంది.
- బలాలు
- + కథ, కథనం
- + ద్వితీయార్ధంలో భావోద్వేగాలు
- + కెమెరా.. సంగీతం
- బలహీనతలు
- - ప్రథమార్ధంలో కొన్ని సన్నివేశాలు
- చివరిగా: 2018.. భావోద్వేగాల వరద ఇది! (2018 telugu movie review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది?
తాజా వార్తలు (Latest News)
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
-
జగన్.. మీకు ఎందుకు సంఘీభావం ప్రకటించాలి?: షర్మిల
-
గత ఐదేళ్లలో విదేశాల్లో 633 మంది భారత విద్యార్థులు మృతి
-
కిషన్రెడ్డి హైదరాబాద్కు రూపాయి తీసుకురాలేదు: మంత్రి పొన్నం
-
‘యానిమల్ పార్క్’.. ఆ విషయం నేను చెప్పలేను: త్రిప్తి దిమ్రీ
-
పారిస్ ఒలింపిక్స్లో హిందీకి అరుదైన గౌరవం