Balagam Review: రివ్యూ: బలగం
Balagam Review: ప్రియదర్శి, కావ్యా కళ్యాణ్ రామ్ కీలక పాత్రల్లో నటించిన ‘బలగం’ సినిమా ఎలా ఉందంటే?
Balagam Review; చిత్రం: బలగం; నటీనటులు: ప్రియదర్శి, కావ్యా కళ్యాణ్ రామ్, సుధాకర్ రెడ్డి, మురళీధర్ గౌడ్, రూప లక్ష్మి, జయరాం, విజయలక్ష్మి, వేణు టిల్లు తదితరులు; ఛాయాగ్రహణం: ఆచార్య వేణు; పాటలు: కాసర్ల శ్యామ్; సంగీతం: భీమ్స్ సిసిరోలియో; నిర్మాతలు: హర్షిత్ రెడ్డి, హన్షిత; దర్శకత్వం: వేణు యెల్దండి; సంస్థ: దిల్రాజు ప్రొడక్షన్స్; సమర్పణ: శిరీష్; విడుదల: 03-03-2023
నటులు దర్శకులు కావడం కొత్తేమీ కాదు. హాస్య నటుడిగా సినిమాపైనా... బుల్లితెరపైనా తనదైన ముద్ర వేసిన వేణు టిల్లు కొత్తగా ఆ జాబితాలోకి చేరారు. ఆయన మెగాఫోన్ పట్టడం ఓ ప్రత్యేకత అయితే... ఆయన సినిమా ప్రముఖ నిర్మాత దిల్రాజు కాంపౌండ్లో రూపొందడం మరో విశేషం. దిల్రాజు కుటుంబానికి చెందిన రెండో తరం హన్షిత, హర్షిత్ రెడ్డి ఈ సినిమాని నిర్మించారు. తారలు లేకపోయినా ఈ సినిమాకి తగిన స్థాయిలో ప్రచారం లభించిందంటే దిల్రాజు వెనక ఉండటమే కారణం. (Balagam Review) విడుదలకి ముందే పలు చోట్ల ప్రత్యేక ప్రదర్శనలు వేసి సినిమాకి మరింతగా ప్రచారం చేశారు. మరి ఈ సినిమా ఎలా ఉంది?ఇంతకీ బలగం కథేంటి?
కథేంటంటే: తెలంగాణలోని ఓ మారుమూల పల్లెలో జరిగే కథ ఇది. సాయిలు (ప్రియదర్శి) ఓ నిరుద్యోగి. ఉపాధి కోసమని రకరకాల ప్రయత్నాలు చేస్తుంటాడు. లక్షలు అప్పు చేసి ఊళ్లో ఓ స్నూకర్ బోర్డ్ పెడతాడు. అది అతని కష్టాల్ని ఏమాత్రం గట్టెక్కించకపోగా, అప్పుల ఒత్తిళ్లు అధికమవుతాయి. పెళ్లి చేసుకుంటే వచ్చే కట్నంతో అప్పులు తీర్చుకోవడమే తన ముందున్న ఏకైక మార్గంగా భావిస్తాడు. పెళ్లి కూడా కుదరడంతో అప్పుల వాళ్లకి అదే విషయం చెబుతాడు. ఒకపక్క నిశ్చితార్థం పనులు జరుగుతుండగానే, తాత కొమురయ్య చనిపోతాడు. అది చాలదన్నట్టుగా చావు ఇంట్లో మాటా మాటా పెరిగి కుదిరిన ఆ పెళ్లి కూడా పెటాకులవుతుంది. దాంతో సాయిలు కష్టాలు రెట్టింపవుతాయి. తాత మరణంతో సూరత్లో ఉన్న బాబాయ్, ఎప్పుడో ఇరవయ్యేళ్ల కిందట దూరమైన మేనత్త, మేనమామ, వాళ్ల కూతురు సంధ్య (కావ్య కళ్యాణ్రామ్) రావడంతో ఒకపక్క వాళ్ల మంచి చెడులు చూసుకుంటూనే తాత అంతిమ సంస్కారాలు పూర్తి చేస్తాడు సాయిలు. కానీ ఆ తర్వాతే అసలు కష్టాలు మొదలవుతాయి. (Balagam Review) చిన్న కర్మ రోజున పెట్టిన పిండం తినేందుకు ఒక్క కాకి కూడా రాదు. దాంతో కొమురయ్య కొడుకు, అల్లుడు మధ్య గొడవ మొదలవుతుంది. ఐదో రోజైనా కాకులొస్తాయనుకుంటే ఆ రోజు కూడా అదే పరిస్థితి. దాంతో ఇంట్లో గొడవలు మరింతగా ముదిరిపోతాయి. తాత మనసులో బాధ ఉండటంతోనే కాకులు రావడం లేదని, ఇది ఊరికే అరిష్టం అని పంచాయతీలో పెద్దలు తేలుస్తారు. పెద్ద కర్మ అయిన పదకొండో రోజున ఏం జరిగింది? ఆ రోజైనా కాకులొచ్చి పిండాన్ని తిన్నాయా? కుటుంబ సభ్యుల మధ్య గొడవలు సద్దుమణిగాయా? సాయిలు కష్టాలు తీరాయా ? అనేది మిగతా కథ.
ఎలా ఉందంటే: ఓ ఇంటి పెద్ద మరణం చుట్టూ సాగే ఓ కుటుంబ కథ ఇది. మన కుటుంబ అనుబంధాల్లోని బలాన్ని.. నమ్మకాల్ని, ఆచారాల్ని అత్యంత సహజంగా ఆవిష్కరిస్తుంది. మనదైన సంస్కృతి, మూలాల్లోనే మనసుల్ని స్పృశించే ఎన్నో కథలున్నాయని ఈ చిత్రం మరోసారి చాటి చెబుతుంది. తెలంగాణలోని చావు చుట్టూ జరిగే తతంగాన్ని పక్కాగా ఆవిష్కరిస్తూనే, ఓ కుటుంబంలోని సంఘర్షణని అందరికీ కనెక్ట్ అయ్యేలా సినిమాని తెరకెక్కించారు దర్శకుడు. తెలంగాణ పల్లె జీవితాల్ని చూపెడుతూ కథ మొదలవుతుంది. ఆ జీవితాల్లోని స్వచ్ఛత, మనుషుల్లోని అమాయకత్వం, వాళ్లలోని భాష, యాస, వెటకారం... నిమిషాల్లోనే కథా ప్రపంచంలో లీనం చేస్తుంది. (Balagam Review) చావు దగ్గర కొద్దిమంది స్పందించే తీరుని చూపెడుతూ నవ్వించిన దర్శకుడు, ఆ తర్వాత భావోద్వేగాలపై దృష్టిపెట్టాడు. ఇరవయ్యేళ్ల కిందట ఏం జరిగిందో, చిన్న చిన్న విషయాలే మనుషుల్ని ఎలా దూరం చేశాయో, ఇద్దరి మధ్య అహం కుటుంబాల్లో ఎలాంటి సంఘర్షణకి దారితీసిందో ద్వితీయార్ధంలో ఆసక్తికరంగా చూపించారు. తెలంగాణ సంస్కృతిలో కీలకమైన జానపదాల్ని, ఒగ్గు కథల్ని ఈ సినిమాలో వాడిన విధానం ఆకట్టుకుంటుంది. పతాక సన్నివేశాల్లో అన్నా-చెల్లెళ్ల మధ్య అనుబంధాన్ని, కుటుంబం నేపథ్యంలో భావోద్వేగాల్ని ఆవిష్కరించడంలో ఆ పాటలే కీలకపాత్ర పోషిస్తాయి. నేపథ్యమే ఈ సినిమాకి ప్రధానబలం. (Balagam Review) కథ, పాత్ర, భాషల్లోని సహజత్వం ప్రతి సన్నివేశానికీ ఓ ప్రత్యేకమైన అందాన్ని తీసుకొచ్చింది. కథంతా ఓ ఇల్లు, చావు చుట్టూనే సాగడంతో అక్కడక్కడా సాగదీతగా అనిపిస్తుంది. ద్వితీయార్ధంలో భావోద్వేగాలు పండినా కథ, కథనాల గమ్యం ప్రేక్షకుడి ఊహకు అందేలా సాగడం సినిమాకి మైనస్. మన దగ్గర సినిమా అనగానే వాణిజ్యాంశాల ప్రస్తావన వస్తుంది. ఇలాంటి పరిస్థితుల మధ్య కేవలం ఓ చావు చుట్టూ సాగే కథని నమ్మి సినిమా చేసిన నిర్మాతల అభిరుచి మెచ్చుకోదగ్గది.
ఎవరెలా చేశారంటే: సినిమాలో హీరో హీరోయిన్లంటూ ప్రత్యేకంగా ఎవ్వరూ కనిపించరు. ప్రతి పాత్రకీ ప్రాధాన్యం ఉంటుంది. రచనలోని బలమే అది. ప్రియదర్శి, అతని మిత్రబృందంతో కలిసి నవ్విస్తాడు. పతాక సన్నివేశాల్లో తాతని గుర్తు చేసుకునే సన్నివేశంతో భావోద్వేగాల్ని పంచుతాడు. తాత కొమురయ్య, కొడుకు ఐలయ్య, తమ్ముడు, చెల్లెలు, బావ నారాయణ పాత్రలు ఆకట్టుకుంటాయి. ఆయా పాత్రలకి తగ్గట్టుగా కొత్త నటుల్ని ఎంచుకోవడం బాగుంది. సాంకేతిక విభాగాల్లో సంగీతం, కెమెరా విభాగాలుచక్కటి పనితీరుని కనబరిచాయి. (Balagam Review) ఆరంభం నుంచి చివరి సన్నివేశం వరకూ పాటలే ఈ సినిమాకి ప్రధాన ఆకర్షణగా నిలిచాయి. కాసర్ల శ్యామ్ రచించిన గీతాలు సందర్భోచితంగా వినిపిస్తూ కథని ముందుకు తీసుకెళ్లాయి. భీమ్స్ బాణీల్లో మట్టిపరిమళం గుభాళిస్తుంది. తెలంగాణ పల్లెటూరిని కెమెరా అందంగా ఆవిష్కరించింది. దర్శకుడు వేణు నిజాయతీగా ఓ కథ రాసుకుని, దాన్ని అంతే స్పష్టతతో తెరపైకి తీసుకొచ్చాడు. నిర్మాణం బాగుంది. దిల్రాజు సంస్థ నుంచి ఇలాంటి మూలాలున్న కథ రావడం చిత్రసీమకి ఓ మంచి సంకేతం.
బలాలు: + కథా నేపథ్యం; + హాస్యం.. భావోద్వేగాలు; + పాటలు
బలహీనతలు: - సాగదీతగా కొన్ని సన్నివేశాలు - ప్రేక్షకుడి ఊహకు అందే కథ
చివరిగా: విలువలు... భావోద్వేగాలే ఈ సినిమా బలం.. ‘బలగం’ (Balagam Review)
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్