Fall Review: రివ్యూ: ఫాల్.. అంజలి, ఎస్పీ చరణ్ల సిరీస్ ఎలా ఉందంటే?
అంజలి, ఎస్పీ చరణ్, సోనియా అగర్వాల్ తదితరులు ప్రధాన పాత్రలు పోషించిన వెబ్ సిరీస్ ‘ఫాల్’. ‘డిస్నీ+ హాట్స్టార్’లో విడుదలైంది.
Fall Review వెబ్ సిరీస్: ఫాల్; నటీనటులు: అంజలి, ఎస్పీ చరణ్, సోనియా అగర్వాల్, సంతోశ్ ప్రతాప్ తదితరులు; ఎడిటింగ్: కృష్ణన్; సంగీతం: అజేశ్; సినిమాటోగ్రఫీ: సిద్ధార్థ్ రామస్వామి; నిర్మాతలు: దీపక్ ధర్, ఎస్పీ చరణ్; దర్శకత్వం: సిద్ధార్థ్ రామస్వామి; స్ట్రీమింగ్: డిస్నీ+ హాట్స్టార్.
ఓ భాషలో మంచి విజయాన్ని అందుకున్న సినిమా, సీరియళ్లను పలువురు దర్శక-నిర్మాతలు ఇతర భాషల్లో రీమేక్ చేస్తుంటారు. ఆ విధానాన్ని వెబ్ సిరీస్ల్లోనూ ఫాలో అవుతున్నారు. అలా తెరకెక్కిందే ‘ఫాల్’ (Fall). అందులో అంజలి (Anjali), ఎస్పీ చరణ్ (SP Charan), సోనియా అగర్వాల్ (Sonia Agarwal) తదితరులు ప్రధాన పాత్రలు పోషించారు. కెనడా సిరీస్ ‘వర్టీజ్’కు రీమేక్గా భారతీయ భాషల్లో రూపొందిన ‘ఫాల్’ ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. ఎన్ని ఎపిసోడ్లు ఉన్నాయి? అవి ఎలా ఉన్నాయి? తెలుసుకునే ముందు కథ సంగతి చూద్దాం.. (Fall Webseries Review)
కథేంటంటే..? దివ్య (అంజలి) అనే యువతి పేద విద్యార్థుల కోసం స్పోర్ట్స్ అకాడమీ ఏర్పాటు చేసి, తానే ఆ వ్యవహారాలు చక్కబెడుతుంటుంది. కుటుంబ కలహాల కారణంగా ఆ అకాడమీ భవనంలోనే నివాసం ఉంటుంది. ఓ రోజు కారులో ప్రయాణిస్తూ.. డేనియల్ (సంతోశ్ ప్రతాప్) గురించి తన స్నేహితురాలు, వదిన అయిన మలార్ (సోనియా అగర్వాల్)కు చెప్పాలని ప్రయత్నం చేస్తుంది. కానీ, మలార్ ఫోన్ కనెక్ట్ కాకపోవడంతో ఆడియో మెసేజ్ పంపుతుంది. అదే రాత్రి బిల్డింగ్ పైనుంచి దూకి దివ్య ఆత్మహత్యకు యత్నిస్తుంది. ఆరు నెలల తర్వాత.. దివ్య కోమా నుంచి కోలుకుందనే విషయం తెలియగానే ఆమె అన్నయ్య రోహిత్ (ఎస్పీ చరణ్), సోదరి మాయా (నమిత) టెన్షన్ పడతారు. తర్వాత ఆమెకు ఏం గుర్తులేదనే విషయాన్ని తెలుసుకుని రిలాక్స్ అవుతారు. మరి, దివ్య తనంతట తానే దూకిందా? ఆమెపై హత్యా ప్రయత్నం జరిగిందా? అన్నది మిగతా కథ (Fall Review).
ఎలా ఉందంటే..? థ్రిల్లర్- డ్రామా తరహా కథ ఇది. ప్రేక్షకుల్లో సస్పెన్స్ క్రియేట్ చేసేందుకో మరేదో కారణమోగాని ప్రస్తుతానికి మూడు ఎపిసోడ్లను మాత్రమే విడుదల చేశారు. దివ్య ఆస్పత్రి బెడ్పై ఉన్న సమయంలో కుటుంబ సభ్యులు ఎలా ప్రవర్తించారు? అన్న ఒక్క అంశంపైనే మూడు ఎపిసోడ్లు సాగాయి. దివ్య కోమాలోకి వెళ్లింది కాబట్టి ఆమెకు చెందిన స్పోర్ట్స్ అకాడమీ స్థలాన్ని కుటుంబ సభ్యుల్లోని కొందరు విక్రయించాలనుకోవడం, కొందరు వద్దు అని చెప్పడం, మరోవైపు.. మెట్రో రైలు ప్రాజెక్టు కోసం డేనియల్, రోహిత్ మధ్య నడిచే వార్ సన్నివేశాలు కనిపిస్తాయి. అయితే, ఆయా పాత్రల మధ్య సంఘర్షణ మెప్పించదు. ఎక్కడా ఎమోషన్గాని, వావ్ అనిపించే పోటాపోటీ సంభాషణలుగాని ఉండవు. దివ్య ఎందుకు సూసైడ్ చేసుకుంది? అని తొలి ఎపిసోడ్ ప్రారంభంలో కలిగే ఆసక్తి మెల్లమెల్లగా తగ్గిపోతుంది. ఓ పోలీసు అధికారి పాత్ర మాత్రం కొంచెం ఫన్ పంచుతుంది. ‘ఎక్కువ డ్రామా, అతి తక్కువ కామెడీయేనా? ట్విస్ట్లు ఏం లేవా?’ అని అనుకునే సమయంలో (మూడో ఎపిసోడ్ చివరిలో) ఓ కీలక మలుపు వస్తుంది. తదుపరి ఎపిసోడ్లపై ఆసక్తిని పెంచుతుంది.
ఆస్తి విషయంలో కుటుంబ సభ్యుల మధ్య గొడవలు వస్తే అది ఎక్కడికైనా దారి తీయొచ్చనే ఇతివృత్తంతో ఇప్పటికే ఎన్నో కథలు ప్రేక్షకుల ముందుకు వచ్చాయి. ఇదీ ఆ కోవకు చెందిన స్టోరీనే. అయితే, దాన్ని ఎలివేట్ చేయడంలో ప్రత్యేకత చూపిస్తే విజయం అందుకోవచ్చు. మాతృక ‘వర్టీజ్’కు తగ్గట్టే మిగిలిన ఎపిసోడ్లు రూపొంది ఉంటే ‘ఫాల్’ మెప్పించే అవకాశాలున్నాయి. ప్రేక్షకులు ఊహించినట్టే దివ్య కుటుంబంలోని వారే ఆమెను చంపాలనుకున్నారా? ఎంతో విలువైన ప్రాజెక్టు కోసం తనను ప్రేమించిన దివ్యను డేనియలే హతమార్చాలనుకున్నాడా? అనే ప్రశ్నలకు మిగిలిన ఎపిసోడ్లే సమాధానం.
ఎవరెలా చేశారంటే..? సినిమాల్లో సందడి చేస్తూనే వెబ్ సిరీస్ల్లో ఎక్కువగా కనిపిస్తున్న నటి అంజలి. ఇటీవల వచ్చిన ‘ఝూన్సీ’ అనే సిరీస్లోనూ గతం మరిచిపోయిన అమ్మాయిగా కనిపించింరామె. ఇందులో ఎక్కువ సేపు కోమాలోనే ఉంటుంది. ఉన్నంతలో ఆకట్టుకుంటుంది. ఇప్పటికే పలు సినిమాల్లో నటించిన ఎస్పీ చరణ్కు ఇది తొలి వెబ్ సిరీస్. నెగెటివ్ ఛాయలున్న రోహిత్ పాత్రకు న్యాయం చేశారు. కానీ, డబ్బింగ్ సెట్ కాలేదు. ‘7/జీ బృందావని కాలనీ’లో హీరోయిన్గా మెరిసిన సోనియా అగర్వాల్ క్యారెక్టర్ ఆర్టిస్ట్గా చేస్తున్న సంగతి తెలిసిందే. ఇందులో మలార్గా ఒదిగిపోయారామె. ఇతర పాత్రలు ఫర్వాలేదనిపిస్తాయి. అజేశ్ అందించిన నేపథ్య సంగీతం ఈ సిరీస్కు ప్రధాన బలం. ట్రిమ్మింగ్ విషయంలో కృష్ణన్ విజయం సాధించలేకపోయినట్టే. అటు సినిమాటోగ్రఫీ, ఇటు డైరెక్షన్ కోణంలో సిద్ధార్థ్ రామస్వామి ఓకే అనిపిస్తారు.
బలాలు: + నేపథ్య సంగీతం, + నవ్వులు పంచే పోలీసు పాత్ర, + ఎస్పీ చరణ్ నెగెటిల్ రోల్.
బలహీనతలు: - నెమ్మదిగా సాగే కథనం, -పెద్దగా మలుపులు లేకపోవడం.
చివరిగా: ‘ఫాల్’.. ప్రస్తుతానికి నాట్ ఓకే!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే?
తాజా వార్తలు (Latest News)
-
మీ ప్రాంతంలో బ్రాడ్బ్యాండ్ సేవలందించే సంస్థలేవో ఎలా తెలుసుకోవాలి?
-
మహబూబ్నగర్ ఎంపీ అభ్యర్థిగా వంశీచంద్రెడ్డి నామినేషన్.. ర్యాలీలో పాల్గొన్న సీఎం రేవంత్
-
త్వరలో ఫీల్డింగ్కు వస్తా.. 40 ఓవర్లూ మైదానంలో ఉంటా: సూర్య
-
వైకాపా అడ్డుపడుతోంది.. మీ ఇళ్ల వద్దకు రాలేకపోతే మన్నించండి: సునీత
-
ఈనాడు.నెట్లో టాప్ 10 వార్తలు @ 1 PM
-
దుబాయ్ నుంచి ఆలస్యంగా పునియా, సుజీత్.. ఒలింపిక్ క్వాలిఫయర్స్ మిస్