mem famous movie review: రివ్యూ: మేమ్ ఫేమస్
mem famous movie review: సుమంత్ ప్రభాస్ స్వీయ దర్శకత్వంలో తెరకెక్కిన ‘మేమ్ ఫేమస్’ ఎలా ఉందంటే?
చిత్రం: మేమ్ ఫేమస్; నటీనటులు: సుమంత్ ప్రభాస్, మణి ఏగుర్ల, మౌర్య, సార్య, సిరి రాశి, శివ నందన్, అంజి మామ, మురళీధర్ గౌడ్, కిరణ్ మచ్చా తదితరులు, సంగీతం: కల్యాణ్ నాయక్, ఛాయాగ్రహణం: శ్యామ్ దూపాటి, రచన, దర్శకత్వం: సుమంత్ ప్రభాస్, నిర్మాతలు: అనురాగ్ రెడ్డి, శరత్ చంద్ర, చంద్రు మనోహర్, విడుదల తేదీ: 26-05-2023
ఇటీవల చిన్న చిత్రాలు బాక్సాఫీస్ వద్ద మంచి విజయాన్ని అందుకుంటున్నాయి. యువ దర్శకులు సైతం మంచి పాయింట్ను తీసుకుని, తక్కువ బడ్జెట్తో క్వాలిటీ ఉన్న చిత్రాలు తెరకెక్కిస్తున్నారు. ఇక ఈ వారం చిన్న చిత్రాలదే హవా. అలా ప్రేక్షకుల ముందుకు వచ్చిన చిత్రమే ‘మేమ్ ఫేమస్’. మరి యూత్ఫుల్ ఎంటర్టైన్మెంట్ కథేంటి? సినిమా ఎలా ఉంది?
కథేంటంటే: మయి అలియాస్ మహేష్ (సుమంత్ ప్రభాస్), బాలి అలియాస్ బాలకృష్ణ (మౌర్య చౌదర్య), దుర్గ (మణి ఏగుర్ల) చిన్నప్పటి నుంచి మంచి స్నేహితులు. బండనర్సింపల్లిలో అల్లరి చిల్లరగా తిరుగుతూ జీవితాన్ని సరదాగా గడిపేస్తుంటారు. వాళ్లు చేసే గొడవలతో ఊరి రచ్చబండ ఎప్పుడూ పంచాయితీలతోనే కళకళలాడుతుంటుంది. అయితే, ఊరిలో ప్రతి ఒక్కరి చేత తిట్టించుకున్న ఈ ముగ్గురూ ఎలాగైనా ఫేమస్ అయ్యి అందరితో శభాష్ అనిపించుకోవాలని లక్ష్యంగా పెట్టుకుంటారు. మరి అందుకోసం మయి తన ఫ్రెండ్స్తో కలిసి ఏం చేశాడు? ఫేమస్ అయ్యేందుకు వాళ్లు ఎంచుకున్న దారేంటి? ఈ ప్రయాణంలో పంచాయతీ ప్రెసిడెంట్ జింక వేణు (కిరణ్ మచ్చా), అంజి మామ (అంజి మామ మిల్కూరి) వాళ్లకు ఎలా సహాయపడ్డారు. మయి, బాలిల ప్రేమ కథలు ఏ గమ్యానికి చేరాయి? అన్నది తెరపై చూసి తెలుసుకోవాలి.
ఎలా సాగిందంటే: కథగా చెప్పుకోవాలంటే ఇది చాలా చిన్న లైన్. ముగ్గురు ఆవారా కుర్రాళ్లు ఎలాగైనా ఫేమస్ అయ్యి అందరితో శభాష్ అనిపించుకునేందుకు ఏం చేశారు? దాని కోసం ఎలాంటి దారి ఎంచుకున్నారు? ఈ క్రమంలో వాళ్లకు ఎదురైన సవాళ్లు ఏంటి? అన్నది అసలు కథ. ఈ కథ వినగానే ప్రతి ఒక్కరికీ అనుకోకుండానే జాతిరత్నాలు సినిమానే మదిలో మెదులుతుంది. ఎందుకంటే అందులోని మూడు ప్రధాన పాత్రల నేపథ్యానికి తగ్గట్లుగానే ఇందులోని కీలక పాత్రలు కనిపిస్తాయి. అయితే వాళ్ల ప్రయాణంలో పండే నవ్వులు.. ఎదురయ్యే ట్విస్ట్లు.. బలమైన సంఘర్షణ ఈ కథలో మచ్చుకైనా కనిపించదు. నిజానికి సినిమా మొత్తం చూశాక తొలుత ట్రైలర్ కట్ చేసిన ఎడిటర్ ప్రతిభను మెచ్చుకోవాలనిపిస్తుంది. విషయమే లేని సినిమాలో నుంచి 'ఏదో ఉంది. చూడాలి' అని ఆసక్తి పుట్టించేలా ప్రచార చిత్రాలు కట్ చేసినందుకు. ఇక చిత్ర విషయానికొస్తే ఓ క్రికెట్ ఎపిసోడ్తో సినిమా సాదాసీదాగా ప్రారంభమవుతుంది. అక్కడి నుంచి మయి, బాలి, దుర్గా జీవితాలను పరిచయం చేస్తూ అసలు కథ మొదలవుతుంది. అయితే, వారిలో ఏ ఒక్కరి కథలోనూ అంతగా డెప్త్ కనిపించదు. మయీ బ్యాచ్ తరచూ ఏదోక గొడవ పెట్టుకోవడం.. ఊరి పెద్దలు రచ్చబండ దగ్గర పంచాయితీ పెట్టడం.. సర్పంచ్ నాలుగు చీవాట్లు పెట్టి ఆ వెంటనే సీతమ్మ వాకిట్లో సిరిమల్లె చెట్టులోని వెంకటేష్ తరహాలో దగ్గరకు తీసుకొని డబ్బు సాయం చేయడం.. ఇదేం సిల్లీ న్యూసెన్స్ అనిపిస్తుంది. ఇక మధ్యలో వచ్చే పెళ్లి బరాత్ సీక్వెన్స్, మయి - మౌనీకల ప్రేమ కథ.. బాలీ-బబ్బీల లవ్ ట్రాక్.. ఏ ఒక్కటీ ఆసక్తిరేకెత్తించదు.
ఎప్పుడైతే మయి ఫేమస్ అవ్వాలని నిర్ణయించుకుంటాడో అప్పటి నుంచి కథలో కాస్త కదలిక వచ్చినట్లు అనిపిస్తుంది. అయితే, ఆ తర్వాత ఫేమస్ టెంట్ హౌస్ అనే కాన్సెప్ట్ ఎత్తుకొని ఓ సాగతీత వ్యవహారంతో ప్రేక్షకుల సహనానికి మరింత పరీక్ష పెట్టాడు దర్శకుడు. ఓ ఎమోషనల్ సీక్వెన్స్లో ప్రథమార్థానికి విరామమిచ్చిన తీరు ఫర్వాలేదనిపిస్తుంది. ద్వితీయార్థమంతా మయి బ్యాచ్ ఫేమస్ అయ్యేందుకు ఓ యూట్యూబ్ ఛానల్ పెట్టి ఎలాంటి పాట్లు పడ్డారన్నది చూపించారు. అందులోనూ ఏ కొత్తదనం కనిపించదు. పైగా ఇందులో బలవంతంగా కొన్ని ఫ్యామిలీ ఎమోషన్ ట్రాక్స్ ఇరికించి కథను బరువెక్కించే ప్రయత్నం చేశారు. అది వర్కవుట్ అవ్వలేదు. ద్వితీయార్థంలో లిప్స్టిక్ స్పాయిలర్ పాత్ర అక్కడక్కడా కాస్త నవ్వులు పంచుతుంది. పతాక సన్నివేశాలు, సినిమాని ముగించిన తీరు ఏమాత్రం మెప్పించదు.
ఎవరెలా చేశారంటే: హీరోగా మయి పాత్రలో తనదైన నటనతో సుమంత్ ఫర్వాలేదనిపించాడు. నటనలో ఇంకా పరిణతి సాధించాల్సి ఉంది. అతని స్నేహితుల పాత్రల్లో మణి, మౌర్య పరిధి మేరకు చేసుకుంటూ వెళ్లారు. కథానాయికలిద్దరూ పక్కింటి అమ్మాయిల తరహాలో చాలా సింపుల్గా కనిపించారు. కానీ, నటన పరంగా వారికి పెద్ద స్కోప్ దొరకలేదు. అంజిమామ, కిరణ్ మచ్చా, మురళీధర్ గౌడ్ తదితరుల పాత్రలు గుర్తుంచుకునేలా ఉంటాయి. లిప్స్టిక్ స్పాయిలర్ పాత్రలో నటించిన శివనందన్ కామెడీ టైమింగ్ బాగుంది. సుమంత్ రాసుకున్న కథలో ఏమాత్రం బలం లేదు. కొత్తదనమూ కనిపించలేదు. పేపర్పై ఉన్న కామెడీని, భావోద్వేగాల్ని అనుకున్నది అనుకున్నట్లుగా తెరపైకి తీసుకురాలేకపోయాడు. అనవసర సన్నివేశాలు సినిమాలో ఇబ్బడిముబ్బడిగా కనిపిస్తాయి. అక్కడక్కడా కనిపించే యూత్ ఫుల్ కామెడీతో పాటు సగటు ప్రేక్షకులకు కనెక్ట్ అయ్యే కొన్ని సన్నివేశాలున్నాయి. సింక్ సౌండ్ చాలా చోట్ల తేడా కొట్టినట్లు అనిపిస్తుంది. పాటలేవీ గుర్తుంచుకునేలా లేవు. నేపథ్య సంగీతం ఫర్వాలేదనిపిస్తుంది. నిర్మాణ విలువలు కథకు తగ్గట్లుగా ఉన్నాయి.
బలాలు
+ అక్కడక్కడా నవ్వించే యూత్ ఫుల్ కామెడీ
+ విరామ సన్నివేశాలు
బలహీనతలు
- కొత్తదనం లేని కథ
- సాగతీతగా సాగే సన్నివేశాలు
చివరిగా: మరీ అంత ‘ఫేమస్’ అయితే కాదు(mem famous movie review)
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం
-
‘కల్కి’లో రాజమౌళి ఎలా భాగమయ్యారు..?: నాగ్అశ్విన్ ఏం చెప్పారంటే
-
మదనపల్లె దస్త్రాల దహనం కేసులో ఆరోరోజు విచారణ
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్