Salaar Review: రివ్యూ: సలార్.. ప్రభాస్ ఖాతాలో హిట్ పడిందా?
Salaar Review Telugu: ప్రశాంత్ నీల్ దర్శకత్వంలో ప్రభాస్ కథానాయకుడిగా నటించిన ‘సలార్’ ఎలా ఉందంటే?
Salaar Review; చిత్రం: సలార్: పార్ట్-1: సీజ్ ఫైర్; నటీనటులు: ప్రభాస్, పృథ్వీరాజ్ సుకుమారన్, శ్రుతిహాసన్, జగపతిబాబు, బాబీ సింహా, టినూ ఆనంద్, ఈశ్వరి రావు, శ్రియారెడ్డి తదితరులు; సంగీతం: రవి బస్రూర్; సినిమాటోగ్రఫీ: భువన్ గౌడ; ఎడిటింగ్: ఉజ్వల్ కుల్కర్ణి; నిర్మాత: విజయ్ కిరంగదూర్; రచన, దర్శకత్వం: ప్రశాంత్ నీల్; విడుదల: 22-12-2023
పాన్ ఇండియా హీరో ప్రభాస్ (Prabhas) .. దర్శకుడు ప్రశాంత్ నీల్ కలిసి చేసిన చిత్రం ‘సలార్’. ‘బాహుబలి’, ‘కె.జి.యఫ్’ చిత్రాలతో వీళ్లు ప్రేక్షకులపై చూపించిన ప్రభావం అంతా ఇంతా కాదు. అలాంటి హీరో, దర్శకుడు కలిసి సినిమా చేస్తున్నారంటే ప్రేక్షకుల్లోనూ, పరిశ్రమల్లోనూ అంచనాలు ఆకాశాన్ని తాకడం సహజం. ఎప్పట్నుంచో ఈ సినిమా కోసం ప్రేక్షకులు ఆత్రుతగా ఎదురు చూస్తున్నారు. విడుదల తేదీ దగ్గర పడుతున్నకొద్దీ ‘సలార్’ ఫీవర్ అంతకంతకూ పెరుగుతూ వచ్చింది. మలయాళ స్టార్ పృథ్వీరాజ్ సుకుమారన్ నటించడం ఈ చిత్రానికి మరో ఆకర్షణ. భారీ సందడి మధ్య విడుదలైన ఈ చిత్రం ఎలా ఉంది?ప్రభాస్ కటౌట్కు తగిన హిట్ పడిందా?
కథేంటంటే: ఖాన్సార్ అనే సామ్రాజ్యానికి కర్త రాజ మన్నార్ (జగపతిబాబు). ఆ సామ్రాజ్యంలోఒక్కొక్క ప్రాంతానికి ఒక్కొక్కరూ దొరగా వ్యవహరిస్తుంటారు. కర్త కుర్చీ కోసం కుతంత్రాలు మొదలవుతాయి. నేనుండగా నా కొడుకు వరద రాజమన్నార్ (పృథ్వీరాజ్ సుకుమారన్)ని దొరగా చూడాలనేది తన కోరికగా చెబుతాడు కర్త రాజమన్నార్. కొన్నాళ్లు ఆయన తన సామ్రాజ్యాన్ని వదిలి తిరిగొచ్చేలోపు ఖాన్సార్ కథ మొత్తం మారిపోతుంది. కుర్చీ కుతంత్రాలు పతాక స్థాయికి చేరుకుని వరద రాజమన్నార్ని అంతం చేయడం వరకూ వెళుతుంది వ్యవహారం. అందుకోసం మిగతా దొరలంతా తమ సొంత సైన్యాన్ని సిద్ధం చేసుకుంటారు. వరద తన సైన్యంగా చిన్ననాటి స్నేహితుడు దేవా (ప్రభాస్)ని పిలుస్తాడు. ఆ ఒక్కడు అంతమంది సైన్యాన్ని ఎలా ఎదిరించాడు? తన ప్రాణ స్నేహితుడు వరద కోసం దేవా ఏం చేశాడు? అతనికి సలార్ (Salaar Review in telugu) అనే పేరెలా వచ్చింది? 25 ఏళ్లపాటు ఊళ్లు మారుస్తూ తల్లితో కలిసి ఒడిశాలో ఓ మారుమూల పల్లెలో తలదాచుకోవల్సిన పరిస్థితి ఎందుకొచ్చింది?వీళ్ల జీవితంలోకి ఆద్య (శ్రుతిహాసన్) ఎలా వచ్చింది? తెలియాలంటే మూవీ చూడాల్సిందే!
ఎలా ఉందంటే: ప్రభాస్... ప్రశాంత్ నీల్ కలయిక నుంచి ప్రేక్షకులు, అభిమానులు ఏం ఆశిస్తారో ఆ హంగులన్నీ ఈ సినిమాలో ఉన్నాయి. ‘కె.జి.యఫ్’ వరుస సినిమాలతో ప్రేక్షకులపై ప్రత్యేకమైన ముద్ర వేశాడు ప్రశాంత్. కథ కంటే కూడా కోలార్ గోల్డ్ ఫీల్డ్స్ అంటూ ప్రత్యేకమైన ఆ ప్రపంచాన్ని, పతాక స్థాయి హీరోయిజాన్ని స్టైలిష్గా తెరపై ఆవిష్కరించిన విధానం ప్రేక్షకుల్ని ముగ్ధుల్ని చేసింది. ఈసారి కూడా అదే తరహాలో ఖాన్సార్ పేరుతో ఓ కల్పిత ప్రపంచాన్ని సృష్టించి దాని చుట్టూ కథని అల్లారు. (Salaar Review in telugu) కె.జి.యఫ్ సినిమాలతో పోలిస్తే హీరోయిజం, ఎలివేషన్ల కంటే ఇందులో డ్రామాకి ఎక్కువ ప్రాధాన్యమిస్తూ కథని నడిపించాడు. అలాగని హీరోయిజానికీ తక్కువేమీ చేయలేదు. అవసరమైనప్పుడంతా మంచి ఎలివేషన్లతో ప్రభాస్ని చాలా రోజుల తర్వాత అభిమానులకి నచ్చేలా చూపించారు. ద్వితీయార్ధంలో కాస్త గందరగోళంగా అనిపించినా, సగటు ప్రేక్షకుల్లో ఆసక్తిని రేకెత్తించేలా డ్రామా ఉండటం ఈ సినిమాకి కలిసొచ్చిన విషయం. చెప్పాల్సిన కథ ఇంకా మిగిలే ఉన్నా... స్నేహం, అధికార కాంక్ష, ప్రతీకారం చుట్టూ తిరిగిన సినిమా ఆకట్టుకుంటుంది.
చిన్ననాటి స్నేహాన్ని చూపిస్తూ కథని మొదలుపెట్టిన దర్శకుడు... ఇదే కథని వెయ్యేళ్ల కిందటి చరిత్రతో ముడిపెడుతూ చూపించడం ఆసక్తికరంగా ఉంటుంది. పాత్రల్ని, కథా ప్రపంచాన్ని పరిచయం చేస్తూ మెల్లగా అసలు కథలోకి వెళుతుంది చిత్రం. ప్రథమార్ధం, ద్వితీయార్ధంలోనూ చాలా సేపటివరకూ హీరోయిజం కనిపించదు. ఫస్టాఫ్లో ఈశ్వరీరావు, సెకండాఫ్లో పృథ్వీరాజ్ సుకుమారన్ పాత్రలు హీరో పాత్రని నియంత్రిస్తూ కనిపిస్తాయి. ఒక్కసారి చేతికి కత్తి అందాక ఇక వెనుదిరిగి చూడడు ప్రభాస్. ఒక్కసారిగా హీరోయిజం టాప్గేర్లోకి వెళ్లిన అనుభూతి కలుగుతుంది. (Salaar Review in telugu) ఎలివేషన్స్ కోసం అనుసరించిన ఈ వ్యూహం మెప్పించేదే. కాటమ్మ తల్లికి బలి ఇచ్చే సందర్భంగా వచ్చే పోరాట ఘట్టం సినిమాకే హైలైట్. అక్కడ మంచి భావోద్వేగాలు పండాయి. ద్వితీయార్ధంలో అసలు కథ ఉన్నప్పటికీ... కుర్చీ చుట్టూ అల్లిన కుతంత్రపు డ్రామా, కుటుంబ పాత్రల మధ్య వరసలు కొంచెం గజిబిజిగా అనిపిస్తాయి. (Salaar Review in telugu) అయితే పతాక సన్నివేశాల్లో మలుపు రక్తి కట్టిస్తుంది. ప్రభాస్ అసలు పాత్ర అక్కడ పరిచయం కావడం రెండో భాగం ‘సలార్’పై ఆసక్తిని పెంచుతోంది. ‘శౌర్యాంగ పర్వం’గా ‘సలార్: పార్ట్2’ను ప్రేక్షకుల ముందుకు తీసుకురానున్నారు.
ఎవరెలా చేశారంటే: ప్రభాస్ (Prabhas) కటౌట్ని పక్కాగా వాడుకున్న దర్శకుల జాబితాలో ప్రశాంత్నీల్ చేరతారు. చాలా రోజుల తర్వాత ప్రభాస్ తన అభిమానులు ఆశించినట్టుగా తెరపై కనిపించారు. ఆయన కత్తి పట్టి ఎంత మందిని నరుకుతున్నా నమ్మేలా ఉందంటే కారణం ఆ కటౌట్. తల్లి చాటు కొడుకుగా, మాట జవదాటని స్నేహితుడిగా అమాయకంగా కనిపించిన విధానం ఆకట్టుకుంటుంది. (Salaar Review in telugu) పోరాట ఘట్టాల్లో ప్రభాస్ కనిపించిన తీరు, ఆయన హీరోయిజం, స్టైల్ ఆకట్టుకుంటుంది. బాగా డిజైన్ చేసిన ఆ సన్నివేశాల్ని అంతే అవలీలగా చేశారు ప్రభాస్. శ్రుతిహాసన్ పాత్రకి పెద్దగా ప్రాధాన్యం లేదు కానీ... ప్రథమార్ధంలో ఆమే కీలకం. పృథ్వీరాజ్ సుకుమారన్ పాత్ర ఆకట్టుకుంటుంది. స్నేహితులుగా ప్రభాస్కీ, ఆయనకీ మధ్య మంచి కెమిస్ట్రీ కనిపించింది. ఈశ్వరీరావు, బాబీ సింహా, జగపతిబాబు, మైమ్ గోపి, శ్రియారెడ్డి, ఝాన్సీ, జాన్ విజయ్ తదితరులు పాత్రల పరిధి మేరకు నటించారు.
సాంకేతికంగా సినిమా ఉన్నతంగా ఉంది. ఖాన్సార్ ప్రపంచాన్ని ఆవిష్కరించిన తీరు ఆకట్టుకుంటుంది. రవి బస్రూర్ బాణీలు, నేపథ్య సంగీతం, భువన్ గౌడ కెమెరా పనితనం చిత్రానికి ప్రధానబలం. అన్బరివ్ స్టంట్స్ ఆకర్షణీయంగా ఉన్నాయి. (Salaar Review in telugu) ఓ మామూలు కథని కల్పిత ప్రపంచం చుట్టూ అల్లి తన ప్రత్యేకతని ప్రదర్శించాడు ప్రశాంత్. ద్వితీయార్ధంలో సరళంగా కథని చెప్పలేకపోయారు. చాలా చోట్ల కె.జి.యఫ్ సినిమా గుర్తొచ్చినా... ద్వితీయార్ధం కొద్దివరకు డ్రామాని పండించడంలోనూ, ప్రభాస్కి తగ్గట్టుగా మాస్, యాక్షన్ అంశాల్ని మేళవించడంలోనూ ప్రశాంత్ ప్రతిభ కనిపిస్తుంది. నిర్మాణం ఉన్నతంగా ఉంది.
- బలాలు
- + ఖాన్సార్ చుట్టూ సాగే కథ
- + ప్రభాస్.. పృథ్వీరాజ్ పాత్రలు, నటన
- + భావోద్వేగాలు, డ్రామా, క్లైమాక్స్
- బలహీనతలు
- - ద్వితీయార్ధంలో కొన్ని సన్నివేశాలు
- చివరిగా..: సలార్: సీజ్ఫైర్.. యాక్షన్ డ్రామా అదిరింది.. అసలు కథ ముందుంది (Salaar Review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మదనపల్లె దస్త్రాల దహనం కేసులో ఆరోరోజు విచారణ
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
-
జగన్.. మీకు ఎందుకు సంఘీభావం ప్రకటించాలి?: షర్మిల
-
గత ఐదేళ్లలో విదేశాల్లో 633 మంది భారత విద్యార్థులు మృతి
-
కిషన్రెడ్డి హైదరాబాద్కు రూపాయి తీసుకురాలేదు: మంత్రి పొన్నం
-
‘యానిమల్ పార్క్’.. ఆ విషయం నేను చెప్పలేను: త్రిప్తి దిమ్రీ