Rajadhani Files Review: రివ్యూ: ‘రాజధాని ఫైల్స్’.. సినిమా ఎలా ఉందంటే?
రాష్ట్ర భవిష్యత్తు, రాజధాని నిర్మాణం కోసం మూడు పంటలు పండే తమ పంట పొలాల్ని నిస్వార్థంగా ఇస్తే ఆ రైతులకి కన్నీళ్లే ఎదురయ్యాయి. దీంతో పోరుబాట పట్టారు. ఆ ఉద్యమ స్ఫూర్తితో ‘రాజధాని ఫైల్స్’ తెరకెక్కింది. ఈ చిత్రం ఎలా ఉందంటే?
Rajadhani Files Review | రివ్యూ: రాజధాని ఫైల్స్, నటీనటులు: అఖిలన్, వీణ, వినోద్ కుమార్, వాణీ విశ్వనాథ్, పవన్, షణ్ముఖ్ , విశాల్, మధు, అజయరత్నం, అంకిత ఠాకూర్, అమృత చౌదరి తదితరులు, సాంకేతిక వర్గం: సంగీతం: మణిశర్మ, ఛాయాగ్రహణం: రమేష్, కూర్పు: కోటగిరి వెంకటేశ్వర్రావు, సాహిత్యం: సుద్దాల అశోక్ తేజ, గురుచరణ్, వెనిగళ్ల రాంబాబు, సంభాషణలు: అనిల్ అచ్చుగట్ల, కళ: గాంధీ, సమర్పణ: హిమబిందు, నిర్మాత: కంఠంనేని రవిశంకర్, కథ, స్క్రీన్ప్లే, దర్శకత్వం: భాను, సంస్థ: తెలుగువన్ ప్రొడక్షన్స్, విడుదల: 15 ఫిబ్రవరి 2024
రాష్ట్ర భవిష్యత్తు, రాజధాని కోసం మూడు పంటలు పండే తమ పంట పొలాల్ని నిస్వార్థంగా ఇస్తే ఆ రైతులకు కన్నీళ్లే ఎదురయ్యాయి. ఊళ్లు బాగుపడతాయని... భావి తరాల భవిష్యత్తు బాగుంటుందని... కళ్ల ముందు రాజధాని కలల సౌధాలు సాకారమవుతుంటే చూడాలనుకున్న ఆ ప్రాంత ప్రజల ఆశలు ఆవిరయ్యాయి. బిడ్డని పొదిగే గర్భంలో గొడ్డలి దించిన కర్కశత్వంలా ఒక్కరి అహం కోట్ల మంది కలల్ని... వేల మంది రైతుల జీవితాల్ని కాలరాసినట్లయింది. దీంతో రైతులు ఉద్యమబాట పట్టారు. న్యాయస్థానాలు మొదలుకొని దేవస్థానాల వరకూ వెళ్లి వాళ్ల ఆక్రందనను బయట పెట్టారు. ఇప్పటికీ సాగుతున్న ఆ ఉద్యమ స్ఫూర్తితోనే ‘రాజధాని ఫైల్స్’ చిత్రం తెరకెక్కింది. మరి ఈ చిత్రం ఎలా ఉందో తెలుసుకునే ముందు కథేమిటో చూద్దాం.
కథేంటంటే?: అరుణప్రదేశ్ రాష్ట్రంలో కత్తి గుర్తు కె.ఆర్.ఎస్ పార్టీ ఎన్నికల్లో గెలిచాక నిర్మాణ దశలో ఉన్న అయిరావతిపై కత్తి కడుతుంది. ఎవరో కన్నబిడ్డకి మీరు తండ్రిగా ఉండటమేంటి అంటూ తన రాజకీయ వ్యూహకర్త చెప్పిన మాట విని ముఖ్యమంత్రి అధికార వికేంద్రీకరణ అంటూ నాలుగు రాజధానుల పల్లవి అందుకుంటాడు. ప్రతిపక్షంలో ఉన్నప్పుడు అయిరావతి నిర్మాణాన్ని సమ్మతించిన అదే వ్యక్తి, అధికారంలోకి రాగానే మాట మార్చడంతో రాజధాని కోసం భూములిచ్చిన రైతులు ఆందోళన బాట పడతారు. (Rajadhani Files Review) తన అధికార బలంతో ఆందోళనలపై ఉక్కుపాదం మోపుతాడు. ముఖ్యమంత్రికి మరో ఇద్దరు ఎంపీలు తోడై రైతుల మానప్రాణాలతో చెలగాటమాడతారు. ఎంతోమంది ఉద్యమంలో ప్రాణాలు కోల్పోతారు. అయినా ధైర్యం కోల్పోని రైతులు ఉద్యమాన్ని కొనసాగించినా ముఖ్యమంత్రి దిగిరాకపోవడంతో అరుణప్రదేశ్లోని తెలుగు ప్రజలు ఏం చేశారు? ముఖ్యమంత్రికి బుద్ధి చెప్పేందుకు ఎన్నికల్లో ఎలాంటి నిర్ణయం తీసుకున్నారు? రైతులకు ప్రతినిధులుగా ఉన్న ఓ కుటుంబం (వినోద్కుమార్, వాణీ విశ్వనాథ్, అఖిలన్) ఉద్యమంలో ఎలాంటి పాత్ర పోషించింది? తదితర విషయాలు తెలియాలంటే సినిమా చూడాల్సిందే.
ఎలా ఉందంటే?: అహంతో అభివృద్ధికి సమాధి కడితే ప్రజల ఆగ్రహ జ్వాలలకు ఆహుతి కాక తప్పదని రాజకీయ నాయకుల్ని హెచ్చరించే చిత్రమిది. రాజధాని పరిధి వెలగగూడెంలోని పచ్చని పంట పొలాలు, వాటితో రైతులకు తరతరాలుగా ఉన్న అనుబంధాన్ని చూపిస్తూ కథను మొదలుపెట్టాడు దర్శకుడు. రాష్ట్ర అభివృద్ధి, తమ ప్రాంత భవిష్యత్తుని దృష్టిలో ఉంచుకుని రైతులు రాజధాని కోసం స్వచ్ఛందంగా భూములు ఇవ్వడం, రాజధాని నిర్మాణం కోసం పవిత్ర జలాలతో భూమి పూజ చేయడం నుంచి కథ ఊపందుకుంటుంది. (Rajadhani Files Review) ఆ తర్వాత వచ్చిన ఎన్నికల్లో కొత్త ప్రభుత్వం వచ్చాక పరిణామాలు మారిపోతాయి. తనని తాను నమ్ముకోని ముఖ్యమంత్రి రాష్ట్రంతో సంబంధం లేని తన రాజకీయ వ్యూహకర్త, రౌడీల్లా వ్యవహరించే తనకు సన్నిహితమైన ఇద్దరు ఎంపీలు చెప్పినట్టుగానే స్వార్థ పూరిత నిర్ణయాలు తీసుకోవడం.. ప్రశ్నించేవాళ్ల గొంతుల్ని నొక్కేయడం వంటి పరిణామాలు వాస్తవ పరిస్థితుల్ని కళ్లకు కడతాయి.
భూములిచ్చిన రైతుల శాంతియుత పోరాటంపై తన అధికార బలాన్ని ప్రదర్శించే తీరు, ఆ క్రమంలో మహిళలంతా మరింత చైతన్యవంతమై ఉద్యమంలో అలుపెరగకుండా పోరాటం చేసే క్రమం ఆసక్తికరంగా సాగుతుంది. తమ ఆక్రందనని పాలకులు పట్టించుకోకపోవడం, ఆఖరికి తమ గళాన్ని కూడా బయటకు వినిపించకుండా అడ్డుకునే తీరు, దాంతో రైతులు ఉద్యమంలో ప్రాణాల్ని కోల్పోవడం వంటి సన్నివేశాలు హృదయాల్ని మెలిపెడతాయి. తెరపై కనిపించే ప్రతీ పాత్ర, ప్రతీ సన్నివేశంతో ప్రేక్షకుడు కనెక్ట్ అవుతాడు. రైతుల ఆవేదనలో ఎంత నిజాయతీ ఉందో మరింత బాగా అర్థమయ్యేలా దర్శకుడు సన్నివేశాల్ని తీర్చిదిద్దాడు. ద్వితీయార్థంలో మరో దఫా ఓట్లు దండుకుని అధికారాన్నిచేజిక్కించుకోవడం కోసం రాజధాని ప్రాంత భూముల్ని పేదలకి పంచేందుకు ఎత్తుగడ వేయడం, అయిరావతి రైతుల ఉద్యమాన్ని నీరుగార్చడం వంటి సన్నివేశాలు కీలకం.
కష్టపడమని చెబితే ఎవడైనా ఇష్టపడతాడా, వాడికి సుఖాన్ని నేర్పి పడుకోబెట్టాలి అంటూ అభివృద్ధిని పక్కనపెట్టి ముఖ్యమంత్రి వేసే పథకాల ఎత్తుగడ, ప్రజల్ని చైతన్యవంతం చేస్తారనే భయంతో ఉపాధ్యాయుల్ని పక్కనపెట్టాలని నిర్ణయించుకునే తీరు ఇవన్నీ ప్రేక్షకుల్లో ఆలోచనల్ని రేకెత్తిస్తాయి. (Rajadhani Files Review in telugu) ఇవన్నీ ఒకెత్తైతే, పతాక సన్నివేశాలు మరో ఎత్తు. ఓటరు తమ ఓటు హక్కుని వినియోగించుకుంటూనే తీసుకున్న స్ఫూర్తిదాయకమైన నిర్ణయం సినిమాకి హైలైట్గా నిలుస్తుంది. గొడ్డలితో వేటు వేసి గుండెపోటు వచ్చిందని ప్రచారం చేయండంటూ ముఖ్యమంత్రి చెప్పడంతో సినిమా ముగుస్తుంది. ఓ సామాన్యుడు అసెంబ్లీలోకి వెళ్లి మాట్లాడటం, ముఖ్యమంత్రే తమ దగ్గరికి వచ్చేలా చేయడం వంటి ఫిక్షనైజ్డ్గా సన్నివేశాలు ఎక్కువ సినిమాటిక్ లిబర్టీని తీసుకుని తెరకెక్కించినట్టు అనిపిస్తుంది.
ఎవరెలా చేశారంటే?: ఈ సినిమాలో పాత్రలే తప్ప నటులు కనిపించరు. రైతు ప్రతినిధులుగా, దంపతులుగా వినోద్కుమార్, వాణీ విశ్వనాథ్ చక్కటి అభినయం ప్రదర్శించారు. వారి తనయుడుగా అఖిలన్ నటించాడు. ఏఐ టెక్నాలజీలో ఉన్నత చదువులు చదివిన ఇంజినీర్గా అతని పాత్ర, నటన ద్వితీయార్థానికి ప్రధాన ఆకర్షణగా నిలుస్తుంది. రాజధాని కోసం భూములిచ్చిన పలువురు రైతులు ఇందులో కీలక పాత్రల్లో కనిపిస్తారు. ముఖ్యమంత్రి, ఎంపీలు, ఎమ్మెల్యేలుగా కనిపించిన నటులు నిజ జీవిత వ్యక్తుల్ని గుర్తు చేస్తూ ఆ పాత్రల్లో మంచి అభినయం ప్రదర్శించారు. సాంకేతిక విభాగాలు మంచి పనితీరు కనబరిచాయి. కెమెరా, సంగీతం, కూర్పు అన్నీ బాగా కుదిరాయి.
మాటలు సినిమాకి ప్రధానబలం. ఒడిలో పిల్లల్ని జో కొట్టే మహిళ... ఉద్యమంలోకి వచ్చి జై కొట్టిందంటే ప్రళయమే, మన పంటకి నీరు ఎంత అవసరమో రాష్ట్రానికి రాజధాని అంతే అవసరం, దేశానికే అన్నం పెట్టిన అన్నపూర్ణ అరుణప్రదేశ్ భవతీ భిక్షాందేహి అంటూ కనిపించిన అందరినీ అప్పులు అడుక్కునే స్థాయికి దిగజారిపోయింది.. తదితర సంభాషణలు సినిమాకు బలాన్నిచ్చాయి. దర్శకుడు భాను వాస్తవ సంఘటనల్ని డాక్యుమెంటరీలా కాకుండా.. వాణిజ్యాంశాల్ని జోడించి తెరపైకి తీసుకొచ్చిన తీరు ఆకట్టుకుంటుంది. నిర్మాణం సినిమా స్థాయికి తగ్గట్టుగానే ఉంది.
బలాలు
- వాస్తవ నేపథ్యం
- భావోద్వేగాలు
- మాటలు.. నటీనటులు
- పతాక సన్నివేశాలు
బలహీనతలు
- ఆరంభ సన్నివేశాలు
చివరిగా: రాజధాని ఫైల్స్... రాజధాని రైతుల పోరాట స్ఫూర్తి గాథ (Rajadhani Files Review)
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం
-
‘కల్కి’లో రాజమౌళి ఎలా భాగమయ్యారు..?: నాగ్అశ్విన్ ఏం చెప్పారంటే
-
మదనపల్లె దస్త్రాల దహనం కేసులో ఆరోరోజు విచారణ
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్