Run Baby Run Review: రివ్యూ: రన్ బేబీ రన్
ఓటీటీ వేదికగా ప్రేక్షకులను అలరించేందుకు ప్రతివారం పలు సినిమాలు విడుదలవుతున్నాయి. ఆ క్రమంలో ఈవారం ‘డిస్నీ+హాట్స్టార్’లో రిలీజ్ అయిన చిత్రం ‘రన్ బేబీ రన్’. ఎలా ఉందంటే?
Run Baby Run Review చిత్రం: రన్ బేబీ రన్; నటీనటులు: ఆర్జే బాలాజీ, ఐశ్వర్య రాజేశ్, ఇషా తల్వార్, రాధికా శరత్కుమార్, నాగినీడు తదితరులు; సంగీతం: సామ్ సీఎస్; ఎడిటింగ్: జి. మదన్; సినిమాటోగ్రఫి: ఎస్. యువ; నిర్మాణ సంస్థ: ప్రిన్స్ పిక్చర్స్; దర్శకత్వం: జియేన్ కృష్ణకుమార్; స్ట్రీమింగ్ వేదిక: డిస్నీ+ హాట్స్టార్.
ఆర్జే బాలాజీ (RJ Balaji), ఐశ్వర్య రాజేశ్ (Aishwarya Rajesh) ప్రధాన పాత్రల్లో దర్శకుడు జియేన్ కృష్ణకుమార్ (Jiyen Krishnakumar) తెరకెక్కించిన చిత్రం ‘రన్ బేబీ రన్’ (Run Baby Run). ఫిబ్రవరి 3న థియేటర్లలో విడుదలైన ఈ తమిళ సినిమా ప్రస్తుతం ఓటీటీ ‘డిస్నీ+ హాట్స్టార్’ (Disney+ Hotstar)లో పలు భాషల్లో స్ట్రీమింగ్ అవుతోంది. బాక్సాఫీసు వద్ద హిట్టాక్ సొంతం చేసుకున్న ఈ సినిమా కథేంటి? ఎలా సాగిందో చూద్దాం (Run Baby Run Review)..
ఇదీ కథ: సత్య (ఆర్జే బాలాజీ) ఓ బ్యాంకు ఉద్యోగి. కాబోయే భార్య ప్రియాంక (ఇషా తల్వార్)కు గిఫ్ట్ ఇచ్చి సర్ప్రైజ్ చేద్దామనుకుంటాడు. కారులో ప్రయాణిస్తూ ఆ కానుక ఇవ్వబోతుండగా.. అదే కారులో దాక్కున్న పరిచయంలేని వ్యక్తి తారా (ఐశ్వర్య రాజేశ్)ను చూసి షాక్ అవుతాడు. ప్రియాంకను మేనేజ్ చేసి ఇంటికి దగ్గర్లో డ్రాప్ చేస్తాడు. ఆ తర్వాత, తాను ప్రమాదంలో ఉన్నానని, కొన్ని గంటలు ఆశ్రయం కావాలని తారా బతిమిలాడగా సత్య అంగీకరిస్తాడు. కట్చేస్తే, మరుసటి రోజు ఉదయం తారా విగతజీవిగా కనిపిస్తుంది. ఈ విషయం ఎవరికీ తెలియకుండా ఉండాలనే ఉద్దేశంతో సత్య ఓ సూట్కేసులో తారా శవాన్ని వేరే ప్రాంతానికి తరలించే ప్రయత్నం చేస్తాడు. మార్గమధ్యంలో తన కారు చెడిపోవడంతో షేర్ ఆటోలో ప్రయాణిస్తాడు. ఆ శవం ఏమైంది? ఆమెను చంపింది ఎవరు? హంతకులను సత్య పట్టుకోగలిగాడా? తన పెళ్లి జరిగిందా? అసలు తారా.. సత్య కారు ఎందుకు ఎక్కింది? అనే ఆసక్తికర ప్రశ్నలకు సమాధానం సినిమా చూసి తెలుసుకోవాల్సిందే (Run Baby Run Review).
ఎలా ఉందంటే: పరిచయంలేని అమ్మాయికి సాయం చేయాలనుకున్న ఓ సాధారణ వ్యక్తి జీవితం ఎలా తలకిందులైందనేదే ఈ సినిమా ప్రధాన అంశం. మదర్ సెంటిమెంట్ అంతర్లీనంగా ఉంటుంది. ఆలస్యం చేయకుండా ప్రారంభ సన్నివేశంతోనే సినిమాపై ఉత్కంఠ రేకెత్తేలా చేశారు దర్శకుడు జియేన్. ఓ మెడికో మరణం సీన్తో కథను చెప్పే ప్రయత్నం చేసిన డైరెక్టర్ ఆమెది హత్యా, ఆత్మహత్యా? అనే సస్పెన్స్ను హోల్డ్లో ఉంచి, వెంటనే హీరో సూసైడ్ సీన్ను చూపించి ఏం జరిగింది? ఏం జరగబోతోందన్న ఉత్సుకతను కలిగించారు. అక్కడా లేట్ చేయకుండా హీరో ఎందుకు ఆత్మహత్యకు తెగించాడో ‘ఫ్లాష్బ్యాక్’ ద్వారా వివరించారు. కథ ఎక్కువగా ఆ ‘రివైండ్’లోనే సాగుతుంది. అందులోనే తారా పాత్ర ప్రత్యక్షమవుతుంది. ఆమెను వెంబడించేది ఎవరు? ప్రాణాల మీదకు తెచ్చుకునేంతగా ఆమె ఏం చేసింది? తదితర అంశాలను ఒక్కొక్కటిగా వివరిస్తూ ప్రేక్షకుణ్ని కథలో లీనమయ్యేలా చేశారు. అయితే, అక్కడక్కడా లాజిక్ మిస్ అయినట్టు స్పష్టంగా తెలుస్తుంది. హీరో ఇంట్లో శవం ఉండగానే పోలీసులు వేరే పనిలో భాగంగా అక్కడకు వెళ్లడం.. ఇల్లంతా వెతికి ఏం లేదని చెప్పడం తదితర సీన్స్ చూస్తే ‘హీరో కదా.. అలాంటి మాయ ఉంటుంది’ అని అనిపించకమానదు. ప్రథమార్ధమంతా ఇలా వేగంగా సాగుతూ థ్రిల్ పంచుతున్నా ఫస్ట్ షాట్లో బిల్డింగ్పై నుంచి దూకిందెవరనే ప్రశ్నకు సమాధానం ఇంకెప్పుడా? అనే ఆలోచనా మెదులుతూనే ఉంటుంది. దానికి సెకండాఫ్లో సమాధానం దొరుకుతుంది.
తల్లి చెప్పిన మాటలతో ధైర్యం తెచ్చుకుని తారా హత్యకు కారకులెవరో తెలుసుకునే సత్య ప్లానింగ్తో ద్వితీయార్ధం మొదలవుతుంది. ఒక్కో చిక్కుముడి విప్పుతూ.. తారేకాదు ఆమెకంటే ముందు భవనంపై నుంచి పడిపోయిన మెడికోసహా మరికొందరు స్టూడెంట్స్ మరణాలకు కారణాలు అన్వేషించే హీరో తీరు ఆకట్టుకుంటుంది. తారా చదివిన కాలేజీకి వెళ్లడం, ఆమె వివరాలు సేకరించేటప్పుడు కొందరిపై అనుమానం వ్యక్తం చేయడం, తనపై తారా పడుకున్నట్టు ఎవరో ఫొటో తీసి పంపగా వాటి ద్వారా అసలు నిజాన్ని రాబట్టడం.. ఇలా సత్య క్యారెక్టర్ చేసే తనదైన దర్యాప్తు చూపు తిప్పుకోనివ్వదు. హీరో కోణంలో ఓకే గానీ పోలీసులు చేసే ఇన్వెస్టిగేషన్ మాత్రం పేలవంగా ఉంటుంది. మధ్యలో కనిపించే తారా సంరక్షకుడు ఫాదర్ విన్సెంట్, ఆయన అనుచరుడు, తారా ఉండే హాస్టల్ వార్డెన్ పాత్రల్లో ఏదో ఒకటి ఆమె చావుకి కారణమని అనుకునే అవకాశాలు ఉన్నాయి. కానీ, ప్రేక్షకులు ఊహించలేని విధంగా విలన్ ట్విస్ట్ రివీల్ అవుతుంది. సామాజిక కోణంలో ఆలోచించి, కొందరిలోనైనా మార్పు తీసుకురావాలనే ఉద్దేశంతో దర్శకుడు ఈ సినిమా తెరకెక్కించారనే విషయం అర్థమవుతుంది. అయితే, క్లైమాక్స్ను మాత్రం సాదాగా ముగించారు (Run Baby Run Review).
ఎవరెలా చేశారంటే: ‘స్పైడర్’తో తెలుగు ప్రేక్షకులకు పరిచయమైన బాలాజీ ఈ చిత్రంలో సత్యగా తన పాత్రలో అదరగొట్టారు. ఐశ్వర్య రాజేశ్ పాత్ర నిడివి తక్కువే అయినా తన హావభావాలతో అలరిస్తుంది. ఇషా తల్వార్, రాధికా శరత్కుమార్, నాగినీడు తదితరులు తమ తమ పాత్రల్లో ఒదిగిపోయారు. సాంకేతిక బృందం విషయానికొస్తే.. సామ్ సీఎస్ అందించిన నేపథ్య సంగీతం ఈ చిత్రానికి ప్రధాన బలం. మదన్ ఎడిటింగ్, యువ సినిమాటోగ్రఫి బాగున్నాయి. మలయాళంలో ‘కాలేజ్ డేస్’, ‘కాంచి’, ‘తియాన్’ చిత్రాలను తెరకెక్కించిన జియేన్ కృష్ణకుమార్ చాలాకాలం తర్వాత ‘రన్ బేబీ రన్’ కోసం మెగాఫోన్ పట్టారు. గ్యాప్ వచ్చినా ఫామ్లోనే ఉన్నట్టు తన టేకింగ్తో నిరూపించారు (Run Baby Run Review).
బలాలు: + కథ, + ఆర్జే బాలాజీ నటన, + నేపథ్య సంగీతం
బలహీనతలు: - లాజిక్లేని కొన్ని సన్నివేశాలు, - పతాక సన్నివేశాన్ని ముగించిన తీరు
చివరిగా: టైటిల్కు తగ్గట్టు కథ పరిగెడుతుంది.
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కిషన్రెడ్డి హైదరాబాద్కు రూపాయి తీసుకు రాలేదు: మంత్రి పొన్నం
-
‘యానిమల్ పార్క్’.. ఆ విషయం నేను చెప్పలేను: త్రిప్తి దిమ్రీ
-
పారిస్ ఒలింపిక్స్లో హిందీకి అరుదైన గౌరవం
-
ఆగస్టు 23న.. ఉక్రెయిన్ పర్యటనకు ప్రధాని మోదీ..!
-
భద్రాచలం వద్ద మళ్లీ పెరుగుతున్న గోదావరి నీటి మట్టం
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?