Tollywood: యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం..
మూడు ఫైట్లు, ఆరు పాటల టెంప్లేట్ స్టోరీలకు కాలం చెల్లింది. ఓటీటీ విప్లవంతో ఇప్పుడు ప్రపంచ సినిమా దగ్గరైంది. ఇంగ్లిష్ మూవీస్ నుంచి కొరియన్ సిరీస్ల వరకు ప్రతిదీ ఇంట్లో కూర్చొని చూసే వెసులుబాటు ఉంది. మరి అలాంటప్పుడు ప్రేక్షకుడిని థియేటర్కు తీసుకురావాలంటే కొత్తగా ఆలోచించాల్సిందే! అలా వైవిధ్యాన్నే ఓ ఆయుధంగా మలుచుకున్న పలువురు యంగ్ హీరోలు విజయాల్ని అందుకుంటున్నారు. యువతరం ప్రతిభాపాటవాలివీ..
టిల్లు.. ఓ బ్రాండ్
‘ఇతడికి సినిమా అంటే పిచ్చి. ‘డీజే టిల్లు’, ‘టిల్లు స్క్వేర్’లతో విజయాన్నే కాదు కలకాలం నిలిచిపోయే పాత్రనిచ్చాడు’’.. అంటూ ఓ వేదికపై ఎన్టీఆర్ కొనియాడడం సిద్ధు జొన్నలగడ్డ కష్టానికి దక్కిన ప్రతిఫలం. ఈయన ఓవర్నైట్ స్టార్ కాదు. 2009లో వచ్చిన ‘జోష్’లోని చిన్న పాత్రతో తెరంగేట్రం చేశారు. ఆ తర్వాత వచ్చిన పలు చిత్రాల్లో అలా వచ్చి.. ఇలా వెళ్లిపోయే క్యారెక్టరే ఆయనది. ‘గుంటూరు టాకీస్’తో యువతలో మంచి గుర్తింపు తెచ్చుకుని ‘కృష్ణ అండ్ హిజ్ లీల’తో ఇంకో మెట్టు ఎక్కారు. ‘డీజే టిల్లు’తో తన ఇమేజ్ మారిపోయింది. దానికి సీక్వెల్గా వచ్చిన ‘టిల్లు స్క్వేర్’ రూ.125 కోట్లకుపైగా వసూళ్లు చేసింది. డీజేలు కొడుతూ జీవించే టిల్లు జీవితంలోకి అమ్మాయి రావటం వల్ల ఎలాంటి సమస్యల్లో చిక్కుకున్నాడు? ఎలా బయటపడ్డాడనేదే ఈ రెండు సినిమాల కథాంశం. చిన్న కాన్సెప్టే అయినా ప్రేక్షకుడికి కావాల్సినంత వినోదాన్ని పంచడంలో ఇవి పెద్దవే! హెయిర్ స్టైల్ నుంచి మేనరిజం వరకూ ప్రతిదాంట్లోనూ సిద్ధు డిఫరెంట్ అనిపించుకున్నారు. చేసినవన్నీ రొమాంటిక్ బ్యాక్డ్రాప్ చిత్రాలే అయినా ఒకదానితో మరొకటి సంబంధం లేకుండా జాగ్రత్త పడ్డారు. నటనకే పరిమితం కాకుండా ఆయా దర్శకుల, రచయితలతో కలిసి తన సినిమాలకు తానే కథ రాసుకున్నారు. ‘జాక్’, ‘తెలుసు కదా’ చిత్రాలతో అలరించేందుకు సిద్ధమవుతున్నారు.
తేజ.. సూపర్హీరో!
బాలనటుడిగా వివిధ చిత్రాల్లో సందడి చేసిన తేజ సజ్జ పెద్దయ్యాక నటించిన తొలి చిత్రం ‘ఓ బేబీ’. హీరోగా ఫస్ట్ మూవీనే జాంబీ జానర్లో ‘జాంబిరెడ్డి’ చేసి, టాలీవుడ్కు కొత్త అనుభూతి పంచారు. మనదైన ఫ్యాక్షన్ కథలోకి జాంబీల్ని తీసుకురావడం, వాటితో హీరో చేసే పోరాటం ప్రేక్షకులను ఆకట్టుకుంది. ఆ తర్వాత ‘ఇష్క్’, ‘అద్భుతం’ వంటి డిఫరెంట్ కాన్సెప్టులనే ప్రయత్నించినప్పటికీ తేజకు ఆశించిన స్థాయిలో విజయం దక్కలేదు. కొంత విరామం తీసుకున్నా ఈ ఏడాది వచ్చిన ‘హనుమాన్’తో రూ. 300 కోట్లు రాబట్టారు. ‘జాంబిరెడ్డి’ దర్శకుడు ప్రశాంత్ వర్మతోనే మరోసారి చేతులు కలిపి ఈసారి ఈ ‘సూపర్హీరో’ ఫిల్మ్ని అందించారు. ఇతిహాసాలతో ముడిపడిన కథే అయినా నేటివిటీ మిస్ కాకుండా చూసుకోవడం కలిసొచ్చిన అంశమని చెప్పొచ్చు. ‘‘తేజ తనేంటో నిరూపించుకున్నాడు. ఇప్పుడు యావత్ భారతదేశం అతడి నటనకు మెచ్చుకుంటోంది’’ అంటూ అగ్ర నటుడు చిరంజీవి ప్రశంసించారు. ప్రస్తుతం తేజ సూపర్ యోధుడిగా ‘మిరాయ్’లో నటిస్తూ అంచనాలు పెంచుతున్నారు. ‘జై హనుమాన్’లోనూ ఆయన నటించనున్నారు.
థ్రిల్ పంచే శేష్..
2002లో విడుదలైన ‘సొంతం’లో చిన్న పాత్ర పోషించిన అడివి శేష్.. 2016లో వచ్చిన ‘క్షణం’తో తన సత్తా చూపించారు. థ్రిల్లర్ జానర్లో కొత్త ఒరవడి సృష్టించారు. అదే నేపథ్యంలో తెరకెక్కిన ‘గూఢచారి’, ‘ఎవరు’, ‘హిట్ 2’లతోనే కాకుండా బయోపిక్ ‘మేజర్’తోనూ మెప్పించారు. ట్విస్ట్లతో నిండిన కథలు, పాత్రల్లో అలవోకగా ఒదిగిపోయే శేష్కు ఈ సినిమా సవాలే. 26/11 ఉగ్ర దాడుల్లో అమరుడైన మేజర్ సందీప్ ఉన్నికృష్ణన్ జీవితాన్ని తెరపైకి తీసుకురావడానికి ఎంతో కృషి చేశారు. శేష్ కాదు ఉన్నికృష్ణన్ క్యారెక్టరే ప్రేక్షకుడికి కనిపించాలని సంకల్పించి, శారీరకంగానూ శ్రమించారు. శేష్ నటన తనకు ఇష్టమని స్టార్ హీరో మహేశ్ బాబు పలు సందర్భాల్లో తెలిపారు. స్వతహాగా కథలు, స్క్రీన్ప్లే రాసే శేష్ ప్రస్తుతం ‘జీ 2’ (గూఢచారి సీక్వెల్), ‘డెకాయిట్’ల్లో నటిస్తున్నారు.
నవీన్.. ఉండాల్సిందే ఫన్
‘ఏజెంట్ సాయి శ్రీనివాస ఆత్రేయ’తో హీరోగా తొలి ప్రయత్నంలోనే డిటెక్టివ్ స్టోరీని ఎంపిక చేసుకుని ప్రత్యేక గుర్తింపు తెచ్చుకున్నారు నవీన్ పొలిశెట్టి. తర్వాత, ‘జాతి రత్నాలు’, ‘మిస్ శెట్టి మిస్టర్ పొలిశెట్టి’తోనూ విజయాన్ని అందుకున్నారు. కథా నేపథ్యం ఏదైనా తన పాత్రకు కామెడీ టచ్ ఉండాల్సిందే. నవీన్ కామెడీ టైమింగ్ బాగుంటుందంటూ మహేశ్ బాబు ఓ సందర్భంలో ట్వీట్ చేశారు.
సుహాస్.. అదుర్స్
కమెడియన్గా కెరీర్ని ప్రారంభించి హీరోగా ఎదిగిన సుహాస్కు కథల ఎంపికలో మంచి అభిరుచి ఉంది. కథానాయకుడిగా తొలి ప్రయత్నమైన ‘కలర్ ఫొటో’తోనే ఆ విషయాన్ని చాటి చెప్పారు. ‘ఫ్యామిలీ డ్రామా’లో నెగెటివ్ ఛాయలున్న పాత్రలో, ‘రైటర్ పద్మభూషణ్’లో రచయిత కావాలనుకునే అసిస్టెంట్ లైబ్రేరియన్గా విభిన్న కథలు పరిచయం చేశారు. ఇటీవల విడుదలైన ‘అంబాజీపేట మ్యారేజి బ్యాండు’లో మ్యారేజి బ్యాండు సభ్యుడిగా నటించి విజయాన్ని అందుకున్నారు. ‘శ్రీరంగనీతులు’తో అంతగా ఆకట్టుకోలేకపోయారు. ప్రస్తుతం ఆయన మూడు ప్రాజెక్టులతో బిజీగా ఉన్నారు.
వీరు ఇలా..
మాస్లో ప్రత్యేక శైలి కలిగిన నటుడు విశ్వక్సేన్. ‘ఫలక్నుమా దాస్’, ‘హిట్’లో పవర్ఫుల్ రోల్ ప్లే చేసిన ఆయన పూర్తిగా తనని తాను మార్చుకుని చేసిన చిత్రం ‘అశోక వనంలో అర్జున కల్యాణం’. వయసు 30 ఏళ్లు పైబడినా పెళ్లికాని యువకుల పరిస్థితి ఎలా ఉంటుందో అర్జున్ కుమార్ అల్లం పాత్రతో చూపించారు. ‘గామి’తో ఈ ఏడాది తనలోని కొత్త కోణాన్ని ఆవిష్కరించారు. అఘోరాగా ఒదిగిపోయారు. తనకు మూడ్ బాగాలేకపోతే విశ్వక్ నటించిన ‘ఈ నగరానికి ఏమైంది’ చూస్తానంటూ ఓ ఈవెంట్లో ఎన్టీఆర్ ఆయన్ను పొగిడారు. త్వరలో ‘గ్యాంగ్స్ ఆఫ్ గోదావరి’తో సందడి చేయనున్నారు విశ్వక్. రొటీన్కు భిన్నంగా నిఖిల్ ప్రయత్నించిన ఫస్ట్ మూవీ ‘స్వామి రారా’ ఆయన కెరీర్ను మలుపు తిప్పింది. అప్పటి నుంచీ కొత్తదనం ఉన్న కథలనే ఎంపిక చేసుకుంటున్నారు. మిస్టరీ థ్రిల్లర్ స్టోరీల్లో నిఖిల్ నటిస్తే హిట్ అయినట్టే అనేది చాలామంది అభిప్రాయం. ‘స్పై’తో అభిమానుల్ని నిరాశ పరిచిన ఆయన ‘స్వయంభూ’తో ఆ లోటుని తీర్చేందుకు సన్నద్ధమవుతున్నారు. మరోవైపు, ‘కార్తికేయ 3’ ఖరారు చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘వీళ్ల నాన్న ఎంత మంచి నటుడో.. ఇతనంత వేస్ట్ఫెలో’ అన్నారు: సూర్య జర్నీ ఇదే..!
ప్రముఖ హీరో సూర్య పుట్టినరోజు సందర్భంగా ఆయన సినీ ప్రస్థానం గురించి కొన్ని ఆసక్తికర విశేషాలు.. -
హీరోయిన్ల జోరు.. జాన్వీ, భాగ్యశ్రీ అలా.. మీనాక్షి, ప్రియాంక ఇలా!
వరుస సినిమాలతో బిజీగా ఉన్న హీరోయిన్లపై ప్రత్యేక కథనం. -
‘ఆలస్యమైందా ఆచార్య పుత్రా’.. ఇవి కదా ప్రభాస్ కటౌట్కు అదిరిపోయే సీన్స్
సినిమా మొత్తం ఒక ఎత్తయితే, ప్రభాస్ పాత్రతో ఊహించని ట్విస్ట్ ఇచ్చి, థియేటర్ దద్దరిల్లిపోయేలా చేశారు కొందరు దర్శకులు.. ఆ సినిమాలు ఏంటి? ఆ సీన్స్ ఏంటి? -
‘హనుమాన్’తో మొదలై.. ‘కల్కి’తో ముగిసి: టాలీవుడ్ ఫస్టాఫ్ రిపోర్టు
2024లో విడుదలైన (జనవరి నుంచి జూన్ వరకు) తెలుగు సినిమాలపై ప్రత్యేక కథనం. ఏ సినిమా హిట్, ఏది ఫట్ అంటే? -
అప్పుడు భయపడి.. ఇప్పుడు సినీ ప్రపంచాన్నే తనవైపు తిప్పుకొని!
‘కల్కి 2898 ఏడీ’ గురువారం విడుదల కాబోతున్న సందర్భంగా హీరో ప్రభాస్ కెరీర్పై ప్రత్యేక కథనం.. -
రూ. 4 వేల జీతం నుంచి రూ. 600 కోట్ల ‘కల్కి’ వరకు.. నాగ్ అశ్విన్ జర్నీ ఇదీ
‘సాధారణంగా కనిపించే చాలామంది వ్యక్తుల్లో అసాధారణ ప్రతిభ ఉంటుంది’.. దర్శకుడు నాగ్ అశ్విన్ను ఉద్దేశిస్తూ నటుడు కమల్ హాసన్ చెప్పిన మాటలివి. -
ఎన్టీఆర్ పెట్టిన పేరు.. భారీ చిత్రాలకు మారుపేరు ‘వైజయంతీ మూవీస్’
Vyjayanthi Movies: భారీ అంచనాల మధ్య ప్రభాస్, నాగ్ అశ్విన్ల ‘కల్కి 2898 ఏడీ’ విడుదలవుతున్న నేపథ్యంలో ఆ సినిమాను నిర్మించిన ‘వైజయంతీ మూవీస్’ గురించి ఆసక్తికర విషయాలు.. -
ఆ తెలుగు చిత్రంలో నటించారు కానీ: దీపికా పదుకొణె గురించి మీకివి తెలుసా?
దీపికా పదుకొణె ఓ ప్రధాన పాత్ర పోషించిన ‘కల్కి 2898 ఏడీ’ గురువారం విడుదల కానుంది. ఈ సందర్భంగా ఆమె గురించి ప్రత్యేక కథనం.. -
‘కల్కి’లో ప్రభాస్, కమల్హాసన్ పాత్రలకు పురాణాల రిఫరెన్స్ అదేనా?
నాగ్ అశ్విన్ దర్శకత్వంలో వస్తున్న ‘కల్కి 2898 ఏడీ’ మూవీలో పాత్రలు, వాటిని ఎక్కడినుంచి తీసుకున్నారో తెలుసా? -
‘కల్కి’ ఎవరు? ఆ అవతారం ఎప్పుడు వస్తుంది?సినిమాలో ఏం చూపించబోతున్నారు?
నాగ్ అశ్విన్ ‘కల్కి 2898 ఏడీ’ మూవీ విడుదల కానున్న నేపథ్యంలో అసలు ‘కల్కి’ అవతారం.. దాని విశేషాలు తెలుసుకుందాం. -
‘కల్కి 2898 ఏడీ’లో మలయాళ నటి.. ఎవరీ అన్నా బెన్?
‘కల్కి 2898 ఏడీ’లో కీలక పాత్ర పోషించిన అన్నా బెన్ గురించి పలు ఆసక్తికర విషయాలు.. -
కథను.. కళను నమ్మిన సంస్థే ‘ఉషా కిరణ్’.. సినీ రంగంలో రామోజీ ప్రస్థానమిది
ఈనాడు గ్రూప్ సంస్థల ఛైర్మన్ రామోజీరావు నేడు తుదిశ్వాస విడిచారు. జర్నలిజం రంగంలోనే కాకుండా సినీ రంగంలోనూ ఆయన చెరగని ముద్ర వేశారు. ఆయన నిర్మించిన ఉషా కిరణ్ మూవీస్ ప్రస్థానాన్ని ఒకసారి గుర్తుచేసుకుందాం. -
భారీ టైర్లు.. ఆరు టన్నుల బరువు.. ‘కల్కి’లో ‘బుజ్జి’ కారు విశేషాలు తెలుసా?
kalki 2898 ad: కల్కిలో బుజ్జిగా కీలక పాత్ర పోషిస్తున్న కారు గురించి ఆసక్తికర విషయాలు బయటకు వచ్చాయి. -
ఆ లోటు ఎప్పటికీ ఉంటుంది: ఎన్టీఆర్ గురించి ఈ సంగతులు తెలుసా?
ప్రముఖ నటుడు ఎన్టీఆర్ పుట్టిన రోజు నేడు. ఈ సందర్భంగా ఆయన గురించి కొన్ని ఆసక్తికర సంగతులు.. -
చిరు టు మహేశ్.. తెలుగు చిత్ర పరిశ్రమకు ఈ రోజెంతో ప్రత్యేకం..!
వేర్వేరు సంవత్సరాల్లో మే 9న విడుదలై మంచి విజయాలు అందుకున్న సినిమాలపై ప్రత్యేక కథనం. అవేంటో చూసేయండి.. -
ఆ ‘రెండేళ్ల షరతు’ త్రిష జీవితాన్నే మార్చేసింది.. అదేంటంటే?
త్రిష పుట్టినరోజు సందర్భంగా ఆమె గురించి పలు ఆసక్తికర విశేషాలు మీకోసం.. -
సంచలనానికి 50 ఏళ్లు.. ‘అల్లూరి సీతారామరాజు’ తెర వెనక ఎన్ని విశేషాలో..!
‘అల్లూరి సీతారామరాజు’ సినిమా 50 ఏళ్లు పూర్తి చేసుకున్న సందర్భంగా ఆ సినిమా గురించి ప్రత్యేక కథనం. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే..
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
పెద్దగా మార్పు ఉండదు.. అది మాత్రమే తేడా: శుభ్మన్ గిల్
-
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
-
కాంగ్రెస్ పార్టీ ద్వంద్వ విధానం బయటపడింది: హరీశ్రావు
-
గాజాకు పోలియో ముప్పు..! మురుగునీటిలో వైరస్ అవశేషాలు
-
ఆ 36 మంది వివరాలు ఎందుకు ఇవ్వట్లేదు జగన్?: హోంమంత్రి అనిత
-
ఐఫోన్ ప్రియులకు గుడ్న్యూస్.. ధరలు తగ్గించిన యాపిల్