Tiger Nageswara Rao Movie Review: రివ్యూ: టైగర్ నాగేశ్వరరావు.. రవితేజ ఖాతాలో హిట్ పడిందా?
Tiger Nageswara Rao Movie Review: రవితేజ కథానాయకుడిగా వంశీ దర్శకత్వంలో తెరకెక్కిన పీరియాడిక్ యాక్షన్ థ్రిల్లర్ ‘టైగర్ నాగేశ్వరరావు’ మూవీ ఎలా ఉందంటే?
Tiger Nageswara Rao Movie Review | చిత్రం: టైగర్ నాగేశ్వరరావు, అనుపమ్ ఖేర్, నుపుర్ సనన్, రేణు దేశాయ్, జిషుసేన్ గుప్త, మురళీ శర్మ, గాయత్రీ భరద్వాజ్, నాజర్ తదితరులు; సంగీతం: జీవీ ప్రకాష్ కుమార్; సినిమాటోగ్రఫీ: ఆర్.మది; ఎడిటింగ్: కోటగిరి వెంకటేశ్వరరావు; నిర్మాత: అభిషేక్ అగర్వాల్; రచన, సంభాషణలు: శ్రీకాంత్ విస్సా; దర్శకత్వం: వంశీ; విడుదల తేదీ: 20-10-2023
జయాపజయాలతో సంబంధం లేకుండా వరుస చిత్రాలతో అలరిస్తున్న కథానాయకుడు రవితేజ (Ravi tej). ఏడాదికి కచ్చితంగా రెండు మూడు సినిమాలు విడుదలయ్యేలా ప్లాన్ చేసుకుంటారు. వంశీ దర్శకత్వంలో ఆయన నటించిన తాజా చిత్రం ‘టైగర్ నాగేశ్వరరావు’ (Tiger Nageswara Rao). స్టూవర్టుపురం దొంగ నాగేశ్వరరావు జీవితంలో జరిగిన యథార్థ సంఘటనల ఆధారంగా ఈ చిత్రం తెరకెక్కింది. మరి దసరా బరిలో నిలిచిన ఈ మూవీ ఎలా ఉంది? (Tiger Nageswara Rao Review) రవితేజ తొలి పాన్ ఇండియా మూవీ మెప్పించిందా?
కథేంటంటే: 1970, 80 దశకాల్లో స్టూవర్టుపురం నాగేశ్వరరావు పేరు వింటే చాలు... అటు ప్రజల్లోనూ ఇటు పోలీసు వ్యవస్థలోనూ ఓ రకమైన అలజడి మొదలయ్యేది. దోపిడీలకి పెట్టింది పేరైన నాగేశ్వరరావు కన్నుపడిందంటే చాలు... ఎంత విలువైనదైనా, ఎంత కట్టుదిట్టమైన భద్రత ఉన్నా చెప్పి మరీ దొంగతనం చేస్తాడని పేరు. తను దొంగతనాలు చేసే ప్రాంతాన్ని టైగర్ జోన్ అనీ... అతన్ని టైగర్ నాగేశ్వరరావు అనీ పిలుస్తుంటారు. ఇప్పటికీ ఆయన గురించి కథలు కథలుగా చెప్పుకొంటుంటారు. అంత పేరు మోసిన దొంగ కథతో రూపొందిన చిత్రమే.. ‘టైగర్ నాగేశ్వరరావు’. టైటిల్ పాత్రలో రవితేజ నటించారు. 1980 నేపథ్యంలో కథ మొదలవుతుంది. ఆంధ్రప్రదేశ్లోని స్టూవర్టుపురం గ్రామానికి చెందిన నాగేశ్వరరావు గురించి దిల్లీలో చర్చ మొదలవుతుంది. (Tiger Nageswara Rao Review) ప్రధానమంత్రి భద్రతని సమీక్షించే ఇంటిలిజెన్స్ అధికారి రాజ్పుత్ (అనుపమ్ ఖేర్) స్వయంగా రంగంలోకి దిగి స్టూవర్టుపురం గురించి తెలిసిన పోలీస్ అధికారి విశ్వనాథ్ శాస్త్రి (మురళీశర్మ)ని పిలిపించి నాగేశ్వరరావు గురించి ఆరా తీయడం మొదలుపెడతారు. అందుకు కారణమేంటి?అసలు ఈ దోపిడీలకి పాల్పడుతున్న నాగేశ్వరరావు లక్ష్యం ఏమిటనేది అసలు కథ.
ఎలా ఉందంటే: జీవిత కథలతో రూపొందిన సినిమాల్లో సహజంగా వాస్తవ సంఘటనల మోతాదే ఎక్కువ. అక్కడక్కడా మాత్రమే స్వేచ్ఛ తీసుకుని సన్నివేశాల్ని మలుస్తుంటారు. ఈ సినిమా బయోపిక్గానే ప్రచారమైనా.. ఎక్కువగా ప్రచారంలో ఉన్న విషయాల్ని ఆధారంగా చేసుకునే రూపొందించారు. వాస్తవాల కంటే కల్పితాలే ఎక్కువ. అయితే థియేటర్లోకి వెళ్లి కూర్చున్నాక తెరపై కనిపిస్తున్నది వాస్తవమా, కల్పితమా అనే విషయం కంటే ఆ కథ ఆసక్తిని రేకెత్తించిందా? లేదా? అనేదే కీలకం. ఈ సినిమా ఒక దశ వరకు పర్వాలేదనిపించినా ఆ తర్వాత గాడి తప్పింది. రక్తం, కన్నీరు కలిసిన సిరాతో రాసిన చరిత్ర అని చెప్పినా ఇందులో రక్తపాతమే తప్ప కన్నీళ్లు పెట్టించే భావోద్వేగాలు ఎక్కడా పండలేదు. (Tiger Nageswara Rao Review in telugu) కథలు కథలుగా వినిపించే నాగేశ్వరరావు దొంగతనాలనైనా థ్రిల్ కలిగించేలా తెరపైకి తీసుకొచ్చారా అంటే అదీ లేదు. ఓ దొంగ ప్రధానమంత్రి సీటు వరకూ వెళ్లాడన్నప్పుడు అతనిలో ఎంత ధైర్యం, ఎన్ని తెలివితేటలు ఉండాలి. అలాంటి సాహసాల్ని కానీ, తెలివి తేటల్ని కానీ నాగేశ్వరరావు దోపిడీలలో ఎక్కడా చూపించకపోవడం ఈ సినిమాలో ప్రధాన లోపం.
ప్రారంభ సన్నివేశాల్లో రైలు దోపిడీ చూపించారు కానీ అది ఏమాత్రం సహజంగా అనిపించదు. విజువల్స్ మాత్రం ఆకట్టుకుంటాయి. స్టూవర్టుపురం నేర సామ్రాజ్యంతో మొదలయ్యే ఈ కథలో ఆరంభ సన్నివేశాలు మెప్పిస్తాయి. దొంగతనాల కోసం సన్నద్ధమయ్యే తీరు, స్వార్థపరుల వల్ల దొంగతనాలు చేయాల్సిన పరిస్థితులు రావడం వంటి సన్నివేశాలు ప్రేక్షకుడిని కథలో లీనం చేస్తాయి. కానీ, ఆ వెంటనే సినిమా ఫక్తు కమర్షియల్ ఫార్మాట్లోకి వెళ్లిపోతుంది. పోలీసులతో ఫైట్, హీరోయిన్తో ప్రేమ అంటూ మరోదారి పడుతుంది కథ. ద్వితీయార్ధంలో అయితే తలలు తెగిపడుతూ సన్నివేశాలు సాగుతూనే ఉంటాయి తప్ప కథ ఎక్కడా ఆసక్తి రేకెత్తించదు. రాబిన్హుడ్ తరహాలో నాగేశ్వరరావు పాత్రని చూపించారు. (Tiger Nageswara Rao Review in telugu) పెళ్లి, పిల్లలు, ఫ్యాక్టరీ అంటూ ద్వితీయార్ధంలో సుదీర్ఘమైన మరో కథ నడుస్తుంది. స్టూవర్టుపురం జీవితాల్లో మార్పు కోసం పనిచేసిన హేమలతా లవణం పాత్రని కూడా ప్రభావవంతంగా చూపించలేదు. 80 దశకంలో సాగే ఈ సినిమాలో రవితేజ, ఇతర పాత్రధారులు కొన్ని సార్లు ట్రెండీగా కనిపిస్తే మరికొన్నిసార్లు చారిత్రాత్మక సినిమాల్లోలాగా కనిపిస్తారు. కథ, కథనాల్ని నడిపించిన విధానంలో ఎక్కడా పరిణతి కనిపించదు.
ఎవరెలా చేశారంటే: రవితేజ నటన ఈ సినిమాకి ప్రధాన ఆకర్షణ. కమర్షియల్ సినిమాల్లో కనిపించినట్టుగా కాకుండా... గత చిత్రాలకి పూర్తి భిన్నంగా నాగేశ్వరరావు పాత్రలో ఒదిగిపోయారు. లుక్ విషయంలోనూ.. పోరాట ఘట్టాల పరంగానూ ఆయన బలమైన ప్రభావం చూపిస్తారు. కథానాయికలు నుపుర్ సనన్, గాయత్రి భరద్వాజ్ తమ పాత్రలకి న్యాయం చేశారు. గాయత్రి పాత్రే కాస్త ఎక్కువ సమయం తెరపై కనిపిస్తుంది. అనుకృతి పోషించిన పాత్ర చిన్నదే. అనుపమ్ ఖేర్, మురళీశర్మ, నాజర్ తదితరులు పాత్రల పరిధి మేరకు నటించారు. రేణుదేశాయ్ చేసిన హేమలతా లవణం పాత్ర తెరపై నిస్తేజంగా కనిపిస్తుంది. ఎమ్మెల్యే యలమంద పాత్రలో హరీష్ పేరడి, ఆయన కొడుకు కాశీగా సుదేవ్ నాయర్, సీఐ పాత్రలో జిషూ సేన్ గుప్తా విలనిజం ప్రదర్శించారు. (Tiger Nageswara Rao Review in telugu) సాంకేతికంగా సినిమా ఉన్నతంగా ఉంది. ముఖ్యంగా జీవీ ప్రకాశ్కుమార్ సంగీతం చిత్రానికి ప్రధానబలం. నేపథ్య సంగీతంతో తనదైన ప్రభావం చూపించారు. కెమెరా, ప్రొడక్షన్ డిజైన్ విభాగాలు మంచి పనితీరుని ప్రదర్శించాయి. ఈ సినిమాకి కథ, కథనాలతోపాటు నిడివి మరో ప్రధాన సమస్య. మాటలు బాగున్నాయి. నిర్మాణం ఉన్నతంగా ఉంది.
- బలాలు
- + ఆరంభ సన్నివేశాలు
- + రవితేజ నటన
- + సంగీతం... ఛాయాగ్రహణం
- బలహీనతలు
- - ఆసక్తి రేకెత్తించని కథ, కథనాలు
- - కొరవడిన భావోద్వేగాలు
- - నిడివి (Tiger Nageswara Rao Review in telugu)
- చివరిగా: టైగర్ నాగేశ్వరరావు... అక్కడక్కడా మెప్పిస్తాడు!
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
పోరాడి ఓడిన ముంబయి.. దిల్లీ ఖాతాలో ఐదో విజయం
-
టాప్లో ప్రభాస్ మూవీ.. ప్రేక్షకులు వీటి కోసమే వేచి చూస్తున్నారట
-
లోన్ యాప్ వేధింపులకు బీటెక్ విద్యార్థి బలి
-
కిర్రాకు పుట్టిస్తున్న అషు.. కేక పెటిస్తున్న ఖుషీ..
-
‘నా ప్రత్యర్థి మోదీ.. సీఎం కాదు’: హిమంతకు ఖర్గే కౌంటర్
-
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!