Chandrababu: వాజ్‌పేయీకి నివాళులర్పించిన తెదేపా అధినేత చంద్రబాబు

అమరావతి: మాజీ ప్రధాని వాజ్‌పేయీ జయంతి సందర్భంగా తెదేపా అధినేత చంద్రబాబు నివాళులర్పించారు. ఆయనతో తనకున్న అనుబంధాన్ని గుర్తు చేసుకున్నారు. వాజ్‌పేయీది రాజకీయాలకు అతీతంగా కీర్తించే వ్యక్తిత్వమని కొనియాడారు. ఆయనతో గడిపిన ప్రతిక్షణం నేర్చుకోవడానికి గొప్ప అవకాశమిచ్చిందన్నారు.

వాజ్‌పేయీ కల సాకారం కాబోతోంది: కిషన్‌రెడ్డి

అయోధ్యలో రామమందిరం నిర్మించాలని వాజ్‌పేయీ ఆకాంక్షించారని కేంద్ర మంత్రి కిషన్‌రెడ్డి అన్నారు. ప్రధాని మోదీ హయాంలో ఆయన కల సాకారం కాబోతోందని హర్షం వ్యక్తం చేశారు. వాజ్‌పేయీ జయంతి సందర్భంగా హైదరాబాద్‌లోని భాజపా రాష్ట్ర కార్యాలయంలో నిర్వహించిన కార్యక్రమంలో ఆయన పాల్గొన్నారు. వాజ్‌పేయీ జయంతిని సుశాసన్‌ దినోత్సవంగా నిర్వహిస్తున్నట్లు ఆయన గుర్తు చేశారు.