ఎమ్మెల్సీ అనంతబాబు రిమాండు పొడిగింపు

రాజమహేంద్రవరం నేరవార్తలు, న్యూస్‌టుడే: కాకినాడలో దళిత యువకుడు వీధి సుబ్రహ్మణ్యం హత్య కేసులో ప్రధాన నిందితుడిగా ఉన్న ఎమ్మెల్సీ అనంతబాబు రిమాండ్‌ గడువును రాజమహేంద్రవరం ఎస్సీ, ఎస్టీ కోర్టు మరోసారి పొడిగించింది. కేంద్ర కారాగారంలో ఉన్న అనంతబాబుకు గతంలో విధించిన 14 రోజుల రిమాండు పూర్తికావడంతో శుక్రవారం పోలీసులు ఆయన్ని న్యాయమూర్తి ఎదుట హాజరుపరిచారు. విచారణ అనంతరం అక్టోబరు 7వరకు న్యాయమూర్తి రిమాండు పొడిగించారు. అనంతబాబును కేంద్ర కారాగారం నుంచి ఉదయం ఎస్కార్ట్‌తో తీసుకువచ్చిన పోలీసులు.. విచారణ అనంతరం కోర్టు వెనుక గేటు నుంచి వాహనంలో జైలుకు తరలించారు.