Nitish kumar: నీతీశ్‌ యూటర్న్‌.. నెట్టింట ఫన్నీ మీమ్స్‌!

ఇంటర్నెట్‌ డెస్క్‌: ‘చావనైనా చస్తాను గానీ భాజపాతో మళ్లీ కలవను’ అంటూ ప్రతిజ్ఞ చేసి ఏడాది కాకముందే బిహార్‌ ముఖ్యమంత్రి నీతీశ్‌ కుమార్‌ మరోసారి కూటమి మార్చేశారు. ఆర్జేడీ, కాంగ్రెస్‌తో కూడిన మహా కూటమికి మరోసారి హ్యాండిచ్చి భాజపా నేతృత్వంలోని ఎన్డీయే కూటమితో జత కట్టారు. ఒకప్పుడు మంచి పాలకుడిగా పేరు తెచ్చుకున్న నీతీశ్‌.. పదే పదే కూటములు మారుస్తూ తన ప్రతిష్ఠను దిగజార్చుకున్నారు. దీంతో ఆయనపై నెట్టింట మీమ్స్‌ సందడి చేస్తున్నాయి. ఎవరికి ఎక్కువ సీట్లు వచ్చినా నీతీశే సీఎం అనే అర్థం వచ్చేలా కొందరు మీమ్స్‌ పోస్ట్‌ చేస్తుండగా.. బిహార్‌లో రాజకీయ పరిస్థితులకు ఈ వీడియో సరిగ్గా సరిపోతుందంటూ ఓ సినిమాలోని క్లిప్పింగ్‌ను కొందరు పోస్ట్‌ చేస్తున్నారు. జేడీయూ పార్టీ గుర్తు (బాణం) కూడా నీతీశ్‌కు వైఖరికి అనుగుణంగా ఎటు కావాలంటే అటు దూసుకెళ్లగలదంటూ మరో నెటిజన్‌ పోస్ట్‌ చేశాడు. అలాంటి మీమ్స్‌ మీరూ చూసేయండి..