ప్రజ్ఞానంద హ్యాట్రిక్‌

మియామి: అమెరికన్‌ ఫైనల్‌ ఆఫ్‌ ఛాంపియన్స్‌ చెస్‌ టూర్‌లో భాగంగా జరుగుతున్న ఎఫ్‌టీఎక్స్‌ క్రిప్టో కప్‌లో భారత యువ సంచలనం ప్రజ్ఞానంద హ్యాట్రిక్‌ విజయాన్ని సాధించాడు. గురువారం మూడో రౌండ్లో హన్స్‌ నీమన్‌ (అమెరికా)పై 2.5-1.5తో విజయం సాధించాడు. నాలుగు గేమ్‌ల ఈ పోరులో తొలి గేమ్‌లో ఓడిన ప్రజ్ఞానంద.. రెండు, నాలుగు గేమ్‌లలో నెగ్గి విజయాన్ని సొంతం చేసుకున్నాడు. మూడో గేమ్‌ డ్రాగా ముగిసింది. ఈ విజయంతో తొమ్మిది పాయింట్లతో మాగ్నస్‌ కార్ల్‌సన్‌తో సంయుక్తంగా ప్రజ్ఞానంద అగ్రస్థానంలో కొనసాగుతున్నాడు. ఈ టోర్నీలో తొలి రౌండ్లో అలీరెజాపై, రెండో రౌండ్లో అనీష్‌ గిరిపై ప్రజ్ఞానంద గెలిచాడు.