నేటి నుంచి ఆన్‌లైన్‌లో కోర్టుల విచారణ

కరోనా వ్యాప్తి నేపథ్యంలో మంగళవారం నుంచి హైకోర్టుతో సహా అన్ని కోర్టుల్లో ఆన్‌లైన్‌లోనే విచారణ నిర్వహించాలని హైకోర్టు నిర్ణయించింది. ఈ మేరకు సోమవారం జిల్లా కోర్టులకు హైకోర్టు ఆదేశాలు జారీ చేసింది. ఫిబ్రవరి 4 వరకు కోర్టుల విచారణ, నిర్వహణ ఆన్‌లైన్‌లోనే కొనసాగుతుందని రిజిస్ట్రార్‌ జనరల్‌ ఉత్తర్వులు జారీ చేశారు. అలాగే.. కొత్తగా ఎంపికైన 65 మంది జూనియర్‌ సివిల్‌ జడ్జీలకు గతేడాది డిసెంబరు1 నుంచి జరుగుతున్న శిక్షణ తరగతులనూ మార్చి 31 వరకు ఆన్‌లైన్‌లోనే కొనసాగించాలని హైకోర్టు నిర్ణయించింది.