బెలారస్‌లోకి వాగ్నర్‌ ముఠా

మిన్స్క్‌: రష్యా అధ్యక్షుడు వ్లాదిమిర్‌ పుతిన్‌ అధికారాన్ని సవాల్‌ చేస్తూ.. గత నెలలో తిరుగుబాటు చేసిన వాగ్నర్‌ ముఠా శనివారం బెలారస్‌లోకి చేరుకుంది. దాదాపు 60 వాహనాలతో ఆ గ్రూప్‌ సైనికులు బెలారస్‌వైపు వెళుతున్న దృశ్యాలు కనిపించాయి. ఉక్రెయిన్‌ యుద్ధంలో రష్యా సైన్యంతో కలిసి పోరాటం చేసిన ప్రిగోజిన్‌ నేతృత్వంలోని వాగ్నర్‌ ముఠా...అనూహ్యంగా గత నెల తిరుగుబాటు చేసింది. పుతిన్‌కు సన్నిహితుడైన బెలారస్‌ అధ్యక్షుడు లుకషెంకో రంగంలోకి దిగి..వారిని శాంతింపచేశారు. దీంతో మాస్కోకి 200 కిలోమీటర్ల దూరంలో వాగ్నర్‌ సేనలు ఆగిపోయాయి. ఆ సమయంలో వాగ్నర్‌ ముఠాకు.. రష్యా సైన్యంలోకి చేరడం లేదా బెలారస్‌కు వెళ్లి తలదాచుకొనే అవకాశమిచ్చారు. సైన్యంలో చేరడానికి ప్రిగోజిన్‌ నిరాకరించారు.