కన్నవారు కాదనుకుంటే.. పెంచినవారికి పేరు తెచ్చింది
close
Updated : 29/06/2021 06:02 IST
Facebook Share Twitter Share WhatsApp Share Telegram Share Link Share

కన్నవారు కాదనుకుంటే.. పెంచినవారికి పేరు తెచ్చింది

పోషించే స్థోమత లేదని అమ్మానాన్నా అనాథాశ్రమంలో వదిలేశారు. వారాల వయసున్న పసికందును ఓ దంపతులు అక్కున చేర్చుకున్నారు. ఆసక్తి చూపితే క్రికెట్‌ను నేర్పించారు. ఆ అమ్మాయి అంతర్జాతీయ జట్టులోకి అడుగుపెట్టింది. దానికి నాయకత్వం వహించడమే కాకుండా పెరిగిన దేశానికి ప్రపంచ కప్పునూ అందించింది. ఆస్ట్రేలియా మాజీ క్రికెటర్‌ లిసా కాప్రినీ స్తాలేకర్‌ కథే ఇది.

లిసాది పుణె. మూడు వారాల పసికందుగా ఉన్నప్పుడే పెంచే స్థోమత లేదని ఆమె తల్లిదండ్రులు తనని అనాథాశ్రమం మెట్లపై వదిలేశారు. ఆమె పేరు లైలా అనీ, పుట్టిన తేదీ ఫలానా అని మాత్రం చీటీ మీద రాసి ఉంచారు. ఆ ఆశ్రమానికి హారెన్‌, సూ స్తాలేకర్‌ అనే ఒక ఇండో ఆస్ట్రేలియన్‌ జంట దత్తత తీసుకోవడానికి వచ్చింది. వాళ్లకి ఇదివరకే ఒక అమ్మాయి. బాబును దత్తత తీసుకోవాలనుకున్నారు. కానీ కుదరలేదు. ఉయ్యాల్లో పెద్ద కళ్లతో తమనే చూస్తూ నవ్వుతున్న ఓ పాప వాళ్లని ఆకర్షించింది. ఆమెను దత్తత తీసుకుని, లిసా స్తాలేకర్‌గా పేరు మార్చారు. ఆమెను తీసుకుని యూఎస్‌కి వెళ్లిపోయారు. కన్నబిడ్డలా చూసుకున్నారు. లిసాకు నాలుగేళ్లు వచ్చేసరికి వాళ్లు ఆస్ట్రేలియాకు వచ్చేశారు. దత్తత తీసుకున్న తల్లిదండ్రులిద్దరికీ ఆస్ట్రేలియన్‌ పౌరసత్వం ఉంది. ఆమెకీ అక్కడే పౌరసత్వం ఇప్పించారు. తనకు ఊహ తెలిశాక దత్తత విషయాన్ని ఆమెకు చెప్పారు. వేరే వాళ్ల ద్వారా తెలిస్తే ఆమె తట్టుకోలేదన్నది వాళ్ల ఉద్దేశం. ప్రేమ విషయంలో కానీ అన్నింటినీ సమకూర్చడంలో కానీ ఎప్పుడూ ఆ భావన కలగకుండా పెంచారంటుంది లిసా. ఆమే అది విని కుంగిపోకుండా ఎప్పుడూ ఏదైనా సాధించి తనను తాను నిరూపించుకోవాలనుకునేదట. ఓసారి ఇంటివెనుక కొందరు పిల్లలు క్రికెట్‌ ఆడటం గమనించింది. తనూ ఆడతానంటే తండ్రి ఒప్పుకున్నాడు. బాగా ఆడుతుండటం, ఆమె ఆసక్తి గమనించి శిక్షణనూ ఇప్పించాడు. అప్పటివరకూ విమెన్‌ క్రికెట్‌ సంగతే ఆమెకు తెలియదు. కేవలం ఆడాలనుకుందంతే.

ఓరోజు ఆస్ట్రేలియా- ఇంగ్లాండ్‌ మహిళల క్రికెట్‌ చూడటానికి లిసాను తీసుకెళ్లాడాయన. మగవాళ్లతోపాటు ఆడవాళ్లూ ఆడతారని తెలుసుకుని ఆశ్చర్యపోయింది. తనూ దేశం కోసం ఆడాలనుకుంది. ఇదే తనకు తగినదనుకుని పట్టుదలతో ఆడి ఆల్‌ రౌండర్‌గా ఎదిగింది. ఈ క్రమంలో ఆస్ట్రేలియా నాలుగు ప్రపంచకప్‌లు గెలవడంలో పాత్ర పోషించింది. వన్డేల్లో 1000 పరుగులతోపాటు 100 వికెట్లు సాధించిన మొదటి మహిళా క్రికెటర్‌గా నిలిచింది. అంతేకాదు జట్టుకు నాయకురాలై ముందుండి నడిపించింది. ఈ ప్రయాణంలో ఎన్నో అవార్డులూ అందుకుంది. 2013లో వన్డే ప్రపంచకప్‌ను అందుకున్నాక ఆటకు వీడ్కోలు పలికింది. అది భారత్‌లోనే జరగడం విశేషం. ప్రస్తుతం 41 ఏళ్ల లిసా క్రికెట్‌ కామెంటేటర్‌గా చేస్తోంది. తనను కన్నవారి గురించి తెలుసుకోవాలని ఎప్పుడైనా అనిపించిందా అని చాలామంది లిసాను అడుగుతుంటారు. దానికి ఆమె.. ‘నాకు ఎంతో ప్రేమను అందించే తల్లిదండ్రులున్నారు. వాళ్లెప్పుడూ నన్ను వేరుగా చూడలేదు. అలాంటప్పుడు నన్ను వద్దనుకున్నవాళ్ల కోసం ఎందుకు తాపత్రయపడాలి? నన్ను పెంచిన వారికి అది అవమానం కదా?’ అంటుంది. లిసా ఆస్ట్రేలియన్‌ క్రికెటర్స్‌ అసోసియేషన్‌కు మహిళా బోర్డ్‌ మెంబర్‌గా పనిచేసింది. విమెన్స్‌ ఇంటర్నేషనల్‌ క్రికెట్‌ లీగ్‌ ఫౌండర్‌ కూడా. ఈ ఏడాది క్రికెట్‌ హాల్‌ ఆఫ్‌ ఫేమ్‌లో ఈమెకు స్థానం కల్పిస్తున్నట్లు ఆ దేశ బోర్డు ప్రకటించింది. ఈమె కథనంతా తాజాగా ట్విటర్‌లో ఎవరో పంచుకోగా అది వైరల్‌ అయ్యింది. తన గతాన్ని తెలుసుకుని కుంగిపోకుండా ముందుకు సాగడమే కాకుండా పెంచినవారినీ గర్వించేలా చేసిందని చదివిన వారంతా కామెంట్లు పెడుతున్నారు. ఇంకొందరు తన స్ఫూర్తి కథనాన్ని తమ పిల్లలతో పంచుకుంటామనీ అంటున్నారు. నిజమే వద్దనుకున్న స్థాయి నుంచి అందరూ గర్వించే స్థాయికి ఎదగడం స్ఫూర్తిమంతమే కదూ!


మంచిమాట

చాలామంది మహిళలు తమను తాము తక్కువగా అంచనా వేసుకుంటారు. మన నైపుణ్యాలను మనం గుర్తించి గౌరవించుకోవాలి.

- బార్బరా కొర్కొరన్‌, వ్యాపారవేత్త


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని