పేదింటి బిడ్డలు.. బంగారు కొండలు
close
Updated : 20/09/2021 05:46 IST

పేదింటి బిడ్డలు.. బంగారు కొండలు

అమ్మాయిలకు ఆటలేంటి అన్నా... ఆర్థిక ఇబ్బందులు అడ్డంపడినా... క్రీడల్లో తమ ప్రతిభతో రాణించారు ఈ ఇద్దరూ. వారి ఒలింపిక్స్‌ కలలపై కరోనా మహమ్మారి విరుచుకుపడింది.  దాంతో ఒకరు కొవిడ్‌తో ఆసుపత్రిలో చేరగా, మరొకరి కన్నతండ్రి ఈ వైరస్‌తోనే కన్నుమూశారు.  ఈ పరిస్థితులతో టోక్యో ఒలింపిక్స్‌కు వెళ్లే అవకాశాన్ని కోల్పోయారు. అయినా ఆత్మవిశ్వాసాన్ని వదల్లేదీ యువతులు. తాజాగా హనుమకొండలో జరిగిన 60వ జాతీయ ఓపెన్‌ అథ్లెటిక్స్‌ ఛాంపియన్‌షిప్‌లో బంగారు పతకాలను పండించారు. వారే తమిళనాడుకు చెందిన విత్య, మహారాష్ట్రకు చెందిన సంజీవని బాబురావు జాదవ్‌. వారిని ‘వసుంధర’ పలకరించింది.


21 రోజులు ఆసుపత్రిలో ఉన్నా

టలో గెలుపోటములే కాదు...జీవితంలో ఆటుపోట్లూ తెలిసినదాన్ని. కొన్ని సందర్భాల్లో పరిస్థితులు నన్ను కట్టిపడేసినా... నా కలను మాత్రం దూరం చేయలేకపోయాయి. తాజా విజయం మరింత స్ఫూర్తినిచ్చింది. మాది తమిళనాడులోని కోయంబత్తూరు. దిగువ మధ్యతరగతి కుటుంబం. నాన్న ఆటోడ్రైవర్‌. అమ్మ గృహిణి. మొదటి కాన్పులోనే కాదు...తర్వాత పుట్టిన కవలలం కూడా ఆడపిల్లలమే. ముగ్గురాడపిల్లల పోషణ కష్టమని...వారికి త్వరగా పెళ్లి చేసేయండని చెప్పేవారు అంతా. కానీ అమ్మానాన్నలు మాత్రం మమ్మల్ని భారంగా భావించలేదు. ఎన్ని ఆర్థిక ఇబ్బందులు ఎదురైనా...రాత్రింబవళ్లు కష్టపడి మరీ మమ్మల్ని చదివించేవారు. అప్పటికి నేను ఆరోతరగతి చదువుతున్నా. వ్యాయామ ఉపాధ్యాయుడు నేను క్రీడల్లో చురుగ్గా ఉండటం గుర్తించి ప్రోత్సహించారు. ఆయనే ప్రభుత్వ స్పోర్ట్స్‌ స్కూల్లో చేర్పించారు. అక్కడ సుమారు 80 మంది ఆడపిల్లలు ఉండేవారు. బాత్రూం ముందు చాంతాడంత వరుస ఉండేది. అందుకే ఏ మూడింటికో లేచి కాలకృత్యాలు తీర్చుకునేదాన్ని. ఐదు నుంచి ఎనిమిది వరకూ అథ్లెటిక్స్‌లో శిక్షణ, ఆపై బడి, సాయంత్రం సాధన....ఇలా రోజులో ఇరవై గంటలకు పైగా కాలంతో పాటు పరుగెత్తేదాన్ని. ప్రభుత్వం అన్నీ ఉచితంగా అందించినా...అవి సరిపోయేవి కావు. ముఖ్యంగా వారిచ్చే ఒక జత చెప్పులు ఏడాదిపాటు మన్నేవి కావు...నాన్న రూపాయి రూపాయి కూడబెట్టి వాటిని కొనిచ్చేవారు. క్రీడాకోటాలోనే కాలేజీలో సీటు సంపాదించి బీబీఏ పూర్తిచేశా. జాతీయ స్థాయి జూనియర్‌లో 4 మెడల్స్‌, సీనియర్‌ ఫెడరేషన్‌లో 400 హర్డల్స్‌లో బంగారు పతకం సాధించాను. 2020లో టోక్యోలో జరగాల్సిన ఒలింపిక్స్‌కు 2019లోనే పాటియాలాలో జరిగిన ఇండియన్‌ క్యాంపునకు వెళ్లా. అప్పుడు కరోనా వల్ల ఒలింపిక్స్‌ వాయిదా పడ్డాయి. ఈసారి కచ్చితంగా వెళతానని కోటి ఆశలు పెట్టుకున్నా, కానీ ఏప్రిల్‌లో కొవిడ్‌ వచ్చి 21 రోజులపాటు ఆసుపత్రిలో చేరా. దాంతో ఒలింపిక్స్‌కు వెళ్లే అవకాశం కోల్పోయా.  కొవిడ్‌ తర్వాత సాధన చేయడం ఎంతో సవాలుగా మారింది. అయినా కూడా కఠోర శ్రమ చేయడంతోనే ఇప్పుడు 400 మీటర్లు, 400 మీటర్ల హర్డల్స్‌, 4్ల400 రిలేలో మూడు బంగారు పతకాలు సాధించగలిగా. వచ్చే ఏడాది కామన్వెల్త్‌ ఆటల్లో కచ్చితంగా పతకం సాధించి తీరుతా.


నాన్న దూరమైనా...

మాది మహారాష్ట్రలోని నాసిక్‌. ఎంఏ సైకాలజీ పూర్తిచేశా. ఎప్పటికైనా ఒలింపిక్స్‌ పతకం సాధించడమే లక్ష్యంగా సాధన చేస్తున్నా. పతకం తీసుకొస్తానని నాన్న బాబూరావుకి మాట ఇచ్చాను. కానీ నా కల నెరవేరక ముందే ఆయన కరోనాతో కన్నుమూశారు. ఒలింపిక్స్‌కు సరిగ్గా నెల ముందు నాన్నతోపాటు,  అమ్మ, అన్నయ్య.. అందరూ కరోనా బారిన పడ్డారు. ఒకవైపు ఆసుపత్రిలో కుటుంబమంతా చికిత్స పొందుతోంది. మరోవైపు ఒలింపిక్స్‌ సెలక్షన్స్‌ ఉండడంతో తీవ్ర ఒత్తిడికి గురయ్యా. అథ్లెటిక్స్‌ ఫెడరేషన్‌ ఆఫ్‌ ఇండియా(ఏఎఫ్‌ఐ) నుంచి టోక్యో ఒలింపిక్స్‌ సెలక్షన్ల కోసం ఎంపిక శిబిరానికి రావాలని పిలుపు వచ్చిన రోజే నాన్న కన్నుమూశారు. మిగిలినవారికీ కరోనా తగ్గకపోవడంతో కనీసం వాళ్లు అంత్యక్రియలకు కూడా రాలేని పరిస్థితి. గుండెనిండా దుఃఖంతో బంధువుల సాయంతో నాన్న అంత్యక్రియలు పూర్తి చేశా.  ఆ ప్రభావం నాపై చాలా రోజులు ఉంది. నెమ్మదిగా కోలుకున్నాక ఆటపై దృష్టిపెట్టా. నాన్నకు ఇచ్చిన మాట కోసం మళ్లీ ట్రాక్‌పై పరుగుతీశా. తాజాగా హనుమకొండలో జరిగిన జాతీయ అథ్లెటిక్స్‌ పోటీలో పదివేల మీటర్లలో బంగారు పతకం, 5000 మీటర్లలో రజత పతకం సాధించి నాన్నకు అంకితమిచ్చా. 2017లో తైపీలో జరిగిన వరల్డ్‌ యూనివర్సిటీ గేమ్స్‌లో తొలి రజత పతకం సాధించిన భారత మహిళగా రికార్డు నెలకొల్పా. ఇంకా అంతర్జాతీయ స్థాయిలో ఎనిమిది వరకు పతకాలను కైవసం చేసుకున్నా. మహారాష్ట్ర ప్రభుత్వం 2019లో తాలూకా స్పోర్ట్స్‌ అధికారిగా ఉద్యోగం ఇచ్చింది. నాన్నకి ఇచ్చిన మాట కోసం ఒలింపిక్స్‌లో పతకం తీసుకొస్తానంటూ’ కన్నీటి పర్యతమయ్యింది సంజీవని బాబురావు జాదవ్‌. తన విజయంలో కోచ్‌ విజయేంద్రసింగ్‌ పాత్ర వెలకట్టలేనిదని చెబుతోంది.

- గుండు పాండురంగశర్మ, కర్పనస్వామి చిన్నబాబు, వరంగల్‌



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని