బెయిల్స్‌ లేకుండా క్రికెట్‌ ఆడొచ్చా?

అడగండి చెబుతాం!

బెయిల్స్‌ లేకుండా క్రికెట్‌ ఆడొచ్చా?

గురు @ విజేత

* అంతర్జాతీయ క్రికెట్లో స్టంప్స్‌పై ఉన్న బెయిల్స్‌ పడితేనే ఆటగాడిని ఔట్‌ (క్యాచ్‌, ఎల్బీ మినహా)గా ప్రకటిస్తారనే విషయం తెలిసిందే. కొన్నిసార్లు వికెట్లకు బంతి తాకినా బెయిల్స్‌ కిందపడకపోవడంతో బ్యాట్స్‌మన్‌ బతికిపోయిన సందర్భాలూ ఉన్నాయి. అయితే ఐసీసీ నిబంధనల ప్రకారం బెయిల్స్‌ లేకున్నా కూడా మ్యాచ్‌ నిర్వహించవచ్ఛు

* ఇటీవల ఇంగ్లాండ్‌, ఆస్ట్రేలియా మధ్య మాంచెస్టర్‌లో జరిగిన యాషెస్‌ సిరీస్‌ నాలుగో టెస్టులో కొంత సమయం బెయిల్స్‌ తీసేసి ఆట కొనసాగించారు. ఆస్ట్రేలియా తొలి ఇన్నింగ్స్‌లో బలమైన గాలులు వీచి బెయిల్స్‌ పదేపదే కిందపడడంతో అంపైర్లు ఈ నిర్ణయం తీసుకున్నారు. 2017లో అఫ్గానిస్థాన్‌, వెస్టిండీస్‌ జట్ల మధ్య వన్ఢే. వికెట్ల మీద బెయిల్స్‌ లేకుండా నిర్వహించిన మొదటి అంతర్జాతీయ మ్యాచ్‌గా రికార్డుల్లోకి ఎక్కింది.

* ఐసీసీ నిబంధన 8.4 ప్రకారం... ‘‘అవసరం అనుకుంటే అంపైర్లు స్టంప్స్‌పై బెయిల్స్‌ను తీసేయొచ్ఛు పిచ్‌కు రెండు వైపులా బెయిల్స్‌ లేకుండా ఆట కొనసాగించవచ్ఛు వాతావరణ పరిస్థితులు మెరుగైన తర్వాత తిరిగి బెయిల్స్‌ను పెట్టాలి’’

* స్టంప్స్‌పై ఉన్న బెయిల్స్‌ పడితేనే కదా ఆటగాడిని ఔట్‌గా ప్రకటించేది.. మరి బెయిల్స్‌ లేకుంటే అంపైర్లు ఎలా ఔట్‌ ఇస్తారు అనే సందేహం కలగడం సహజం. బెయిల్స్‌ లేనప్పుడు బంతి.. స్టంప్స్‌కు తాకితే బ్యాట్స్‌మన్‌ను ఔట్‌గా ప్రకటించడం పూర్తిగా అంపైర్‌ విచక్షణపై ఆధారపడి ఉంటుంది. స్టంప్స్‌కు బంతి తాకిందని అంపైర్‌ భావిస్తే ఔట్‌ ఇచ్చే అవకాశం ఉంది. బంతి బలంగా లేదా నెమ్మదిగా తాకినా కూడా బ్యాట్స్‌మన్‌ను ఔట్‌గా ప్రకటించే వీలుంది. ఒకవేళ స్టంప్స్‌ను బంతి ముద్దాడుతూ వెళ్లినా.. అంపైర్‌ తాకలేదని భావిస్తే ఔట్‌ ఇవ్వకపోవచ్ఛు.

Tags :