close

తాజా వార్తలు

ఒక్కడితోనే విమానం బయల్దేరింది!

ఇంటర్నెట్‌ డెస్క్: ఎప్పుడైనా మీరు విమాన ప్రయాణం చేశారా..? అంటే చాలా మంది చేశామని అంటారు. కానీ ఒంటరిగా విమానంలో ప్రయాణించారా అంటే అవునని చెప్పే వాళ్లు చాలా తక్కువ. కానీ న్యూయార్క్‌లో ఒక వ్యక్తి అనుకోకుండా అలాంటి అవకాశాన్ని కొట్టేశాడు. అతడు బుక్‌ చేసుకున్న విమానంలో ప్రయాణించేందుకు వేరెవరూ టికెట్‌ తీసుకోకపోవడంతో ఒక్కడే ప్రయాణించే అవకాశాన్ని పొందగలిగాడు. 
వివరాల్లోకి వెళ్తే.. న్యూయార్క్‌కు చెందిన ప్రముఖ రచయిత, దర్శకుడు విన్సెంట్‌ పియోన్‌ కొలరాడోలోని ఆస్పెన్‌ నుంచి సాల్ట్‌లేక్‌ సిటీలోని తన ఇంటికి వెళ్లేందుకు బయల్దేరాడు. ఈ క్రమంలో విమానాశ్రయానికి వెళ్లిన పియోన్‌కు డెల్టా విమానంలో ప్రయాణించడానికి టికెట్‌ బుక్‌ చేసుకున్నది తానొక్కడిననే విషయం తెలియదు. విమానాశ్రయంలోకి వెళ్లగానే బోర్డింగ్‌ వద్ద సిబ్బంది ఈ విమానంలో ప్రయాణించే వ్యక్తి మీరు ఒక్కరే అని చెప్పడంతో అతడు ఆశ్చర్యానికి గురయ్యాడు. ఒక్కడినే ప్రయాణించబోతున్నానని తెలిసి తన ఒంటరి ప్రయాణాన్ని వీడియో తీసి ట్విటర్‌లో పోస్ట్‌ చేశారు. అనంతరం మీడియాతో మాట్లాడిన పియోన్‌.. ‘సిబ్బంది నన్ను విమానం వద్దకు తీసుకెళ్తుంటే.. గతంలో ఇలాంటి సంఘటనలు ఎప్పుడైనా చూశారా అని వారిని అడిగాను. గతంలో కొన్ని సందర్భాల్లో జరిగాయని సమాధానమిచ్చారు. ఆ తర్వాత నేనొక్కడినే ప్రయాణికుడిని కావడంతో కార్గో సిబ్బంది విమానంలో బరువు ఉండటానికి ఇసుక సంచులు వేయడం గమనించాను. అనంతరం లోపలకు వెళ్లగానే ఒక్కడినే అయినా నాకు స్వాగతం పలికారు. ఇవన్నీ చూసి గొప్ప అనుభూతికి లోనయ్యా’ అని వివరించాడు. విమానంలో ప్రయాణించిన వీడియోను పియోన్‌ ట్విటర్‌లో పోస్ట్‌ చేయడంతో అది వైరల్‌గా మారింది.

 



మరిన్ని

జిల్లా వార్తలు

దేవ‌తార్చ‌న

రుచులు