close

తాజా వార్తలు

Published : 03/12/2020 19:12 IST
Facebook Share Twitter Share WhatsApp Share Telegram Share

గోవాకు పయనమైన ‘క్రాక్‌’ టీమ్‌ 

హైదరాబాద్‌: మాస్‌ మహారాజ్‌ రవితేజ హీరోగా నటిస్తున్న ‘క్రాక్‌’టీమ్‌ గోవాకు పయనమైంది. ఫైనల్‌ షెడ్యూల్‌లో భాగంగా హీరో రవితేజ, హీరోయిన్‌ శృతీహసన్‌ మధ్య సముద్ర తీరంలో ఓ పాట చిత్రీకరించనున్నరట. ఈ పాటతో దాదాపు సినిమా చిత్రీకరణ మొత్తం పూర్తికానుంది. ఈ చిత్రానికి గోపీచంద్‌మలినేని దర్శకత్వం వహిస్తున్నారు. చిత్రబృందం ఇప్పటికే  ఓ మాస్‌ సాంగ్‌ను విడుదల చేసింది. ‘భూమ్‌ బద్దలు.. భూమ్‌ బద్దలు‌.. నా ముద్దుల సౌండు’ అంటూ సాగే ఈ పాట అది అభిమానులను బాగానే ఆకట్టుకుంది.

రవితేజ, గోపీచంద్‌ మలినేని కాంబినేషన్‌లో వచ్చిన ‘డాన్‌ శీను’, ‘బలుపు’ సినిమాలు అభిమానుల నుంచి మంచి మార్కులు కొట్టేశాయి. వీరిద్దరి కలయికలో వస్తున్న హ్యాట్రిక్‌ సినిమా కావడంతో ‘క్రాక్‌’పై భారీ అంచానాలు నెలకొన్నాయి. ఈ చిత్రంలో వరలక్ష్మి శరత్‌కుమార్‌, సముద్రఖని కీలకపాత్రల్లో కనిపించనున్నారు. సంగీత దర్శకుడు తమన్‌ బాణీలు అందిస్తున్నారు. 2021లో సంక్రాంతి కానుకగా ‘క్రాక్‌’ చిత్రం ప్రేక్షకుల ముందుకు వచ్చే అవకాశాలున్నాయి. 

ఇదిలా ఉండగా.. ఈ సినిమా తర్వాత రవితేజ కోసం మరో సినిమా సిద్ధంగా ఉంది. ‘క్రాక్‌’ చిత్రీకరణ ముగియగానే ఆయన ‘ఖిలాడి’ సెట్లో కాలుపెట్టనున్నారు. దానికి రమేశ్‌వర్మ దర్శకత్వం వహిస్తున్నారు. ఆ చిత్రానికి సంబంధించిన పోస్టర్‌ను కూడా చిత్రబృందం ఇప్పటికే విడుదల చేసింది. దానికి దేవిశ్రీ ప్రసాద్‌ స్వరాలు అందిచనున్నారు.

ఇదీ చదవండి..

మాస్‌ మహారాజ్‌.. మాస్‌ బీట్‌ వచ్చేసింది!



Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన