Vaccine: మహారాష్ట్రలో ‘కోటి మంది’కి రెండు డోసులు పూర్తి..! - telugu news maharashtra fully vaccinates 1 crore people
close
Published : 26/07/2021 21:44 IST
Facebook Share Twitter Share WhatsApp Share Telegram Share Link Share

Vaccine: మహారాష్ట్రలో ‘కోటి మంది’కి రెండు డోసులు పూర్తి..!

వెల్లడించిన రాష్ట్ర ఆరోగ్యశాఖ

ముంబయి: దేశంలో కరోనా వ్యాక్సిన్‌ను 18ఏళ్లుపైబడిన వారందరికీ సాధ్యమైనంత తొందరగా ఇచ్చేందుకు వ్యాక్సిన్‌ మెగా డ్రైవ్‌ ప్రారంభించిన విషయం తెలిసిందే. దేశవ్యాప్తంగా నిత్యం సరాసరి 30లక్షలకు పైగా డోసులను పంపిణీ చేస్తున్నారు. ఇందులో భాగంగా మహారాష్ట్ర మరో మైలురాయిని దాటింది. రాష్ట్రంలో కోటి మందికి పూర్తిస్థాయిలో రెండు డోసులను అందించినట్లు పేర్కొంది. దీంతో దేశంలో కోటి మందికి వ్యాక్సిన్‌ పంపిణీ చేసిన తొలి రాష్ట్రంగా మహారాష్ట్ర నిలిచింది.

మహారాష్ట్రలో జులై 26నాటికి రెండు డోసుల్లో కరోనా వ్యాక్సిన్‌ తీసుకున్న వారిసంఖ్య కోటి 64వేలుగా నమోదైనట్లు ఆ రాష్ట్ర ఆరోగ్యశాఖ కార్యదర్శి డాక్టర్‌ ప్రదీప్‌ వ్యాస్‌ వెల్లడించారు. మరో 3కోట్ల 16లక్షల మంది కనీసం ఒకడోసు తీసుకున్నారని చెప్పారు. మొత్తంగా 4కోట్ల 13లక్షల డోసులను పంపిణీ చేసినట్లు ప్రకటించారు. ఇక ఉత్తర్‌ప్రదేశ్‌లోనూ వ్యాక్సిన్‌ పంపిణీ వేగంగానే కొనసాగుతోంది. ఇప్పటివరకు అక్కడ 4కోట్ల 44లక్షల డోసులను పంపిణీ చేశారు. గుజరాత్‌లో 3.16కోట్ల డోసులు, రాజస్థాన్‌లో 3కోట్ల డోసులను అందించారు.

10లక్షల డోసులు అందించాం..రిలయన్స్‌

కరోనా వ్యాక్సిన్‌ పంపిణీని ప్రైవేటు సంస్థలూ భారీ స్థాయిలో చేపడుతున్నాయి. ఇందులో భాగంగా రిలయన్స్‌ ఫౌండేషన్‌ ఆధ్వర్యంలో తమ సంస్థ సిబ్బంది, వారి కుటుంబ సభ్యులకు కలిపి ఇప్పటివరకు 10లక్షల డోసులను పంపిణీ చేసినట్లు వెల్లడించింది. వ్యాక్సిన్‌ డ్రైవ్‌ను ఏప్రిల్ నెలలో ప్రారంభించగా.. తమ సిబ్బందిలో 98శాతం మందికి వ్యాక్సిన్‌ అందించామని ప్రకటించింది. ఈ పది లక్షల డోసులను ఉచితంగానే పంపిణీ చేశామని రిలయన్స్‌ ఫౌండేషన్‌ వెల్లడించింది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని