హైదరాబాద్‌: కరోనా వైరస్‌. ఈ ఏడాది ప్రపంచాన్ని కంటి మీద కునుకు లేకుండా చేస్తోంది. ఇప్పటికీ ఈ వ్యాధి బారిన పడుతున్న వారి సంఖ్య నానాటికీ పెరుగుతోంది. అందరి ఆశలు వ్యాక్సిన్‌పైనే ఉన్నాయి. ఇలాగే 2018లో నిఫా వైరస్‌ కూడా కలకలం సృష్టించింది. ఆ అంశం నేపథ్యంలో తెరకెక్కిన మలయాళ చిత్రం ‘వైరస్‌’. ఆశిష్ అబు దర్శకత్వంలో కుంచకో బోబన్‌, టోవినో థామస్‌ కీలక పాత్రల్లో నటించారు.

గతేడాది విడుదలైన ఈ చిత్ర బాక్సాఫీస్‌ వద్ద ఘన విజయాన్ని సొంతం చేసుకుంది. ఇప్పుడు ప్రముఖ ఓటీటీ ఆహా వేదికగా ప్రేక్షకుల ముందుకు వచ్చేందుకు సిద్ధమవుతోంది. డిసెంబరు 4న ఆహా వేదికగా ఇది ప్రసారం కానుంది. ఈ నేపథ్యంలో చిత్ర ట్రైలర్‌ను విడుదల చేశారు. ఆద్యంతం ఉత్కంఠగా సాగిన ట్రైలర్‌ను మీరూ చూసేయండి.