CM Jagan: విదేశాలకు వెళ్లేందుకు సీబీఐ కోర్టు అనుమతి కోరిన జగన్‌

హైదరాబాద్‌: పోలింగ్‌ తర్వాత విదేశాలకు వెళ్లేందుకు ఏపీ సీఎం జగన్‌ ప్లాన్‌ చేస్తున్నారు. ఈనెల 13న పోలింగ్‌.. జూన్‌ 4న ఓట్ల లెక్కింపు జరగనుంది. అయితే, ఈనెల 17 నుంచి జూన్‌ 1 వరకు విదేశాలకు వెళ్లేందుకు అనుమతి ఇవ్వాలని సీబీఐ కోర్టును కోరారు. లండన్‌, స్విట్జర్లాండ్‌, ఫ్రాన్స్‌ వెళ్లేందుకు అనుమతించాలని పిటిషన్ దాఖలు చేశారు. ముందస్తు అనుమతి లేకుండా దేశం విడిచి వెళ్లరాదన్న బెయిల్‌ షరతులు సడలించాలని కోరారు. కుటుంబ సభ్యులతో గడిపేందుకు విదేశాలకు వెళ్లనున్నట్టు పేర్కొన్నారు. జగన్‌ పిటిషన్‌పై కౌంటరు దాఖలు చేయాలని సీబీఐని ఆదేశించిన కోర్టు.. విచారణను గురువారానికి వాయిదా వేసింది.