మరణించినా వదల్లేదు..

తాజా వార్తలు

Published : 11/06/2020 05:48 IST

మరణించినా వదల్లేదు..

ఈనాడు, హైదరాబాద్‌: లాక్‌డౌన్‌ సమయంలో మరణించిన వృద్ధుడి ఆన్‌లైన్‌ ఖాతా సైబర్‌ నేరస్థులకు కాసులు కురిపించింది. 15 రోజుల్లో రూ.15 లక్షలను బదిలీ చేసుకున్నారు. ఆబిడ్స్‌లో  ఉండే విశ్రాంత అధికారి క్రాంతికుమార్‌ కొద్దిరోజుల కిందట అనారోగ్యంతో మృతిచెందారు. అమెరికాలో ఉన్న ఆయన కుమారులు లాక్‌డౌన్‌ కారణంగా రాలేదు. క్రాంతికుమార్‌, ఆయన మనవరాలి పేరుతో బ్యాంకులో సంయుక్త ఖాతా ఉంది. దీని ఏటీఎం కార్డు వివరాలతో సైబర్‌ నేరస్థులు రూ.15 లక్షలను వేర్వేరు రోజుల్లో బదిలీ చేసుకున్నారు. క్రాంతికుమార్‌ మనవరాలు తమ బంధువైన డాక్టర్‌ సత్వాలేకర్‌కు ఫోన్‌ చేసి ఖాతా వివరాలు తెలుసుకోమని కోరింది. రూ.25 లక్షలు నగదు ఉండగా అందులో రూ.15లక్షలు మాయమవడం ఆయన గుర్తించారు. బుధవారం సైబర్‌ క్రైమ్‌ పోలీసులకు ఫిర్యాదు చేశారు. ఏటీఎం కార్డును ఎవరైనా కొట్టేశారా? ఎక్కడైనా పడితే తీసుకున్నారా? అన్న కోణంలో పోలీసులు పరిశోధిస్తున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని