Crime News: పొరుగింటి వారు ఊరేళ్లారని తెలుసుకొని..

తాజా వార్తలు

Published : 19/10/2021 02:02 IST

Crime News: పొరుగింటి వారు ఊరేళ్లారని తెలుసుకొని..

గుంటూరు‌: పక్కింటివారు మరో ఊరు వెళ్లారని తెలుసుకొని ఆ ఇంట్లో దొంగతనానికి దిగాడు ఓ వ్యక్తి. ఉండవల్లిలో సాఫ్ట్‌వేర్‌ ఉద్యోగి ఇంట్లో జరిగిన దొంగతనం కేసును పోలీసులు ఛేదించారు. అంతర్రాష్ట్ర దొంగ నాగరాజుతో పాటు మరో ముగ్గురిని అరెస్టు చేసిన పోలీసులు రూ.30 లక్షలు విలువైన బంగారు ఆభరణాలు స్వాధీనం చేసుకున్నారు. ఈ కేసు వివరాలను గుంటూరు అర్బన్ ఎస్పీ ఆరిఫ్ హఫీజ్ వెల్లడించారు.

ఎస్పీ తెలిపిన వివరాల మేరకు.. ఉండవల్లి గ్రామానికి చెందిన సాఫ్ట్‌వేర్‌ ఉద్యోగి దినేష్ పండగ సందర్భంగా గుంటూరులోని తన అత్తవారింటికి వెళ్లారు. ఇదే అదనుగా భావించిన పక్కింటి వ్యక్తి విజయవాడకు చెందిన కొర్రపాటి వీరనాగరాజు.. దినేష్‌ ఇంట్లో చోరీకి పాల్పడ్డాడు. ఇంట్లోకి ప్రవేశించి 688 గ్రాముల బంగారు ఆభరణాలు ఎత్తుకెళ్లాడు. కాజేసిన బంగారు ఆభరణాలను విక్రయించేందుకు ప్రయత్నించి ఇవాళ పోలీసులకు చిక్కాడు. ప్రధాన నిందితుడు వీరనాగరాజు సహా మరో ముగ్గురిని పోలీసులు అరెస్టు చేశారు. నిందితుల నుంచి 688 గ్రాముల బంగారు అభరణాను పోలీసులు స్వాధీనం చేసుకున్నారు. విజయవాడకు చెందిన నాగరాజుపై అప్పటికే పలు కేసులు ఉన్నట్లు చెప్పారు. బాధితుడు పోలీసులను ఆశ్రయించగా.. ఐటీ కోర్ టీం సహాయంతో దర్యాప్తును చేపట్టి నిందితులను పట్టుకున్నట్లు ఎస్పీ చెప్పారు. చోరీ కేసును ఛేదించిన పోలీసులను ఎస్పీ ఆరిఫ్ హఫీజ్ అభినందించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని