close

తాజా వార్తలు

Published : 12/10/2020 16:24 IST
Facebook Share Twitter Share WhatsApp Share Telegram Share

ధోనీ కుమార్తెపై బెదిరింపులు: బాలుడి అరెస్టు

గుజరాత్‌లో అదుపులోకి తీసుకున్న పోలీసులు

అహ్మదాబాద్‌: భారత క్రికెట్‌ మాజీ కెప్టెన్‌, చెన్నై సారథి మహేంద్రసింగ్ ధోనీ కుమార్తెపై అనుచిత వ్యాఖ్యలు చేస్తూ, బెదిరింపులకు పాల్పడ్డ ఓ బాలుడిని గుజరాత్ పోలీసులు అదుపులోకి తీసుకున్నారు. విచారణలో ఆ పోస్టు తానే చేసినట్లు సదరు బాలుడు(16) అంగీకరించినట్లు పోలీసులు తెలిపారు. ఐదు రోజుల క్రితం చెన్నై, కోల్‌కతాకి మధ్య జరిగిన మ్యాచ్‌లో చెన్నై ఓటమిపాలైంది. ఈ నేపథ్యంలోనే ఓ వ్యక్తి చెన్నై కెప్టెన్‌ ధోనీ భార్య సాక్షి ఇన్‌స్టాగ్రామ్‌లో ఖాతాలో ఆమె కుమార్తెపై తీవ్ర పదజాలంతో ఓ పోస్టు చేశాడు. దీంతో ఆ పోస్టు తీవ్ర కలకలం రేపింది. పలువురు క్రికెటర్లు, రాజకీయ నేతలు, సినీ ప్రముఖులు నిరసన వ్యక్తం చేస్తూ సదరు వ్యక్తిపై చర్యలు తీసుకోవాలంటూ డిమాండ్‌ చేశారు.

దీంతో అప్రమత్తమైన రాంచీ పోలీసులు విచారణ చేపట్టి ఆ పోస్టు చేసింది గుజరాత్‌లోని కచ్‌ ప్రాంతానికి చెందిన ఓ బాలుడిగా గుర్తించారు. దీంతో ఆ రాష్ట్ర పోలీసులను అప్రమత్తం చేయగా వారు వెంటనే స్పందించారు. సదరు 12వ తరగతి చదువుతున్న బాలుడిని అదుపులోకి తీసుకొని ప్రశ్నించారు. విచారణలో బాలుడు నేరం అంగీకరించినట్లు పోలీసు సూపరింటెండెంట్‌ సౌరబ్‌సింగ్‌ వెల్లడించారు. కాగా ఆ పోస్టును ఆ బాలుడు ఒక్కడే పోస్టు చేశాడా, లేక ఇంకెవరితోనైనా కలిసి పోస్టు చేశాడా అనే కోణంలో విచారిస్తున్నారు. తదుపరి విచారణ కోసం బాలుడిని రాంచీ పోలీసులకు అప్పగించనున్నట్లు పోలీసులు తెలిపారు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.