Breaking | Feedback | ePratibha | E-PAPER | Pratibha

IND vs PAK: పాకిస్థాన్‌పై భారత్ ఘన విజయం

ప్రపంచకప్‌లో భాగంగా అహ్మదాబాద్‌ వేదికగా పాకిస్థాన్‌తో జరిగిన మ్యాచ్‌లో భారత్ 7 వికెట్ల తేడాతో ఘన విజయం సాధించింది. పాక్‌ నిర్దేశించిన 192 పరుగుల లక్ష్యాన్ని 30.3 ఓవర్లలోనే 3 వికెట్లు కోల్పోయి ఛేదించి ఈ ప్రపంచకప్‌లో హ్యాట్రిక్‌ విజయాన్ని అందుకుంది.

Updated : 14 Oct 2023 20:09 IST

14/10/2023 20:05(IST)

భారత్ ఘన విజయం

ప్రపంచకప్‌లో పాకిస్థాన్‌పై భారత్ మరోసారి తిరుగులేని ఆధిపత్యాన్ని కనబర్చింది.
వరల్డ్ కప్‌లో పాక్‌తో ఆడిన ఏడుసార్లు విజయం సాధించిన టీమ్‌ఇండియా ఎనిమిదో మ్యాచ్‌లోనూ గెలుపొంది ఆ రికార్డు పదిలం చేసుకుంది.
అహ్మదాబాద్‌ వేదికగా చిరకాల ప్రత్యర్థితో జరిగిన మ్యాచ్‌లో భారత్ 7 వికెట్ల తేడాతో ఘన విజయం సాధించింది.
పాక్‌ నిర్దేశించిన 192 పరుగుల లక్ష్యాన్ని 30.3 ఓవర్లలోనే 3 వికెట్లు కోల్పోయి ఛేదించి ఈ ప్రపంచకప్‌లో హ్యాట్రిక్‌ విజయాన్ని అందుకుంది.
రోహిత్‌ శర్మ (86; 63 బంతుల్లో 6 ఫోర్లు, 6 సిక్స్‌లు) మరోసారి భారీ ఇన్నింగ్స్‌తో అలరించాడు.
శ్రేయస్ అయ్యర్ (53*; 62 బంతుల్లో 3 ఫోర్లు, 2 సిక్స్‌లు) అర్ధ శతకం బాదాడు.

14/10/2023 19:31(IST)

ప్చ్‌.. రోహిత్ ఔట్

సెంచరీ దిశగా సాగుతున్న రోహిత్ శర్మ (86) ఔటయ్యాడు.
షాహీన్ అఫ్రిది వేసిన 21.4 ఓవర్‌కు ఇప్తికార్‌కు క్యాచ్‌ ఇచ్చాడు.
22 ఓవర్లకు స్కోరు 157/3. శ్రేయస్ అయ్యర్ (36), కేఎల్ రాహుల్ (1) క్రీజులో ఉన్నారు.

14/10/2023 19:24(IST)

వాటే షాట్

రోహిత్‌ శర్మ సెంచరీ దిశగా పయనిస్తున్నాడు.
షాదాబ్‌ వేసిన 20 ఓవర్‌లో ఐదో బంతికి ఫోర్ బాదిన అతడు.. ఫుల్ టాస్‌గా వచ్చిన చివరి బంతిని డీప్ మిడ్ వికెట్ మీదుగా సిక్సర్‌గా మలిచిన తీరు చూసి తీరాల్సిందే.
20 ఓవర్లకు స్కోరు 142/2. రోహిత్ (80),శ్రేయస్ (28) పరుగులతో ఉన్నారు.

14/10/2023 19:09(IST)

మ్యాచ్‌ను వీక్షిస్తున్న అమిత్ షా

అహ్మదాబాద్‌లోని నరేంద్రమోదీ స్టేడియం వేదికగా జరుగుతున్న భారత్, పాక్‌ మ్యాచ్‌ను వీక్షించడానికి కేంద్ర హోంమంత్రి అమిత్ షా విచ్చేశారు.
స్టేడియంలో అభిమానుల మధ్య కూర్చొని మ్యాచ్‌ను వీక్షిస్తున్నారు.

14/10/2023 19:05(IST)

రోహిత్ ఐదో సిక్స్‌

రోహిత్ శర్మ సిక్సర్లతో విరుచుకుపడుతున్నాడు.
హారిస్‌ రవూఫ్‌ వేసిన 15 ఓవర్లో 10 పరుగులు రాగా.. మొదటి బంతిని రోహిత్ సిక్సర్‌గా మలిచాడు.
ఈ మ్యాచ్‌లో అతడికిది ఐదో సిక్స్‌.
15 ఓవర్లకు స్కోరు 111/2. రోహిత్ (61), శ్రేయస్ (16) పరుగులతో ఉన్నారు.

14/10/2023 18:41(IST)

కోహ్లీ ఔట్

టీమ్‌ఇండియా రెండో వికెట్ కోల్పోయింది.
విరాట్ కోహ్లీ (16; 18 బంతులలో 3 ఫోర్లు) ఔటయ్యాడు.
హసన్‌ అలీ వేసిన పదో ఓవర్‌లో ఐదో బంతికి నవాజ్‌కు చిక్కాడు.
10 ఓవర్లకు స్కోరు 79/2. రోహిత్ (45) అర్ధ శతకానికి చేరువ కాగా.. శ్రేయస్ అయ్యర్ (0) క్రీజులో ఉన్నాడు.

14/10/2023 18:38(IST)

రో‘హిట్’

రోహిత్‌ శర్మ సిక్సర్లతో చెలరేగుతున్నాడు.
హారిస్‌ రవూఫ్ వేసిన తొమ్మిదో ఓవర్‌లో రెండో బంతిని లాంగాన్‌ మీదుగా సునాయసంగా స్టాండ్స్‌లోకి పంపాడు.
ఐదో బంతిని డీప్‌ ఎక్స్‌ ట్రా కవర్‌ మీదుగా సిక్స్‌గా మలిచాడు. ఇది 90 మీటర్ల సిక్స్‌.
ఈ క్రమంలోనే వన్డేల్లో 300 సిక్స్‌లు పూర్తి చేసుకున్నాడు.
9 ఓవర్లకు స్కోరు 77/1. రోహిత్ (44), కోహ్లీ (15) పరుగులతో ఉన్నారు.

14/10/2023 18:26(IST)

సిక్స్‌, రెండు ఫోర్లు

భారత బ్యాటర్లు రోహిత్, కోహ్లీ నిలకడగా ఆడుతున్నారు.
షాహీన్ అఫ్రిది వేసిన ఏడో ఓవర్‌లో తొలి బంతికి రోహిత్‌ శర్మ (23) భారీ సిక్స్ బాదాడు.
తర్వాత నాలుగు, ఐదు బంతులను కోహ్లీ (13) బౌండరీకి పంపాడు.
7 ఓవర్లకు స్కోరు 54/1.

14/10/2023 18:08(IST)

గిల్ ఔట్

భారత్‌కు షాక్‌.. దూకుడుగా ఆడుతున్న శుభ్‌మన్ గిల్ (16; 11 బంతుల్లో 4 ఫోర్లు) ఔటయ్యాడు.
షాహీన్‌ అఫ్రిది వేసిన మూడో ఓవర్‌లో ఐదో బంతికి బ్యాక్‌వర్డ్ పాయింట్‌లో షాదాబ్‌ ఖాన్‌కు చిక్కాడు.
3 ఓవర్లకు స్కోరు 23/1. కోహ్లీ (0), రోహిత్ (6) క్రీజులో ఉన్నారు.

14/10/2023 17:59(IST)

మొదటి బంతికే ఫోర్

పాక్‌ నిర్దేశించిన 192 పరుగుల లక్ష్యాన్ని ఛేదించేందుకు భారత్ బరిలోకి దిగింది.
షాహీన్ అఫ్రిది వేసిన ఇన్నింగ్స్‌ మొదటి ఓవర్‌లో తొలి బంతికి రోహిత్‌ శర్మ ఫోర్ బాదాడు.
మూడో బంతికి శుభ్‌మన్ గిల్ కూడా బౌండరీ బాదాడు.
1 ఓవర్‌ ముగిసేసరికి స్కోరు 10/0. రోహిత్‌ శర్మ (5), గిల్ (4) పరుగులతో ఉన్నారు.

14/10/2023 17:22(IST)

పాక్‌ ఆలౌట్

ప్రపంచకప్‌లో భాగంగా పాకిస్థాన్‌తో జరుగుతున్న మ్యాచ్‌లో భారత బౌలర్లు అదరగొట్టారు.
టీమ్ఇండియా బౌలర్ల ధాటికి పాక్‌ 42.5 ఓవర్లలో 191 పరుగులకు ఆలౌటైంది.
పాక్ బ్యాటర్లలో బాబర్ అజామ్ (50), మహ్మద్‌ రిజ్వాన్ (49), ఇమామ్‌ ఉల్ హక్ (36) రాణించారు.
భారత బౌలర్లలో బుమ్రా, సిరాజ్, హార్దిక్ పాండ్య, కుల్‌దీప్‌ యాదవ్, జడేజా రెండేసి వికెట్లు పడగొట్టారు.
29.3 ఓవర్లకు 154/2 స్కోరుతో మెరుగైన స్థితిలో నిలిచిన పాక్‌.. 42.5 ఓవర్లలో 191 పరుగులకే ఆలౌటైంది.
కేవలం 37 పరుగుల వ్యవధిలో చివరి ఎనిమిది వికెట్లను భారత బౌలర్లు పడగొట్టారు.

14/10/2023 16:38(IST)

కుల్‌దీప్‌ మాయ

కుల్‌దీప్‌ యాదవ్‌ స్పిన్‌తో మాయ చేసి ఒకే ఓవర్లో రెండు వికెట్లు పడగొట్టాడు.
32.2 ఓవర్‌కుషకీల్‌ను వికెట్ల ముందు దొరకబుచ్చుకున్న కుల్‌దీప్‌.. ఇదే ఓవర్‌లో చివరి బంతికి ఇప్తికార్‌ అహ్మద్‌ (4) బౌల్డ్ అయ్యాడు.
33 ఓవర్లకు పాక్ 166/5.

14/10/2023 16:34(IST)

రివ్యూ సక్సెస్

పాక్‌ నాలుగో వికెట్ కోల్పోయింది.
సాద్ షకీల్ (6) ఔటయ్యాడు.
కుల్‌దీప్‌ యాదవ్‌ వేసిన 32.2 ఓవర్‌కు ఎల్బీడబ్ల్యూగా వెనుదిరిగాడు.
అంపైర్‌ నాటౌట్‌గా ప్రకటించడంతో భారత్ రివ్యూకి వెళ్లింది. అక్కడ ఫలితం టీమ్‌ఇండియాకు అనుకూలంగా వచ్చింది.

14/10/2023 16:16(IST)

బాబర్‌ క్లీన్‌బౌల్డ్

పాకిస్థాన్‌ మూడో వికెట్ కోల్పోయింది.
అర్ధ శతకం పూర్తి చేసుకున్న బాబర్ అజామ్‌ (50) ఔటయ్యాడు.
సిరాజ్ వేసిన 29.4 ఓవర్‌కు క్లీన్‌బౌల్డ్ అయ్యాడు.
30 ఓవర్లకు స్కోరు 156/3. రిజ్వాన్ (47), షకీల్ (1) క్రీజులో ఉన్నారు.

14/10/2023 15:58(IST)

సగం ఓవర్లు పూర్తి

పాక్‌ బ్యాటర్లు నిలకడగా ఆడుతున్నారు.
భారత బౌలర్లు వికెట్ కోసం ప్రయత్నిస్తున్నా ఏ మాత్రం అవకాశం ఇవ్వడం లేదు.
నిలకడగా పరుగులు రాబడుతూ స్కోరు బోర్డును ముందుకు కదిలిస్తున్నారు.
25 ఓవర్లు ముగిసేసరికి పాక్ 125/2 స్కోరుతో ఉంది.
రిజ్వాన్ (33), బాబర్ అజామ్ (35) పరుగులతో ఉన్నారు.

14/10/2023 15:51(IST)

మరో ఫోర్

రిజ్వాన్‌ నిలకడగా బౌండరీలు బాదుతున్నాడు.
కుల్‌దీప్ యాదవ్‌ వేసిన 23 ఓవర్‌లో ఆరు పరుగులు వచ్చాయి.
నాలుగో బంతిని రిజ్వాన్‌ బౌండరీకి పంపాడు.
జడేజా వేసిన 24 ఓవర్‌లో మూడు పరుగులు వచ్చాయి.
24 ఓవర్లకు స్కోరు 123/2. రిజ్వాన్ (32), బాబర్ అజామ్ (34) పరుగులతో ఉన్నారు.

14/10/2023 15:37(IST)

రెండు ఫోర్లు

పాక్‌ బ్యాటర్లు నిలకడగా ఆడుతున్నారు.
గత రెండు ఓవర్లలో 12 పరుగులు రాబట్టారు.
జడేజా వేసిన 18 ఓవర్‌లో రిజ్వాన్‌ (15) ఫోర్ బాదగా.. శార్దూల్ వేసిన తర్వాతి ఓవర్‌లో బాబర్‌ అజామ్ (30) బౌండరీ రాబట్టాడు.
ఈ క్రమంలోనే పాక్‌ స్కోరు 19 ఓవర్లకు 102/2కు చేరుకుంది.

14/10/2023 15:16(IST)

కలిసొచ్చిన అదృష్టం..

14 ఓవర్లు: రవీంద్ర జడేజా బౌలింగ్‌కు వచ్చాడు.
రిజ్వాన్‌కు (2*) అదృష్టం కలిసొచ్చింది.
ఎల్బీగా ఔటయ్యే ప్రమాదం నుంచి బయటపడ్డాడు.
తొలుత జడేజాతోపాటు భారత్‌ అప్పీలు చేయగా.. అంపైర్‌ ఔట్‌గా ఇచ్చాడు.
అయితే పాక్‌ డీఆర్‌ఎస్‌కు వెళ్లింది. సమీక్షలో వికెట్లను బంతి తాకలేదు.
దీంతో రిజ్వాన్‌ నాటౌట్‌గా తేలిపోయాడు.
ఈ ఓవర్‌లో కేవలం ఒక్క పరుగే వచ్చింది.
ప్రస్తుతం పాక్‌ స్కోరు 75/2.

14/10/2023 15:06(IST)

హార్దిక్‌కు వికెట్

పాకిస్థాన్‌ రెండో వికెట్‌ను నష్టపోయింది.
హార్దిక్‌ పాండ్య వేసిన (12.3వ ఓవర్‌) లెంగ్త్‌ డెలివరీని ఆడబోయిన ఇమామ్‌ (36) కీపర్‌ కేఎల్ రాహుల్‌ చేతికి చిక్కాడు.
దీంతో 73 పరుగుల వద్ద పాక్‌ మరో వికెట్‌ను కోల్పోయింది.
అనంతరం క్రీజ్‌లోకి రిజ్వాన్ వచ్చాడు.
ప్రస్తుతం పాక్‌ స్కోరు 13 ఓవర్లకు 74/2.
ఈ ఓవర్‌లో హార్దిక్ ఆరు పరుగులు ఇచ్చాడు.

14/10/2023 15:04(IST)

పాక్‌ దూకుడు

12 ఓవర్లు: కుల్‌దీప్‌ తన తొలి ఓవర్‌ వేశాడు.
ఐదు బంతుల్లో నాలుగు పరుగులు ఇచ్చిన కుల్‌దీప్‌ చివరి బాల్‌కు ఫోర్ ఇచ్చాడు.
లెగ్‌సైడ్‌ వేసిన బంతిని ఇమామ్‌ (32*) ఫైన్‌లెగ్‌లో బౌండరీ కొట్టాడు.
మొత్తం 8 పరుగులు రావడంతో పాక్‌ స్కోరు 68/1.

14/10/2023 14:42(IST)

షఫీక్‌ ఎల్బీడబ్ల్యూ

8 ఓవర్లు: పాకిస్థాన్‌ తొలి వికెట్‌ కోల్పోయింది
సిరాజ్‌ బౌలింగ్‌లో షఫీక్‌ ఎల్బీగా వెనుదిరిగాడు.
ఈ ఓవర్‌లో సింగిల్స్‌ రూపంలో నాలుగు పరుగులే వచ్చాయి.
పాక్‌ 1 వికెట్‌ నష్టానికి 41 పరుగులు చేసింది.

14/10/2023 13:33(IST)

టాస్‌ నెగ్గిన భారత్

టీమ్‌ఇండియా కెప్టెన్ రోహిత్ శర్మ టాస్‌ నెగ్గాడు. తొలుత బౌలింగ్‌ ఎంచుకున్నట్లు తెలిపాడు. ‘‘ఇక్కడి వాతావరణం చాలా బాగుంది. రెండో ఇన్నింగ్స్‌లో తేమ ప్రభావం ఇక్కడ ఎక్కువగా ఉండే అవకాశం ఉంది. అందుకే తొలుత బౌలింగ్‌ చేయాలని నిర్ణయించుకున్నాం. శుభ్‌మన్‌ గిల్ తిరిగి జట్టులోకి వచ్చాడు. ఇషాన్ స్థానంలో ఆడతాడు. అతడిని మిస్‌ కావడం బాధగానే ఉంది. ఎప్పుడు అవసరమైనా అందుబాటులో ఉంటాడు. గిల్ ఎంతో ప్రత్యేకమైన ఆటగాడు. తప్పకుండా రాణిస్తాడనే నమ్మకం ఉంది’’ అని రోహిత్ తెలిపాడు.

14/10/2023 13:32(IST)

భారత ఓపెనర్లు - షహీన్‌ సవాల్‌ ఆసక్తికరం: రవిశాస్త్రి

‘‘భారత్‌ - పాక్‌ మ్యాచ్‌లో అత్యంత ఆసక్తికర అంశం.. టీమ్ఇండియా ఓపెనర్లు, పాక్‌ పేసర్ షహీన్‌కు మధ్య పోరు రసవత్తరంగా ఉంటుంది. ఇదే ఎవరు గెలుస్తారనేది తేల్చేయనుంది’’ అని రవిశాస్త్రి వ్యాఖ్యానించాడు.

14/10/2023 13:21(IST)

మైదానానికి చేరుకున్న ఆటగాళ్లు

పాకిస్థాన్‌తో మ్యాచ్‌ఆడేందుకు భారత్ ఆటగాళ్లు నరేంద్ర మోదీ స్టేడియానికి చేరుకున్నారు. కెప్టెన్ రోహిత్ శర్మనాయకత్వంలోని టీమ్‌ఇండియా ప్రతిష్ఠాత్మక పోరుకు సిద్ధమైంది.

14/10/2023 13:16(IST)

పాక్‌తో మ్యాచ్‌లో సూర్యకుమార్‌ ఆడతాడా..? తుది జట్టు కూర్పే ఆసక్తికరం!

వన్డే ప్రపంచకప్‌లో (ODI World Cup 2023) ఇవాళ క్రికెట్‌ పండగ. అహ్మదాబాద్‌ వేదికగా భారత్ - పాకిస్థాన్‌(IND vs PAK) మ్యాచ్‌ మధ్యాహ్నం 2 గంటలకు ప్రారంభం కానుంది. అయితే, తుది జట్టు ఎంపికపై అందరిలోనూ ఉత్కంఠ కొనసాగుతోంది. ఎవరిని తీసుకుంటారు..? ఎవరిని పక్కన పెడతారు? అనేది ఆసక్తికరంగా మారింది. పాక్‌ పేస్‌ను తట్టుకోవాలంటే బ్యాటింగ్‌ బలంగా ఉండాలి. అదే సమయంలో పదునైన బౌలింగ్‌తో బరిలోకి దిగాలి. తుది జట్టులోని దాదాపు అన్ని స్థానాలు ఓకే అయినప్పటికీ.. కెప్టెన్ రోహిత్ శర్మ ఇప్పటికే ఒకటీ రెండు మార్పులు ఉంటాయని చెప్పిన విషయం గుర్తుంది కదా. మరి ఆ మార్పులు ఎక్కడ ఉండొచ్చనేదే కీలకంగా మారింది. పూర్తి వార్త కోసం క్లిక్‌ చేయండి

14/10/2023 13:14(IST)

వరల్డ్‌కప్‌లో.. భారత్ - పాక్‌ పరిస్థితి ఇదీ..

వరల్డ్‌ కప్‌లో భారత్‌ - పాకిస్థాన్‌ జట్ల మధ్య ఏడుసార్లు మ్యాచ్‌లు జరగగా.. అన్నింట్లోనూ టీమ్‌ఇండియా విజయం సాధించింది. ఈసారి కూడా గెలిచి రికార్డును 8-0 చేయాలని భావిస్తోంది. మరోవైపు పాక్‌ కూడా తొలి విజయంపై గురిపెట్టింది. ప్రత్యేక వెబ్‌స్టోరీ కోసం క్లిక్‌ చేయండి

14/10/2023 13:10(IST)

భారీగా అభిమానులు.. సంగీత కార్యక్రమం షురూ

భారత్ - పాక్‌ మ్యాచ్‌ను ప్రత్యక్షంగా చూసేందుకు భారీగా ప్రేక్షకులు అహ్మదాబాద్‌లోని నరేంద్ర మోదీ స్టేడియానికి తరలివస్తున్నారు. సంగీత కార్యక్రమాలు కూడా ప్రారంభమయ్యాయి. అర్జిత్ సింగ్‌, శంకర్ మహదేవన్, సుఖ్విందర్‌ సింగ్‌ బృందం మైదానం వద్దకు చేరుకుంది.

14/10/2023 13:07(IST)

గతంపై దృష్టిపెట్టను: బాబర్‌

‘‘వరల్డ్ కప్‌ చరిత్రలో భారత్‌పై ఒక్కసారి పాకిస్థాన్ గెలవలేదు. అయితే, గతంలో ఏం జరిగిందనేది పట్టించుకోం. ఇప్పుడు మా చేతుల్లో ఏం ఉందనేదే ముఖ్యం. అలాంటి రికార్డులు బ్రేక్‌ చేయడానికి ఉంటాయి. తప్పకుండా ఈసారి బ్రేక్‌ చేసేందుకు ప్రయత్నిస్తాం’’ అని పాక్‌ కెప్టెన్ బాబర్ అజామ్‌ వ్యాఖ్యానించాడు.

14/10/2023 12:47(IST)

అక్కడుంది రోహిత్ శర్మ.. బౌలర్లూ పారాహుషార్‌: పాక్‌ మాజీల హెచ్చరికలు

అఫ్గానిస్థాన్‌పై అద్భుతమైన శతకంతో అదరగొట్టిన టీమ్‌ఇండియా (Team India) కెప్టెన్ రోహిత్ శర్మతో బౌలర్లు జాగ్రత్తగా వ్యవహరించాలని పాక్‌ మాజీలు హెచ్చరించారు. వరల్డ్‌ కప్‌లో (ODI World Cup 2023) భాగంగా భారత్ - పాకిస్థాన్‌ (IND vs PAK) జట్ల మధ్య నేడు మ్యాచ్ జరగనుంది. ఈ క్రమంలో తమ బౌలర్లకు కీలక సూచనలు చేస్తూ మాజీ ఆటగాళ్లు వసీమ్‌ అక్రమ్, మిస్బా ఉల్ హక్‌ ఆసక్తికర వ్యాఖ్యలు చేశారు. పూర్తి వార్త కోసం క్లిక్‌ చేయండి

14/10/2023 12:43(IST)

ప్రపంచకప్‌లో పాక్‌పై భారత్‌దే ఆధిపత్యం.. ఎప్పుడెప్పుడు..? కీలక పాత్ర ఎవరిదంటే?

ప్రపంచకప్‌లో (ODI World Cup 2023) అసలుసిసలు సమరానికి సమయం ఆసన్నమైంది. క్రికెట్ ప్రపంచమంతా ఆసక్తిగా ఎదురుచూస్తున్న భారత్‌ - పాకిస్థాన్‌ (IND vs PAK) మ్యాచ్‌ అక్టోబర్ 14న అహ్మదాబాద్‌ వేదికగా జరగనుంది. వన్డే ప్రపంచకప్‌లో (ODI WC) భారత్, పాక్ ఇప్పటివరకు ఏడుసార్లు (1992, 1996, 1999, 2003, 2011, 2015, 2019) తలపడ్డాయి. ఈ ఏడుసార్లూ దాయాదిపై భారత్‌ తిరుగులేని ఆధిపత్యం చలాయించి జయకేతనం ఎగరేసింది. మరి ఈ మ్యాచ్‌లు ఎలా సాగాయి, ఏ ఆటగాళ్లు ఉత్తమ ప్రదర్శన కనబర్చారో తెలుసుకుందాం. పూర్తి వార్త కోసం క్లిక్‌ చేయండి

14/10/2023 12:42(IST)

భారత్‌ X పాక్‌ మ్యాచ్ హీట్‌.. వీరి మధ్య పోరే హైలైట్‌!

వన్డే ప్రపంచకప్‌లో (ODI World Cup 2023) మరింత ఊపు తెచ్చే మ్యాచ్‌కు అహ్మదాబాద్‌ వేదిక కానుంది. శనివారం భారత్ - పాకిస్థాన్‌ మ్యాచ్‌ జరగనుంది. ప్రపంచకప్‌లోనే హైఓల్టేజీ మ్యాచ్‌ అయిన ఈ పోరులో ఇరు జట్ల ఆటగాళ్ల మధ్య పోరు ఇంకా రసవత్తరంగా ఉండటం ఖాయం. పూర్తి వార్త కోసం క్లిక్‌ చేయండి

14/10/2023 12:41(IST)

భారత్ X పాక్‌ మాత్రమే ప్రత్యేకమా?... ప్రపంచకప్‌లో అసమానత్వంపై చర్చ!

క్రికెట్లో అత్యున్నత టోర్నీ అయిన వన్డే ప్రపంచకప్‌ (ODI World Cup 2023) ఇటీవలే ప్రారంభమైంది. అంత ప్రతిష్ఠాత్మక టోర్నీ మొదలవుతుంటే, మ్యాచ్‌ ఆరంభానికి చిన్న వేడుక కూడా చేయలేదు నిర్వాహకులు. గత ప్రపంచకప్‌లో ఫైనల్‌ ఆడిన రెండు జట్లు తలపడుతుంటే ప్రపంచంలోనే అతి పెద్ద స్టేడియం ప్రేక్షకులు లేక వెలవెలబోయింది. ఆ మ్యాచ్‌ను అలా పట్టించుకోకుండా వదిలేసి, టోర్నీ మొదలైన ఎనిమిది రోజులకు అదే మైదానంలో భారత్‌ - పాకిస్థాన్‌ (India vs Pakistan) మ్యాచ్‌ సందర్భంగా ప్రత్యేక వేడుకలు నిర్వహించనున్నారన్న వార్తలు క్రికెట్‌ ప్రపంచంలో పెద్ద చర్చకు దారి తీశాయి. పూర్తి వార్త కోసం క్లిక్‌ చేయండి

App

IND vs PAK: పాకిస్థాన్‌పై భారత్ ఘన విజయం

తాజా వార్తలు (Latest News)

అమిత్‌ షా ‘వీడియో సోర్స్‌’పై పోలీసుల దృష్టి.. సోషల్‌ మీడియా సంస్థలకు లేఖ

ఉపాధ్యాయ నియామక కుంభకోణం కేసు.. సుప్రీంలో దీదీ సర్కార్‌కు ఊరట

కంట్రోల్‌ తప్పిన హెలికాప్టర్‌.. అమిత్ షాకు త్రుటితో తప్పిన ప్రమాదం

4 నెలలకే ఓలా క్యాబ్స్‌ సీఈఓ రాజీనామా.. 10% మంది ఉద్యోగులకు ఉద్వాసన!

ప్రధానిగా రాహుల్ ప్రమాణం.. ఏఐ క్లిప్‌ వైరల్‌

ఇజ్రాయెల్‌ అధికారుల్లో.. ‘ఐసీసీ’ అరెస్టు వారెంట్ల గుబులు!

సుఖీభవ

చదువు