విజయవాడ: విభిన్న కథలను ఎంచుకుంటూ కెరీర్‌లో ముందుకు సాగుతున్న యువ కథానాయకుడు శ్రీవిష్ణు. కృష్ణ విజయ్‌ దర్శకత్వంలో ఆయన నటించిన చిత్రం ‘తిప్పరామీసం’. ఇప్పటికే చిత్రీకరణ పూర్తి చేసుకున్న ఈ చిత్రం నవంబరు 8న ప్రేక్షకుల ముందుకు రానుంది. ఈ సందర్భంగా చిత్ర యూనిట్‌ సోమవారం గుంటూరు, విజయవాడలో పర్యటించింది. గుంటూరు భాష్యం ఇంటర్‌ కాలేజ్‌, విజయవాడ చైతన్య కళాశాలలో పర్యటించి విద్యార్థులతో ముచ్చటించింది. శ్రీవిష్ణు వారితో సెల్ఫీలు దిగాడు.  ఈ సందర్భంగా శ్రీవిష్ణు మాట్లాడుతూ.. ‘తిప్పరామీసం’ యువతను విశేషంగా ఆకట్టుకుంటుందని ఆశాభావం వ్యక్తం చేశాడు. రిజ్వాన్‌ ఎంటర్‌టైన్‌మెంట్‌ పతాకంపై రిజ్వాన్‌ ఈ సినిమాను నిర్మిస్తున్నారు. సురేష్‌ బొబ్బిలి స్వరాలు సమకూరుస్తున్నారు.