మడత ప్రయాణం సమాచారం

జరభద్రం

మడత ప్రయాణం సమాచారం

ఎంత ఖరీదైన కారుకి యజమాని అయినా అన్నిచోట్లకీ అందులో వెళ్లలేరు. ముఖ్యంగా ఇరుకు వీధులు, కార్పొరేట్‌ ప్రాంగణాలు, జనం ఎక్కువగా ఉండే ప్రదేశాల్లోకి. ఇలాంటి సందర్భాల్లో కారు వదిలి హాయిగా గమ్యం చేరేలా మడత పెట్టదగిన ఎలక్ట్రిక్‌ స్కూటర్లను తయారు చేసింది హ్యుందాయ్‌ మోటార్స్‌ కంపెనీ. దీన్ని ‘లాస్ట్‌ మైల్‌ మొబిలిటీ వెహికిల్‌’ అంటోంది. ఎలక్ట్రిక్‌ బ్యాటరీతో పని చేస్తుంది ఇది. సెగ్‌వే వాహనంలా రెండు కాళ్లు దానిపై పెట్టి ప్రయాణం చేయొచ్చు. ఎత్తుపల్లాల పైనుంచి వెళ్తున్నప్పుడు కుదుపుల్లేకుండా సస్పెన్షన్‌ జోడించారు. అవసరం తీరాక ఎంచక్కా మడిచి చంకలో పెట్టుకొని వెళ్లిపోవచ్చు. కారు లోపలా భద్రపరచుకోవచ్చు. బరువు 7.7 కేజీలే. ఒక్కసారి ఛార్జింగ్‌ చేస్తే ఇరవై కిలోమీటర్ల వరకు వెళ్తుంది. అత్యధిక వేగం గంటకి ఇరవై కిలోమీటర్లు. హ్యుందాయ్‌, కియా కంపెనీల వినియోగదారుల కోసం వీటిని తయారు చేశామంటోంది హ్యుందాయ్‌.