కరెంట్‌ అఫైర్స్‌

మాదిరి ప్రశ్నలు

* ఇండియన్‌ సొసైటీ ఫర్‌ నాన్‌ డిస్ట్రక్టివ్‌ టెస్టింగ్‌ (ఐఎస్‌ఎన్‌టీ) ఈ ఏడాదికిగానూ కొండల్‌రావు మెమోరియల్‌ అవార్డును ఏ శాస్త్రవేత్తకు ప్రదానం చేసింది?

జ: హైదరాబాద్‌లోని డీఆర్‌డీఎల్‌ ప్రోగ్రాం డైరెక్టర్‌, సీనియర్‌ శాస్త్రవేత్త జైతీర్థ్‌  రాఘవేంద్ర జోషి

* భారత అంతరిక్ష పరిశోధన సంస్థ (ఇస్రో) అభివృద్ధి చేస్తోన్న సరికొత్త రాకెట్‌ ఏది? (1980వ దశకంలో రూపొందించిన పీఎస్‌ఎల్‌వీ ప్రస్తుత అవసరాలను తీర్చలేకపోవడంతో దాని స్థానంలో ఈ కొత్త రాకెట్‌ను అభివృద్ధి చేస్తున్నారు)

జ: ఎన్‌జీఎల్‌వీ (నెక్ట్స్‌ జనరేషన్‌ లాంచ్‌ వెహికల్‌)

* ఎరువుల తయారీ, విద్యుత్తు ఉత్పత్తి కోసం ఉపయోగించే సహజ వాయువు ధరను కేంద్ర ప్రభుత్వం 2022, అక్టోబరు 1 నుంచి ఎంత శాతం పెంచింది? 

 జ: 40 శాతం

* 2022 - 23 ఆర్థిక సంవత్సరంలో తొలి ఆరు నెలల్లో దేశంలో ప్రత్యక్ష పన్ను వసూళ్లు ఎంత మొత్తంగా నమోదైనట్లు కేంద్ర ఆర్థిక శాఖ వెల్లడించింది? (నిరుడు ఇదే కాలంలో వసూలైన ప్రత్యక్ష పన్నుల కంటే ఈసారి 23.8 శాతం అధికంగా వసూలైనట్లు ప్రకటించింది) 

జ: రూ. 8.98 లక్షల కోట్లు