ఇన్‌స్టాలో..వీటిదే హవా!

ఓ కుర్రాడి ఇన్నర్‌ ఫీలింగ్స్‌ తెలియాలంటే.. అతడి ఇన్‌స్టాగ్రామ్‌ ఖాతా తెరిస్తే చాలంటారు! బరిగీసి మరీ ‘బయో’లో ఉన్నదంతా చెప్పేస్తాడు. అలాగే ఓ పడుచుపిల్ల పోస్టుపై కన్నేస్తే.. తన కథంతా అర్థమవుతుంది. తమ భావాలతో ఎవరెలా ఇన్‌స్టాని ముంచెత్తినా.. ఇదిగో ఈ కోట్స్‌ మాత్రం యువత మనసుని బాగా హత్తుకుంటున్నాయి.

• సాహసం నాకోసం ఎదురుచూస్తోంది.. దాని చేయందుకోవడానికి నేను సిద్ధం.
• ఇప్పుడు చెమట్లు చిందిస్తే.. తర్వాత మేని మెరుపులన్నీ నీవే!
• ఆత్మవిశ్వాసం.. ఇంతకుమించిన గొప్ప ఔట్‌ఫిట్‌ ఏముంది బ్రదర్‌?
•  మిలియన్‌లో ఒక్కడిగా ఉండాలనుకోను.. మిలియన్‌ జనం మెచ్చేలా ఉండాలనుకుంటాను
•  ఈ ప్రపంచం కోరుకున్నది ఇవ్వడానికి రాలేదు నేను.. నేను అనుకున్నదే చేయడానికొచ్చాను.
• నేనెప్పుడూ ఓడిపోను గెలుస్తాను, లేదంటే నేర్చుకుంటూనే ఉంటాను.
•  సవాళ్ల రహదారులు.. అందమైన గమ్యస్థానాలకు దారి తీస్తుంటాయి
•  నిన్ను నువ్వే తోసుకుంటూ ముందుకెళ్లాలి.. ఆ పని చేయడానికి నీ వెనక ఎవరూ లేరు.
•  నేను తోపు.. అని నమ్మడానికయ్యే ఖర్చు జీరో!
•  హీరోలంతా టోపీలు పెట్టుకోరు.. కొంతమంది అద్భుతమైన సన్‌గ్లాసెస్‌తో కూడా ఉంటారు.