పవర్‌.. ఫుల్‌

జోరు మీదుండే కుర్రాళ్లు.. పవర్‌ఫుల్‌ బైక్‌లు కావాలనుకుంటారు. యాక్సిలేటర్‌ని అలా తిప్పగానే.. ఇలా గాల్లో తేలిపోవాలనుకుంటారు. అంత ‘పవర్‌’ చూపించే రూ.5 లక్షల లోపు కొన్ని మోటారు సైకిళ్లు ఇవి.

ది రాయల్‌ ఎన్‌ఫీల్డ్‌
కాంటినెంటల్‌ జీటీ 650

ధర: రూ.19 లక్షలు

మేటి స్టైల్‌, పెర్‌ఫార్మెన్స్‌ మేళవిస్తే.. ఈ బండి. దూరప్రయాణాలకు ఉపయోగం. ఎలాంటి రహదారులపై అయినా దూసుకెళ్తుంది. 648సీసీ ట్విన్‌ సిలిండర్‌ ఇంజిన్‌, 47బీహెచ్‌ పవర్‌ దీని సొంతం.

ది ఏప్రిలియా ఆర్‌ఎస్‌ 457

ధర: రూ.4.1లక్షలు

స్టైల్‌ని బాగా ఇష్టపడేవాళ్లు ఈ ఇటాలియన్‌ సొగసరికి ఓటేయొచ్చు. మామూలు రోడ్ల మీద రేసింగ్‌ అనుభవం పొందాలనుకునే కుర్రాళ్ల కోసమే ఈ బండి. 457సీసీ లిక్విడ్‌ కూల్డ్‌ ఇంజిన్‌, 47బీహెచ్‌పీ దీని సొంతం.

ది కేటీఎం 390 డ్యూక్‌

ధర: రూ.3.18 లక్షలు

మిడ్‌సెగ్మెంట్‌లో అత్యధికంగా అమ్ముడయ్యే మోటార్‌సైకిళ్లలో ఇదొకటి. 399సీసీ సింగిల్‌ సిలిండర్‌, 45బీహెచ్‌పీ దీని సొంతం. మిడ్‌ సెగ్మెంట్‌లో టాప్‌ పెర్‌ఫార్మర్‌.

ది యమహా ఆర్‌3

ధర: రూ.4.65 లక్షలు

స్పోర్ట్స్‌ మోటార్‌సైకిల్‌కి ఓటేయా లనుకునే అబ్బాయిల ఎంపిక ఈ బైక్‌. సొగసైన రూపం, మేటి పని తీరు దీని సొంతం. 321 సీసీ లిక్విడ్‌ కూల్డ్‌ ఇంజిన్‌ 41 బీహెచ్‌పీ ఉత్పత్తి చేస్తుంది.

ట్రయంఫ్‌ స్పీడ్‌ 400

ధర: రూ.2.33 లక్షలు

ట్రయంఫ్‌ కంపెనీ బేసిక్‌ మోడల్‌ ఇది. 398 సీసీ లిక్విడ్‌ కూల్డ్‌ సింగిల్‌ సిలిండర్‌ ఇంజిన్‌ 39బీహెచ్‌పీ శక్తిని విడుదల చేస్తుంది. ఆకట్టుకునే రూపం దీని సొంతం.

ధరలు ఎక్స్‌ షోరూం