వెండిపై ఆచితూచి!

కమొడిటీస్‌
ఈ వారం

పసిడి

పసిడి జూన్‌ కాంట్రాక్టు ఈవారం సానుకూల ధోరణిలో చలిస్తే రూ.72,462 వద్ద నిరోధం ఎదురుకావచ్చు. ఈ స్థాయిని అధిగమిస్తే రూ.72,944; రూ.73,425 వరకు రాణించే అవకాశం ఉంటుంది. ఒకవేళ రూ.70,369 కంటే దిగువన కదలాడితే రూ.69,804; రూ.69,239 వరకు పడిపోవచ్చు. రూ.71,465 దిగువన లాంగ్‌ పొజిషన్లకు దూరంగా ఉండటం మేలు.

వెండి

వెండి జూన్‌ కాంట్రాక్టు రూ.84,328 కంటే పైకి వెళితే రూ.86,160 వరకు వెళ్లొచ్చు. అయితే ప్రతికూల ధోరణిలో కదలాడితే    రూ.80,832 వద్ద మద్దతు లభించొచ్చు. ఈ స్థాయిని కోల్పోతే రూ.79,168కు దిగి వచ్చే అవకాశం ఉంటుంది. ఇప్పటికే మోతాదుకు మించి పెరిగినట్లు కనిపిస్తున్నందున ఆచితూచి ట్రేడ్‌ చేయటం మంచిది.

ప్రాథమిక లోహాలు

• రాగి మే కాంట్రాక్టు సానుకూల ధోరణిలో చలిస్తే రూ.868.55 వద్ద నిరోధం ఎదురయ్యే అవకాశం ఉంది. దీనిని అధిగమిస్తే రూ.879.15 వరకు రాణించవచ్చు. ఒకవేళ రూ.841.15 కంటే దిగువన కదలాడితే రూ.824.45 వరకు దిద్దుబాటు కావచ్చు.
• సీసం మే కాంట్రాక్టు రూ.194 కంటే పైన చలించకుంటే దిద్దుబాటుకు ఆస్కారం ఉంటుంది. ఒకవేళ ఈ స్థాయికి పైన చలిస్తే రూ.196.75 వరకు పెరగొచ్చు.
• జింక్‌ మే కాంట్రాక్టు రూ.246.15 కంటే దిగువన కదలాడితే మరింతగా పతనమవుతుంది. ఒకవేళ రూ.257.45 ఎగువన చలిస్తే రూ.262.55 వరకు పెరిగే అవకాశం ఉంటుంది.
• అల్యూమినియం మే కాంట్రాక్టుకు రూ.231.95 వద్ద మద్దతు కనిపిస్తోంది. ఈ స్థాయిని కోల్పోతే    రూ.228.15కు పడిపోవచ్చు. ఒకవేళ      రూ.241.65 కంటే పైన కదలాడితే రూ.247.75 వరకు రాణించొచ్చు.

ఇంధన రంగం

• ముడి చమురు మే కాంట్రాక్టుకు సానుకూల ధోరణి కొనసాగితే రూ.7,113 వద్ద నిరోధం ఎదురుకావచ్చు. దీనిని అధిగమిస్తే రూ.7,227; రూ.7,412 వరకు పెరిగే అవకాశం ఉంటుంది. ఒకవేళ రూ.6,814 కంటే దిగువన కదలాడితే రూ.6,629; రూ.6,515 వరకు దిద్దుబాటు కావచ్చు.
• సహజవాయువు మే కాంట్రాక్టు రూ.148 కంటే దిగువన చలించకుంటే.. మరింతగా రాణించొచ్చు. అయితే రూ.174 వద్ద నిరోధం ఎదురవుతుందనే విషయాన్ని దృష్టిలో ఉంచుకోవాలి. ఒకవేళ రూ.148 కంటే కిందకు వస్తే రూ.140.35 వద్ద మద్దతు లభించవచ్చు. ఈ స్థాయిని కోల్పోతే రూ.120.15 వరకు దిద్దుబాటు అయ్యే అవకాశం ఉంటుంది.

వ్యవసాయ ఉత్పత్తులు

• పసుపు జూన్‌ కాంట్రాక్టుకు రూ.18,108 వద్ద మద్దతు కనిపిస్తోంది. ఈ స్థాయిని కోల్పోతే రూ.17,187; రూ.16,154కు పడిపోవచ్చు. అదేవిధంగా సానుకూల ధోరణిలో కదలాడితే రూ.20,062 వద్ద నిరోధం ఎదురుకావచ్చు. దీనిని అధిగమిస్తే రూ.21,096 వరకు పెరగొచ్చు.
• పత్తి క్యాండీ మే కాంట్రాక్టు రూ.57,960 కంటే కిందకు వస్తే రూ.57,580 వరకు దిద్దుబాటు కావచ్చు. ఒకవేళ రూ.58,960 స్థాయిని మించితే రూ.59,580 వరకు రాణించే అవకాశం ఉంటుంది.

ఆర్‌ఎల్‌పీ కమొడిటీ అండ్‌ డెరివేటివ్స్‌