స్విఫ్ట్‌, విటారా ధరల్ని పెంచిన మారుతీ సుజుకీ

Maruti Suzuki | ఇంటర్నెట్‌డెస్క్‌: ప్రముఖ వాహన తయారీ సంస్థ మారుతీ సుజుకీ (Maruti Suzuki) కార్ల ధరల్ని పెంచినట్లు బుధవారం ప్రకటించింది. స్విఫ్ట్‌తో పాటు ఎస్‌యూవీ గ్రాండ్ విటారాలో ఎంపిక చేసిన వేరియంట్‌ వాహన ధరల్ని పెంచినట్లు పేర్కొంది. కొత్త ధరలు ఈ రోజు (ఏప్రిల్‌10) నుంచే అమల్లోకి వచ్చాయని కంపెనీ తన రెగ్యులేటరీ ఫైలింగ్‌లో తెలిపింది.  

భారత్‌లోకి టెస్లా ఎంట్రీ.. రిలయన్స్‌తో మస్క్‌ చర్చలు?

స్విఫ్ట్ వాహన ధరను రూ.25,000, ఇక గ్రాండ్‌ విటారాలో సిగ్మా వేరియంట్‌ ధరను రూ.19,000 పెంచినట్లు మారుతీ సుజుకీ ప్రకటించింది. పెంపు అనంతరం స్విఫ్ట్‌ ధరల శ్రేణి రూ.5.99 లక్షల నుంచి రూ.8.89 లక్షల (ఎక్స్‌షోరూం- దిల్లీ) మధ్య ఉంటే.. గ్రాండ్‌ విటారాలో సిగ్మా వేరియంట్‌ రూ.10.8 లక్షలుగా (ఎక్స్‌షోరూం- దిల్లీ) ఉంది. నిర్వహణ వ్యయాలు, ముడి సరకుల ధరలు పెరిగిన నేపథ్యంలో ఈ ఏడాది జనవరిలో అన్ని మోడల్‌ కార్ల ధరలపై 0.45 శాతం పెంపును మారుతీ ప్రకటించిన విషయం తెలిసిందే.