Tata Motors: టాటా మోటార్స్‌ కమర్షియల్‌ వాహన ధరలు మరోసారి పెంపు

Tata Motors price hike | దిల్లీ: ప్రముఖ ఆటోమొబైల్‌ సంస్థ టాటా మోటార్స్ (Tata motors) మరోసారి తన కమర్షియల్‌ వాహన (commercial vehicles) ధరలను పెంచనుంది. మూడు శాతం వరకు ధరలను పెంచనున్నట్లు తెలిపింది. అక్టోబర్‌ 1 నుంచి పెరిగిన ధరలు అమల్లోకి రానున్నట్లు కంపెనీ ఓ ప్రకటనలో వెల్లడించింది. 

LIC ఏజెంట్లు, ఉద్యోగులకు కేంద్రం గుడ్‌న్యూస్‌

ఉత్పత్తి ఖర్చులకు సంబంధించి మిగిలిన ప్రభావాన్ని భర్తీ చేయడానికి తాజా ధరల పెంపుదల చేపడుతున్నట్లు కంపెనీ తెలిపింది. కమర్షియల్‌ వాహన శ్రేణిలోని అన్ని వాహనాలపైనా ధరల పెంపు ప్రభావం ఉంటుందని తెలిపింది. ఈ ఏడాది ఏప్రిల్‌ 1న కమర్షియల్‌ వాహన ధరలను టాటా మోటార్స్‌ 5 శాతం వరకు పెంచింది. కమర్షియల్‌ వాహన శ్రేణిలో ఏస్‌, ఇంట్రా, యోధ పేరిట పికప్‌ వెహికల్స్‌తో పాటు ట్రక్కులను టాటా మోటార్స్‌ విక్రయిస్తోంది.