Crime News: ప్రేమ వివాహం చేసుకుందని.. చెల్లెలిపై అన్న కత్తితో దాడి

కోవూరు: ప్రేమ వివాహం చేసుకుందన్న కోపంతో చెల్లిపై అన్న కత్తితో దాడి చేశాడు. ఈ ఘటన నెల్లూరు జిల్లా కోవూరు పోలీస్‌ స్టేషన్‌లో మంగళవారం చోటు చేసుకుంది. వివరాల్లోకి వెళితే... జిల్లాలోని బుచ్చిరెడ్డిపాలెం మండలానికి చెందిన యువతి, కోవూరు మండలానికి చెందిన యువకుడు గత కొంత కాలంగా ప్రేమించుకుంటున్నారు. వీరి ప్రేమకు కుటుంబసభ్యులు అభ్యంతరం తెలపడంతో సోమవారం గుడిలో రహస్యంగా వివాహం చేసుకున్నారు. అనంతరం తమకు రక్షణ కల్పించాలంటూ పోలీసులను ఆశ్రయించారు. దీంతో ఎస్సై వెంకటేశ్వరరావు వారిని మంగళవారం ఉదయం రండి.. ఇరు కుటుంబసభ్యులను పిలిచి మాట్లాడతామని చెప్పి పంపించేశారు. ఈ క్రమంలో ఇవాళ ఉదయం వారు స్టేషన్‌కు వెళ్లారు. అదే సమయంలో యువతి అన్న అక్కడికి చేరుకొని కత్తితో దాడి చేశాడు. వెంటనే యువతిని చికిత్స నిమిత్తం కోవూరు ఆసుపత్రికి తరలించారు. ఈ మేరకు కేసు నమోదు చేసి దర్యాప్తు చేపట్టారు.