కారు, ఆటో ఢీ: 8 మందికి గాయాలు

ప్రమాదానికి గురైన విద్యార్థులు

బొండపల్లి, న్యూస్‌టుడే: మండలంలోని నెలివాడ కూడలి వద్ద కారు, ఆటో ఢీకొన్న ప్రమాదంలో 8 మంది గాయపడిన ఘటన శుక్రవారం చోటుచేసుకుంది. ఎస్సై రవి వివరాల ప్రకారం పాచిపెంట మండలం కేసలి గ్రామానికి చెందిన ఆరుగురు విద్యార్థులు విజయనగరంలోని కళాశాలకు ఆటోలో వెళ్తున్నారు. నెలివాడ కూడలి వద్దకు వచ్చేసరికి, అదే మార్గంలో విజయనగరం నుంచి గజపతినగరం వైపు వస్తున్న కారు వీరిని ఢీకొంది. ఈ ప్రమాదంలో రెండు వాహనాల డ్రైవర్లతో పాటు విద్యార్థులకు గాయాలయ్యాయి. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.