Vande Bharat Express: వందేభారత్‌ రైలు ఢీ.. జింక ఎగిరొచ్చి మీదపడటంతో వ్యక్తి మృతి

రాజస్థాన్‌: వేగంగా వెళ్తున్న వందేభారత్‌ ఎక్స్‌ప్రెస్‌ రైలు పట్టాలపై ఉన్న నీల్‌గాయ్‌ జింకను ఢీకొట్టింది. ఆ జింక గాల్లో ఎగిరి సమీపంలో ఉన్న ఓ వ్యక్తిపై పడింది. రాజస్థాన్‌ రాష్ట్రంలోని అల్వార్‌ జిల్లా కలిమోరి రైల్వే లెవల్‌ క్రాసింగు వద్ద జరిగిన ఈ ప్రమాదంలో జింకతోపాటు ఆ వ్యక్తి అక్కడిక్కక్కడే మృతిచెందారు. దీంతో రైలును కొద్దిసేపు నిలిపివేశారు. జింక మీద పడి మరణించిన వ్యక్తిని రైల్వే విశ్రాంత ఉద్యోగి శివదయాళ్‌గా పోలీసులు గుర్తించారు. ఆయన మృతదేహాన్ని రాజీవ్‌గాంధీ జనరల్‌ ఆసుపత్రి మార్చురీకి తరలించి, కుటుంబసభ్యులకు సమాచారం చేరవేశారు. రైలు దిల్లీ నుంచి అజ్‌మేర్‌కు వెళుతుండగా ఈ ప్రమాదం జరిగింది.