Crime News: పెద్దలకు చెప్పలేక.. ప్రాణాలు తీసుకున్నారు
వారిద్దరూ మేజర్లే.. పరస్పరం ఇష్టపడ్డారు. కానీ.. ప్రేమ విషయం పెద్దలకు చెప్పుకోలేకపోయారు. పురుగుల మందు తాగి ప్రాణాలు తీసుకున్నారు. కన్నవారికి కడుపు కోత మిగిల్చారు. ఈ విషాద ఘటన నల్గొండ జిల్లా
నల్గొండ జిల్లాలో ప్రేమజంట విషాదాంతం
తిరుమలగిరి(సాగర్), న్యూస్టుడే: వారిద్దరూ మేజర్లే.. పరస్పరం ఇష్టపడ్డారు. కానీ.. ప్రేమ విషయం పెద్దలకు చెప్పుకోలేకపోయారు. పురుగుల మందు తాగి ప్రాణాలు తీసుకున్నారు. కన్నవారికి కడుపు కోత మిగిల్చారు. ఈ విషాద ఘటన నల్గొండ జిల్లా తిరుమలగిరి(సాగర్) మండలం తెట్టెకుంట గ్రామంలో ఆదివారం వెలుగుచూసింది. పోలీసులు, గ్రామస్థుల కథనం ప్రకారం.. తెట్టెకుంటకు చెందిన ఉగ్గిరి నాగయ్య, సైదమ్మ దంపతులకు కుమారుడు వెంకటేశ్వర్లు, కుమార్తె సంధ్య(20) సంతానం. ఇంటర్ పూర్తిచేసిన సంధ్య.. వ్యవసాయ పనులకు వెళ్తుండేది. గతేడాది రోడ్డు ప్రమాదంలో వెంకటేశ్వర్లు చనిపోయాడు. ఇతడి స్నేహితుడు, వీరింటి సమీపంలోనే ఉండే మట్టిపల్లి కొండలు(22) మిత్రుడు చనిపోయినప్పటి నుంచి బాధిత కుటుంబానికి సాయంగా ఉండేవాడు. ఈ క్రమంలో సంధ్య, కొండలు ప్రేమించుకున్నారు. ఇది తెలియని సంధ్య తల్లిదండ్రులు.. ఆమెకు దగ్గరి బంధువుల అబ్బాయితో సంబంధం మాట్లాడి, నిశ్చితార్థం చేశారు. ఈనెల 22న సంధ్యను, వాళ్ల నాయనమ్మను ఇంటి వద్ద ఉంచి పెళ్లి తేదీని నిర్ణయించడానికి ఊరెళ్లారు. ఆ సమయంలో బయట ఏకాంతంగా మాట్లాడుకున్న కొండలు, సంధ్య.. తమ ప్రేమ వ్యవహారం పెద్దలకు తెలియజేస్తే ఏమవుతుందోనని భయపడ్డారు. కలిసి చనిపోదామని నిర్ణయించుకున్నారు. అక్కడే పురుగుల మందు తాగేశారు. తర్వాత సంధ్య ఇంటికి వెళ్లింది. వాంతులు చేసుకోవడంతో వాసన పసిగట్టిన సంధ్య నాయనమ్మ కేకలు వేశారు. స్థానికులు సంధ్యను ఆసుపత్రికి తీసుకెళ్లేందుకు బయలుదేరగా.. కొండలు అడ్డువచ్చి ఇద్దరినీ బతికించాలని వేడుకున్నాడు. వారిద్దరినీ హాలియాలోని ప్రైవేటు ఆసుపత్రికి తరలించారు. అబ్బాయి పరిస్థితి విషమించడంతో తల్లిదండ్రులు అతన్ని నల్గొండలోని ఓ ప్రైవేటు ఆసుపత్రికి తరలించారు. సంధ్యను నార్కట్పల్లిలో ఓ ఆసుపత్రికి తీసుకెళ్లగా వారు పాయిజన్ కేసులు తీసుకోబోమని చెప్పడంతో నల్గొండ జిల్లా ప్రభుత్వ ఆసుపత్రిలో చేర్చారు. చికిత్స పొందుతూ శనివారం సాయంత్రం కొండలు, అదేరోజు రాత్రి సంధ్య తుదిశ్వాస విడిచారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ఒక్క రోజులో రూ.800 కోట్ల నష్టం.. ఝున్ఝున్వాలా కుటుంబానికి టైటాన్ షాక్..!
-
ఏపీలోని పలు జిల్లాల్లో భారీ వర్షం.. పిడుగుపాటుకు ఇద్దరి మృతి
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
-
నేహాశెట్టి ‘ఎమోషన్స్’.. పుస్తకంతో మాళవిక మోహనన్
-
ఆస్ట్రేలియా హెలికాప్టర్పై నిప్పుల వర్షం.. చైనా దుందుడుకు చర్య
-
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..