Mancherial: అమిత్‌షా అని ఆపారు.. వెంటనే పంపించారు

న్యూస్‌టుడే, మంచిర్యాల సిటీ: అంబులెన్స్‌ (అత్యవసర వాహనం)వస్తుందంటే.. ఏ స్థాయి వ్యక్తి అయినా దారి ఇవ్వాల్సిందే. అలాంటి సంఘటనే సోమవారం భాజపా అగ్రనేత, కేంద్ర హోంశాఖ మంత్రి అమిత్‌షా మంచిర్యాల జిల్లాకు వచ్చిన సందర్భంగా చోటుచేసుకుంది. సరిగ్గా రైల్వే పైవంతెన వద్ద మంత్రి కాన్వాయ్‌ దిగుతుండటం, ఎదురుగా అంబులెన్స్‌ రావడంతో భద్రతా సిబ్బంది ఒక్కసారిగా సందిగ్ధంలో పడిపోయారు. నిలిపివేయాలా.. పంపించాలనే ఆలోచిస్తూనే ఒక్క నిమిషం ఆపివేశారు. బాధిత వ్యక్తి పరిస్థితి ఎలా ఉందో అంటూ ఆందోళనతో వెంటనే పంపించారు. భాజపా అభిమానులు స్పందిస్తూ అంబులెన్స్‌కు దారి ఇచ్చేందుకు సహకరించడం విశేషం.