గంగపుత్ర శివాలయంలో మహా అన్నదానం

ఆదిలాబాద్ సాంస్కృతికం: జిల్లా కేంద్రంలోని గంగపుత్ర శివాలయంలో సోమవారం భక్తులకు మహా అన్నదాన కార్యక్రమం నిర్వహించారు. దాతలు బి.శ్రీకాంత్, బచ్చు రాకేష్, బచ్చు కృష్ణ కుటుంబ సభ్యులు స్వయంగా భక్తులకు భోజనం వడ్డించారు. ఈ కార్యక్రమంలో దాదాపు 2వేల మందికి పైగా భక్తులు భోజనం చేశారు.  అన్నదానం కార్యక్రమం విజయవంతంగా నిర్వహించామని, ప్రతి సోమవారం ఉదయం 9 నుంచి మధ్యాహ్నం 12 గంటల వరకు అన్నదానం ఉంటుందని నిర్వాహకులు తెలిపారు. ఈ కార్యక్రమంలో ఆలయ కమిటీ అధ్యక్ష, ప్రధాన కార్యదర్శులు చిన్న రాములు, కుమ్మరి కృష్ణ, సభ్యులు కిరణ్, ప్రవీణ్, సంజయ్, రమేష్, నర్సింహులు, గంగపుత్ర సంఘం జిల్లా అధ్యక్ష, ప్రధాన కార్యదర్శులు బొంపల్లి భూమన్న, మేకల అశోక్ పాల్గొన్నారు.