అమరావతి: గుంటూరు నాగార్జున యూనివర్సిటీ స్ట్రాంగ్‌ రూమ్‌ వద్ద సీఎం సెక్యూరిటీ సిబ్బంది పార్టీ నిర్వహించడంపై రాష్ట్ర ఎన్నికల ప్రధానాధికారి ఎంకే మీనాకు తెదేపా అధినేత చంద్రబాబు ఫిర్యాదు చేశారు. స్ట్రాంగ్‌ రూమ్‌ వద్ద ఎన్నికల నిబంధనలు ఉల్లంఘించిన సీఎం సెక్యూరిటీ సిబ్బంది.. సిద్ధం పోస్టరు, వైకాపా డీజే పాటలతో పార్టీ నిర్వహించారని లేఖలో పేర్కొన్నారు. ఇందులో 450మందికి పైగా పోలీసులు పాల్గొన్నారని తెలిపారు. ఈ విందు నిర్వహించిన సీఎం సెక్యూరిటీ గ్రూప్‌ ఎస్పీ అట్టాడ బాపూజీపై కఠిన చర్యలు తీసుకోవాలని డిమాండ్‌ చేశారు. స్ట్రాంగ్‌ రూమ్‌ వద్ద పటిష్ఠ బందోబస్తు ఏర్పాటు చేయాలని సీఈవోను చంద్రబాబు కోరారు.