సీపీఐ నాయకుల ముమ్మర ప్రచారం

ఆదిలాబాద్ సాంస్కృతికం: మిత్రపక్షమైన కాంగ్రెస్ పార్టీని బలపరుస్తున్న సీపీఐ నాయకులు శుక్రవారం జిల్లా కేంద్రంలో ముమ్మర ప్రచారం నిర్వహించారు. పట్టణంలోని ప్రధాన కూడళ్ళలో ఓటర్లను కలిసి ఎన్నికల హామీ కరపత్రాలను అందించారు. సీపీఐ జిల్లా కార్యదర్శి ముడుపు ప్రభాకర్ రెడ్డి మాట్లాడుతూ భారత రాజ్యాంగాన్ని మారుస్తానంటున్న భాజపాను రానున్న లోక్ సభ ఎన్నికల్లో ఓడించి గద్దె దించాలన్నారు. కాంగ్రెస్ పార్టీ ఎంపీ అభ్యర్థి ఆత్రం సుగుణను భారీ మెజారిటీతో గెలిపించాలని అభ్యర్థించారు. ఈ కార్యక్రమంలో సీపీఐ రాష్ట్ర సమితి సభ్యురాలు నళిని రెడ్డి, నాయకులు రాములు, రమేశ్‌ పోచ్చిరామ్, అమీనా ఖాన్, కృష్ణవేణి, గణేశ్‌, రాందాస్ తదితరులు పాల్గొన్నారు.