నిషేధమా.. నీవెక్కడ?

లోతుగెడ్డ కూడలి సమీపంలో అటవీశాఖ ఏర్పాటు చేసిన చెత్త తొట్టెలు

చింతపల్లి, న్యూస్‌టుడే: పాలిథిన్‌, ప్లాస్టిక్‌ నిషేధం ప్రకటనలకే పరిమితమవుతోంది. పర్యావరణానికి హాని కలిగించే పాలిథిన్‌ను పూర్తిగా నిషేధించాలని అధికార యంత్రాంగం ఒక వైపు ఆదేశాలు జారీ చేస్తున్నా క్షేత్రస్థాయిలో ఇవి అమలు కావడం లేదు. ప్రధానంగా పర్యటక ప్రాంతాల్లో వీటి వినియోగం మరింత విచ్చలవిడిగా సాగుతోంది. చింతపల్లి మండలం లంబసింగి, తాజంగితోపాటు లోతుగెడ్డ కూడలి సమీపంలోని కృష్ణాపురం వద్ద అటవీశాఖకు చెందిన వనాల్లో మందుబాబులు తాగి పడేసిన సీసాలు, తాగునీటి బాటిళ్లు, ప్లాస్టిక్‌ గ్లాసులు, పాలిథిన్‌ సంచులు కనిపిస్తున్నాయి. అటవీశాఖ అధికారులు ప్లాస్టిక్‌, పాలిథిన్‌ను నిషేధించాలని, చెత్తతొట్టెలను వినియోగించాలని కోరుతూ పలు చోట్ల వీటిని ఏర్పాటు చేసినా ఎవరూ పట్టించుకోవడం లేదు.