ఒడిశాలో తెదేపా నాయకుల ప్రచారం

ఓటర్లతో మాట్లాడుతున్న మత్స్యకార నాయకులు

నక్కపల్లి, న్యూస్‌టుడే: నక్కపల్లి మండలానికి చెందిన తెదేపా, జనసేన, భాజపా మత్స్యకార నాయకులు ఒడిశాలో బుధవారం పార్టీ తరఫున ప్రచారం నిర్వహించారు. మండలం నుంచి మత్స్యకారులు చేపల వేట నిమిత్తం పూరీ, కోణార్క్‌ తదితర ప్రాంతాలకు వలస వెళ్లారు. ఈ మేరకు మేలో ఎన్నికలు జరగనుండటంతో కూటమి అభ్యర్థి వంగలపూడి అనితతోపాటు కూటమి నుంచి బరిలో ఉన్న ఎంపీ అభ్యర్థికి ఓటేసి గెలిపించాలని వారిని నాయకులు కోరారు. కూటమి అధికారంలోకి వస్తేనే ప్రజలకు మేలు జరుగుతుందని తెలిపారు. వైకాపా పాలన కారణంగా ప్రజలంతా నష్టపోయారని వివరించారు. ఎన్నికల్లో అధికార పార్టీకి తగిన బుద్ధి చెప్పాలని కోరారు. పిక్కి శ్రీనివాసరావు, పిక్కి కొర్లయ్య, పిక్కి కోదండరావు, సిరిపల్లి అప్పలరాజు, కొండలరావు తదితరులు పాల్గొన్నారు.