సాధారణ కాన్పులో 4 కిలోల బిడ్డ జననం

శిశువుతో పీహెచ్‌సీ వైద్యాధికారులు శ్రుతి, భార్గవి, సిబ్బంది

గంపలగూడెం, న్యూస్‌టుడే: గంపలగూడెం ప్రాథమిక ఆరోగ్య కేంద్రంలో చింతలనర్వకు చెందిన మేరీజోస్‌కు సాధారణ కాన్పులో 4 కిలోల బరువుతో బాబు జన్మించినట్లు వైద్యాధికారులు వి.శ్రుతి, భార్గవి గురువారం తెలిపారు. బిడ్డ బరువు 3 కిలోల లోపు ఉంటే సాధారణ కాన్పు చేయవచ్చని, ఆపైన బరువు ఉంటే శస్త్రచికిత్సకు ప్రాధాన్యత ఇస్తారన్నారు. సదరు గర్భిణి శస్త్రచికిత్సకు ఒప్పుకోకపోవడంతో బుధవారం రాత్రి 6 గంటల పాటు తాము, సిబ్బంది శ్రమించి సాధారణ కాన్పు చేశామని, తల్లీబిడ్డ క్షేమంగా ఉన్నారని చెప్పారు. గురువారం సాయంత్రం మరో మహిళకు కూడా సాధారణ కాన్పులో 3 కిలోల బిడ్డ జన్మించినట్టు తెలిపారు.