భర్త వేధింపులతో భార్య ఆత్మహత్య

మృతి చెందిన వెంకటరమణ

నూజండ్ల, న్యూస్‌టుడే : మండలంలోని రమణాలవారిపాలెంలో కొత్తపల్లి వెంకటరమణ (28) భర్త ఏడుకొండలు వేధింపులు తాళలేక శనివారం రాత్రి తల వెంట్రుకలకు రంగు తాగి ఆత్మహత్యకు పాల్పడింది. మొదట ఆమె ఆత్మహత్యాయత్నం చేయగా బంధువులు వినుకొండ ప్రైవేటు వైద్యశాలకు తీసుకెళ్లగా చికిత్స పొందుతూ మృతి చెందింది. మృతదేహాన్ని రాత్రికి రాత్రే గ్రామానికి తరలించారు. మృతురాలి తల్లిదండ్రులు తమ కూతురు ఆత్మహత్యకు అల్లుడే కారణమని పోలీసులకు సమాచారం ఇవ్వగా తిరిగి మృతదేహాన్ని పోస్టుమార్టం నిమిత్తం వినుకొండకు తరలించారు. ఈ మేరకు పోలీస్‌లకు ఫిర్యాదు చేయగా కేసు నమోదు చేసి దర్యాప్తు చేస్తున్నట్లు ఎస్సై అనిల్‌కుమార్‌ తెలిపారు. 12 ఏళ్ల క్రితం కంభంపాడుకు చెందిన వెంకటరమణను రమణాలవారిపాలేనికి చెందిన ఏడుకొండలకు ఇచ్చి వివాహం చేశారు. వారికి ఇద్దరు ఆడ, ఇద్దరు మగ పిల్లలు ఉన్నారు.