special trains: ప్రత్యేక రైళ్లు పొడిగింపు

కలెక్టరేట్‌(గుంటూరు), న్యూస్‌టుడే: ప్రయాణికుల రద్దీని దృష్టిలో ఉంచుకుని గుంటూరు మీదుగా నడిచే పలు ప్రత్యేక రైళ్లను ఫిబ్రవరి వరకు పొడిగించినట్లు మండల రైల్వే అధికారి గురువారం ఒక ప్రకటనలో తెలిపారు. విశాఖపట్నం- సికింద్రాబాద్‌-విశాఖపట్నం(08579-08580) రైలును ఫిబ్రవరి 2 నుంచి 24వ తేదీ వరకు కొనసాగించనున్నట్లు తెలిపారు. అదేవిధంగా విశాఖపట్నం-సికింద్రాబాద్‌-విశాఖపట్నం (08585-08586) రైలును ఫిబ్రవరి 1 నుంచి 23వ తేదీ వరకు పొడిగించినట్లు తెలిపారు. భువనేశ్వర్‌ నుంచి బెంగళూరు వెళ్లే రైలు(18463), బెంగుళూరు నుంచి భువనేశ్వర్‌కు వచ్చే రైలు(18464)కు అదనపు బోగీలు ఏర్పాటు చేసినట్లు తెలిపారు.